Bakı Şəhəri Suraxanı Rayon Məhkəməsi Qərar — İş №3(010)-129/2021

Azərbaycan Respublikası adından QƏRAR Bakı şəhəri İş № 3(010)-129/2021 25.01.2021 BAKI ŞƏHƏRİ SURAXANI RAYON MƏHKƏMƏSİ Hakim İbrahimov Anar Firdovsi oğlunun sədrliyi, Hacıyev Gündüz Nizami oğlunun katibliyi ilə, Bakı şəhər DYPİ Yol patrul xidmətinin vəzifəli şəxsinin xx.xx.2021-ci il tarixli TP seriyalı ******* nömrəli qərarından X3 tərəfindən verilmiş şikayətə baxaraq, məhkəmə M Ü Ə Y Y Ə N E T D İ : Bakı şəhər DYPİ Yol patrul xidmətinin vəzifəli şəxsi tərəfindən xx.xx.2021-ci ildə qəbul olunmuş TP seriyalı ******* nömrəli qərarla X3 Azərbaycan Respublikası İXM-nin 211.1-ci maddəsi ilə təqsirli bilinib 200 manat miqdarında cərimə edilmişdir. X3 həmin qərardan şikayət vermişdir. X3 şikayətini onunla əsaslandırmışdır ki, Bakı şəhər DYPİ Yol Patrul Xidmətinin inspektoru polis kiçik serjantı X5 tərəfindən barəsində Azərbaycan Respublikası İXM-nin 211.1-ci maddəsilə xx xxxxxx 2021-ci il tarixdə 200 manat məbləğində inzibati tənbeh tədbirinin tətbiq edilməsi ilə bağlı qərar qəbul etmişdir. Sözügedən qərar qanunsuz və əsassız olduğundan ləğv olunmalı, iş üzrə icraata xitam verilməlidir.Qeyd olunan hadisə ilə bağlı xüsusi karantin rejimi zamanı o karantin qaydasını pozmamışdır. Xüsusi karantin rejimi dövründə Nazirlər Kabinetinin qərarına əsasən həkimə getmək üçün sms (1-ilə) icazə götürərək evi tərk etmişdir. Klinikadan çıxdıqdan sonra isə həkimdən polis əməkdaşlarına təqdim etmək üçün arayış da almışdır. Arayışda tarix və saat qeyd edilmişdir. Lakin buna baxmayaraq xx xxxxxx 2021-ci il tarixdə saat 17:47 də klinikadan qayıdarkən polis əməkdaşları tərəfindən saxlanılmış, ona karantin qaydaları pozduğu bildirilmişdir. Barəsində DYPİ Yol Patrul Xidmətinin əməkdaşları tərəfindən protokol tərtib olunarkən arayışı təqdim etməyinə baxmayaraq əsassız inzibati xəta haqqında icraat başlanmışdır. Polis əməkdaşına arayışı təqdim etməyinə baxmayaraq, onlar buna məhəl qoymamış və barəsində protokol tərtib ediblər. İnzibati xəta haqqında protokolla razı olmadığına baxmayaraq araşdırma aparılmadan barəsində əsassız olaraq inzibati tənbeh vermə haqqında qərar çıxarılmışdır. Buna görə də hesab edir ki, həmin qərar ləğv edilməlidir. İnzibati protokol tərtib etmiş orqana və ərizəçiyə şikayətə baxılmasının vaxtı və yeri barədə məlumat verilməsinə baxmayaraq, inzibati protokolu tərtib etmiş orqanın nümayəndəsi və ərizəçi məhkəmə iclasında iştirak etməmiş, eləcə də inzibati işə baxılmasının təxirə salınması barədə məhkəməyə heç bir vəsatət daxil olmamışdır. Məhkəmə işə inzibati protokolu tərtib etmiş orqanın nümayəndəsinin və ərizəçinin iştirakı olmadan baxılmasını mümkün saymışdır. Barəsində inzibati xəta haqqında iş üzrə qərar çıxarılmış şəxsi dinləyib iş materiallarını nəzərdən keçirərək məhkəmə belə qənaətə gəlir ki, şikayət aşağıdakı səbəblərə görə təmin olunmamalıdır. Azərbaycan Respublikası İXM-nin 211.1-ci maddəsi epidemiya əleyhinə rejimin, sanitariya-gigiyena və karantin rejimlərinin pozulmasına görə məsuliyyət nəzərdə tutur. «Koronavirus (COVİD-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlər haqqında» Azərbaycan Respublikası Nazirlər Kabinetinin xx xxxxx 2020-ci il tarixli 124 nömrəli Qərarı ilə xx xxxxx 2020-ci il tarixli qərarı ilə saat 00:00-dan xx xxxxx 2020-ci il saat 00:00-dək ölkə ərazisində hərəkət məhdudiyyətləri müəyyən edilmiş, «Azərbaycan Respublikasının ərazisində xüsusi karantin rejiminin müddətinin uzadılması barədə» Azərbaycan Respublikası Nazirlər Kabinetinin xx xxxxx 2020-ci il tarixli 144 nömrəli Qərarının 5-ci bəndi ilə yuxarıda qeyd olunan müddət xx xxx 2020-ci il tarixinədək, «Azərbaycan Respublikasının ərazisində xüsusi karantin rejiminin müddətinin uzadılması və həmin rejimlə əlaqədar tətbiq edilən bəzi məhdudiyyətlərin aradan qaldırılması barədə» Azərbaycan Respublikası Nazirlər Kabinetinin xx xxx 2020-ci il tarixli 163 nömrəli Qərarının 6.1-ci bəndi ilə isə xx xxx 2020-ci il tarixinədək uzadılmış, Azərbaycan Respublikası Nazirlər Kabinetinin x xxx 2020-ci il № 163 nömrəli qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 31 may saat 00:00-dək uzadılmış, xüsusi karantin rejimi ilə əlaqədar Azərbaycan Respublikasının Nazirlər Kabineti və Azərbaycan Respublikasının Nazirlər Kabineti yanında Operativ Qərargah tərəfindən müəyyən edilmiş bütün məhdudiyyətlər, tələblər və rejimlər bu Qərarın 1-ci hissəsi ilə müəyyən edilmiş müddət ərzində öz qüvvəsini saxlamış, Azərbaycan Respublikası Nazirlər Kabinetinin xx xxx 2020-ci il tarixli 176 nömrəli qərarı ilə 2020-ci il 18 may saat 00:00-dan etibarən Bakı, Sumqayıt, Gəncə, Lənkəran şəhərlərinin və Abşeron rayonunun ərazisində yaşayış yerini SMS icazə sistemi ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayış əsasında tərk etmək sistemi ləğv edilmiş, Azərbaycan Respublikasının Nazirlər Kabinetinin xx xxx 2020-ci il tarixli 190 nömrəli qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 15 iyun saat 00:00-dək uzadılmış, Azərbaycan Respublikasının Nazirlər Kabinetinin x xxxx 2020-ci il tarixli 195 nömrili qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 1 iyul saat 00:00-dək uzadılmış, Azərbaycan Respublikasının Nazirlər Kabinetinin xx xxxx 2020-ci il tarixli 207 nömrəli qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 1 avqust saat 00:00-dək uzadılmış, Azərbaycan Respublikasının Nazirlər Kabinetinin xx xxxx 2020-ci il tarixli 220 nömrəli qərarı ilə «Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə” Azərbaycan Respublikası Nazirlər Kabinetinin 2020-ci il 19 iyun tarixli 208 nömrəli Qərarında dəyişikliklər edilmiş, “SMS-məlumatda” sözlərindən sonra “və ya E- Təbib” mobil tətbiqində” sözləri əlavə edilmiş, Azərbaycan Respublikasının Nazirlər Kabinetinin xx xxxx 2020-ci il tarixli 255 nömrəli qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 31 avqust saat 00:00-dək uzadılmışdır. Azərbaycan Respublikasının Nazirlər Kabinetinin xx xxxxxx 2020-ci il tarixli 310 nömrəli qərarı ilə koronavirus (COVİD- 19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 30 sentyabr saat 00:00-dək uzadılmışdır. Azərbaycan Respublikasının Nazirlər Kabinetinin xx xxxxxxxx 2020-ci il tarixli 359 nömrəli qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 02 noyabr saat 06:00-dək uzadılmışdır. Azərbaycan Respublikasının Nazirlər Kabinetinin xx xxxxxxx 2020-ci il tarixli 427 nömrəli qərarı ilə koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 01 dekabr saat 06:00-dək uzadılmışdır. Azərbaycan Respublikasının Nazirlər Kabinetinin Azərbaycan Respublikasının ərazisində xüsusi karantin rejiminin müddətinin uzadılması ilə bağlı əlavə tədbirlər barədə xx xxxxxx 2020ci il tarixli 450 nömrəli qərarı ilə Koronavirus (COVİD-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 28 dekabr saat 06:00-dək uzadılmışdır. Azərbaycan Respublikasının Nazirlər Kabinetinin Azərbaycan Respublikasında 2020-ci il dekabrın 14-dən xüsusi karantin rejiminin sərtləşdirilməsi haqqında xx xxxxxx 2020-ci il tarixli 488 nömrəli qərarı ilə 2020-ci il 14 dekabr saat 00:00-dan 2021-ci il 18 yanvar saat 00:00-dək ölkənin bütün ərazisində bu Qərarın 1 nömrəli əlavəsi ilə müəyyən edilmiş iş və xidmət sahələri istisna olmaqla digər iş və xidmət sahələrinin fəaliyyəti dayandırılmışBu Qərarın 1-ci hissəsi ilə müəyyən edilmiş müddətdə Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, habelə Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində (kənd və qəsəbələr istisna olmaqla) hərəkət məhdudiyyətləri yəni, Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, habelə Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində yaşayış yerini SMS icazə sistemi ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayış əsasında tərk etmək sistemi tətbiq edilməsi qərara alınmışdır. Beləliklə, Koronavirus (COVİD-19) pandemiyası ilə əlaqədar olaraq «yaşayış yerini SMS icazə sistemi ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayış əsasında tərk etmək sistemi» xx.xx.2021-ci il tarixdə qüvvədə olub. Nazirlər Kabinetinin aidiyyəti qərarları ilə xüsusi karantin rejimi müddətində müəyyən fəaliyyət sahələrinə müvafiq şərtlərlə icazə verilib. Vətəndaşlar yaşayış yerini tərk etmək üçün icazə almaq məqsədilə 8103 nömrəsinə SMS məlumat göndərməlidirlər (SMS məlumatlar ödənişsizdir). Məhkəmə qeyd edir ki, Nazirlər Kabinetinin müavafiq qərarlarına əsasən X1, yəni xx.xx.2021-ci il tarixdə Koronavirus (COVİD-19) pandemiyası ilə əlaqədar olaraq yaşayış yerini SMS icazə sistemi ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayış əsasında tərk etmək sistemi» ilə mümkün olmuşdur. Yəni, Azərbaycan Respublikası ərazisində yaşayan hər bir vətəndaş Koronavirus (COVİD-19) pandemiyası ilə əlaqədar olaraq yaşayış yerini SMS icazə sistemi ilə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayış əsasında tərk etmək sistemi» ilə tərk etməli idi. Ərizəçi şikayət ərizəsində göstərmişdir ki, o, 1 indeksi ilə həkimə getmək üçün SMS icazə almış, icazə müddətinin vaxtı bitdiyindən həkimdən arayış alsa da, polis əməkdaşlarının arayışa məhəl qoymayaraq onun barəsində inzibati tənbeh vermə haqqında qərar qəbul edilmişdir. Bununla əlaqədar olaraq məhkəmə qeyd edir ki, vətəndaşların müvafiq icazəni almadan yaşayış yerini tərk etməsi qadağan olunmuşdur. Bundan başqa, ərizəçi ümumiyyətlə xx.xx.2021-ci il tarixdə 1 indeksi ilə SMS icazənin alması üçün müraciət etməsinə dair heç bir sübutunu məhkəməyə təqdim etməmişdir. ("1" rəqəmi - təxirəsalınmaz tibbi zərurətlə və ya qrafik üzrə müalicə ilə əlaqədar yaşayış yerini və olduğu yeri tərk etmək üçün istifadə üçündür.) O, 2 indeksi ilə SMS icazəsi almışdır.("2" rəqəmi isə ərzaq, digər gündəlik tələbat malları, dərman vasitələrinin alınması, dövlət, bank, poçt və xidmət sahələrində göstərilən digər xidmətlərdən istifadə üçündür.) Beləliklə, X2 elə özü tərəfindən təqdim edilmiş sübutlarla müəyyən edilir ki, onun barəsində inzibati xəta haqqında qərar tərtib edildiyi vaxt (xx.xx.2021-ci ildə saat 09.32də) 1 indeksi ilə yaşayış yerini tərk etmək icazəsi olmamışdır. Bundan əlavə X2 ümamumiyətlə xx.xx.2020-ci il tarixdə həkimdən arayışı olmamışdır. Belə ki, ərizəci göstərir ki, o, Klinikadan çıxdıqdan sonra həkimdən polis əməkdaşlarına təqdim etmək üçün arayış da almışdır. Arayışda tarix və saat qeyd edilmişdir. Lakin buna baxmayaraq xx xxxxxx 2021-ci il tarixdə saat 17:47 də klinikadan qayıdarkən polis əməkdaşları tərəfindən saxlanılmış, ona karantin qaydaları pozduğu bildirilmişdir. Barəsində DYPİ Yol Patrul Xidmətinin əməkdaşları tərəfindən protokol tərtib olunarkən arayışı təqdim etməyinə baxmayaraq əsassız inzibati xəta haqqmda icraat başlanmışdır. Polis əməkdaşına arayışı təqdim etməyinə baxmayaraq, onlar buna məhəl qoymamış və barəsində protokol tərtib ediblər.İş materiallarına əlavə edilmiş arayışdan isə görünür ki, xx.xx.1963-cü il təvəllüdlü X3 xx.xx.2021-ci il tarix saat 17:00-da X4 MMC-də həkim müayinəsində olmuşdur. Lakin bu arayış xx.xx.2021-ci il tarixdə tərtib olunmuşdur və heç bir halda xx.xx.2021-ci il tarixdə polis əməkdaşlarına təqdim edilə bilinməzdi. Göstərilənlərə əsasən məhkəmə ərizəçinin bu dəlillərini əsassız hesab edir. Göstərilənlər belə qənaətə gəlməyə əsas verir ki, X2 Azərbaycan Respublikası İXM-nin 211-ci maddəsi ilə təqsirli bilinib 200 manat miqdarında cərimə edilməsinə dair Bakı şəhər DYPİ Yol patrul xidmətinin vəzifəli şəxsinin xx.xx.2021-ci il tarixli TP seriyalı ******* nömrəli qərarı qanuni və əsaslıdır. Ona görə də şikayət təmin edilməməlidir. Yuxarıda göstərilənlərə əsasən və Azərbaycan Respublikası İXM-nin 134, 136 və 137-ci maddələrini rəhbər tutaraq, məhkəmə Q Ə R A R A A L D İ : Bakı şəhər DYPİ Yol patrul xidmətinin vəzifəli şəxsinin xx.xx.2021-ci il tarixli TP seriyalı ******* nömrəli qərarından X3 tərəfindən verilmiş şikayət təmin edilməsin. Bakı şəhər DYPİ Yol patrul xidmətinin vəzifəli şəxsinin xx.xx.2021-ci il tarixli TP seriyalı ******* nömrəli qərarı dəyişdirilmədən saxlanılsın. Qərardan onun surəti rəsmi qaydada verildiyi vaxtdan etibarən 10 gün müddətində Suraxanı Rayon Məhkəməsi vasitəsilə Bakı Apelyasiya Məhkəməsinə apelyasiya şikayəti və protesti verilə bilər. Sədrlik edən Anar İbrahimov