Bakı Şəhəri Suraxanı Rayon Məhkəməsi Qərar — İş №3(010)-1475/2021

Azərbaycan Respublikası adından QƏRAR Bakı şəhəri İş № 3(010)-1475/2021 26.10.2021 BAKI ŞƏHƏRİ SURAXANI RAYON MƏHKƏMƏSİ Suraxanı Rayon Məhkəməsinin hakimi İbrahimov Anar Firdovsi oğlunun sədrliyi, Heydərova Nilufər Ruhulla qızının katibliyi, barəsində inzibati xəta haqqında protokol tərtib olunmuş Şəxs, zərərçəkmiş şəxs X1 iştirakı ilə xx.xx.1984-cü ildə Ağdam rayonunda doğulmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan və ünvan 2 ünvanında yaşayan Şəxs Azərbaycan Respublikası İXM-nin 157-ci maddəsi ilə təqsirləndirilməsinə dair inzibati xəta haqqında işə baxaraq, məhkəmə M Ü Ə Y Y Ə N E T D İ : Şəxs 19 sentyabr 2021-ci il tarixdə X2, aralarında yaranmış mübahisə zəminində döyərək, sonuncuya dərəcəsi təyin edilməyən xəsarətlər yetirmişdir. Məhkəmə iclasında Şəxs yuxarıda təsvir olunmuş inzibati xətanı törətməkdə özünü təqsirli bilməyərək qeyd etmişdir ki, o, 19 sentyabr 2021-ci il tarixdə uşaqlarını “Ulduz” parkına gəzməyə aparmışdır. “Ulduz” parkının yanında olarkən, uşaqları ona bildirmişlər ki, onlar həmin parka daha əvvəl xalaları və tanımadıqları oğlan ilə gələrək gəzmişlər. O, uşaqlarının bildirdiklərindən əsəbləşərək, həyat yoldaşının yaşadığı ünvana gəlmiş və həmin mövzu barəsində mübahisə etmişlər. Bu zaman X3 ona bıçaq ilə hücum etmiş, o isə Şəmsin əlindən bıçağı almaq üçün onu itələmişdir.O, X2 döyməmiş, hər hansı bir xəsarət yetirməmişdir və sonuncunun mobil telefonunu sındırmamışdır. İşin məhkəmə baxışı zamanı zərərçəkmiş şəxs qismində dindirilmiş X3 bildirmişdir ki, o, Şəxs ilə altı ilə yaxındır ki, ailə həyatı qurmuşdur.Həmin evlilikdən iki qız övladı vardır. Şəxslə birlikdə ünvan 3 ünvanında yaşamış, lakin sonuncu ilə münasibətləri pis olduğu üçün hazırda anasının yaşadığı ünvan 4 ünvanında yaşayır. 19.09.2021-ci il tarixdə həyat yoldaşı Elvin onun faktiki yaşadığı Suraxanı rayonu, Qaraçuxur qəsəbəsi, E.Bəkirli küçəsi, 70a saylı evə hücum edərək, onun qolundan və ayağından stulla vuraraq, ona xəsarət yetirmişdir. Şəxs qanunla nəzərdə tutulan tənbeh tətbiq olunmasını məhkəmədən xahiş edir. Barəsində inzibati xəta haqqında iş üzrə icraat aparılan şəxsin müvafiq inzibati xətanı törətməsi faktı iş üzrə zərərçəkmiş şəxsin ifadəsi ilə yanaşı, iş üzrə toplanmış digər sübutlarla da təsdiq olunur. İş materiallarına əlavə edilmiş 20.09.2021-ci il tarixli 1021 nömrəli ekspert rəyinin nəticəvi hissəsində qeyd olunur ki, vət.Ş.F.Əliyevanın məhkəmə-tibbi müayinəsi zamanı onun bədən səthində aşkar edilmiş küt əşya(əşyaların) təsirindən törənmişlər, yetirilmə müddəti 19.09.2021-ci il tarixə və şəraitə uyğun gəlir, sağlamlığa zərər vurmayan xəsarətlər olduqları üçün dərəcələri təyin edilmir. Beləliklə, iş üzrə toplanmış sübutların cəminə hüquqi qiymət verərək, məhkəmə hesab edir ki, Şəxs Azərbaycan Respublikası İXM-nin 157-ci maddəsində nəzərdə tutulmuş inzibati xətanı törətmişdir. Ona görə də barəsində inzibati xəta haqqında iş üzrə icraat aparılan şəxs həmin maddə ilə təqsirli bilinərək məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». Məhkəmə hesab edir ki, münaqişənin məişət mübahisəsi zəminində baş verməsi iş üzrə məsuliyyətini yüngülləşdirən hal kimi nəzərə alınmalıdır. İş üzrə məsuliyyəti ağırlaşdıran hal müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, məhkəmə Q Ə R A R A A L D İ : Şəxs Azərbaycan Respublikası İXM-nin 157-ci maddəsi ilə təqsirli bilinərək 300 (üç yüz) manat miqdarında cərimə edilsin. Qərarın surəti təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Sədrlik edən Anar İbrahimov