Bakı Şəhəri Suraxanı Rayon Məhkəməsi Qərar — İş №3(010)-1534/2021

Azərbaycan Respublikası adından QƏRAR Bakı şəhəri İş № 3(010)-1534/2021 12.11.2021 BAKI ŞƏHƏRİ SURAXANI RAYON MƏHKƏMƏSİ Hakim İbrahimov Anar Firdovsi oğlunun sədrliyi, Hacıyev Gündüz Nizami oğlunun katibliyi ilə, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1990-cı ildə Sabirabad rayonunun Qasımbəyli kəndində anadan olmuş, Azərbaycan Respublikasının vətəndaşı, subay, Sabirabad rayonunun Qasımbəyli kəndində qeydiyyatda olan. Şəxs barəsində Suraxanı rayon Polis İdarəsinin 33-cü Polis Bölməsinin Azərbaycan Respublikası İXM-nin 535.1-ci maddəsi ilə tərtib etdiyi inzibati xəta haqqında protokola baxaraq, məhkəmə MÜƏYYƏN ETDİ: Şəxs 11 noyabr 2021-ci il tarixdə Bakı şəhəri, Suraxanı rayonu, Zığ qəsəbəsi, Baku Busun yaxınlığında ictimai qaydanı pozaraq polis əməkdaşlarının qanuni tələbinə qəsdən tabe olmamışdır. Bununla da Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətmişdir. Şəxs məhkəmə iclasında özünü Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməsində təqsirli bilərək, izahatında bildirdi ki, o, 11 noyabr 2021-ci il tarixdə Bakı şəhəri, Suraxanı rayonu, Zığ qəsəbəsi, Baku Busun yaxınlığında ictimai qaydanı pozaraq, polis əməkdaşlarının qanuni tələbinə qəsdən tabe olmamışdır. Əməlindən peşman olduğunu bildirərək, barəsində həbslə bağlı olmayan tənbeh tətbiq edilməsini xahiş etmişdir. Məhkəmə iclasında şahid qismində dindirilmiş Suraxanı rayon Polis İdarəsinin DYPŞ yol-patrul xidməti baş inspektoru X1 ifadəsində bildirmişdir ki, 11 noyabr 2021-ci il tarixdə saat 18:00 radələrində Bakı şəhəri, Suraxanı rayonu, Zığ qəsəbəsi, Baku Busun yaxınlığında xidməti vəzifəsini yerinə yetirən zaman yol haqqında qanunu pozduğu üçün Mercedes markalı **-DM-*** dövlət qeydiyyat nişanlı avtomobili saxlamışdır.Sürücü Şəxs onun və digər polis əməldaşının qanuni tələblərini yerinə yetirməyərək, ona və digər polis əməldaşına müqavimət göstərərək, onlara qarşı nalayiq ifadələr işlətmişdir. O, Şəxs sakitləşdirməyə çalışsa da, buna nail ola bilməmişdir.Belə ki, Şəxs daha da hiddətlənərək avtomobildə olan meyvələri yola düzməyə başlayaraq, yolda olan avtomobillərin hərəkətinə mane olmağa çalışmışdır.O, ərazi üzrə Suraxanı rayon Polis İdarəsinin 33-cü Polis Bölməsindən əlavə yardım istəyərək, Şəxs digər polis əməkdaşları ilə birlikdə Suraxanı rayon Polis İdarəsinin 33-cü Polis Bölməsinə gətirmişlər. Şəxs həmin inzibati xətanı törətməsi Suraxanı rayon Polis İdarəsinin 33-cü Polis Bölməsinin sahə inspektoru Əhməd Qarayev tərəfindən tərtib olunmuş 12 noyabr 2021-ci il tarixli MN ******* saylı İnzibati Xəta haqqında protokolu ilə tam sübuta yetdiyindən, o, bu maddə ilə inzibati məsuliyyətə cəlb olunmalıdır. Həmçinin iş materiallarında olan 11 noyabr 2021-ci il tarixli “İnzibati qaydada tutma haqqında” protokoldan müəyyən olunur ki, Şəxs 11 noyabr 2021-ci il tarixdə, saat 18:15də inzibati qaydada tutulmuş, 12 noyabr saat 10:20-də azad edilmişdir. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». Azərbaycan Respublikası İXM-nin 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 31.4-1-ci maddəsinə əsasən, inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Qeyd edilənlərə əsasən, məhkəmə hesab edir ki, məhkəmə inzibati xəta törədən şəxs Şəxs barəsində 150 manat məbləğində inzibati qaydada cərimə edilməsini məqsədəmüvafiqdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 12-13, 31,32,40,48-50-ci maddələrini rəhbər tutaraq QƏRARA ALDİ: Şəxs Azərbaycan Respublikası İXM-nin 535.1-ci maddəsində nəzərdə tutulmuş inzibati xətanı törətməkdə təqsirli bilinərək, 150 (yüz əlli) manat miqdarında cərimə edilsin. Qərarın surəti təqdim edildiyi və ya alındığı gündən on gün müddətində Suraxanı rayon məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Sədrlik edən:Anar İbrahimov