Bakı Şəhəri Suraxanı Rayon Məhkəməsi Qərar — İş №3(010)-1554/2020

Azərbaycan Respublikası adından QƏRAR Bakı şəhəri İş № 3(010)-1554/2020 04.11.2020 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Mazanov Kamran Ramazan oğlunun katibliyi, Suraxanı rayon İcra və probasiya şöbəsinin icra məmuru Əliyev Rövşən Əlimirzə oğlunun, Tələbkar “xxxxxxxxx” şirkətinin nümayəndəsi X1 iştirakları ilə xx xxxxxx 1989-cu ildə Bakı şəhərində doğulmuş, Azərbaycan Respublikasının vətəndaşı, evli, orta təhsilli, işləməyən, himayəsində 3 nəfər yetkinlik yaşına çatmayan uşaqları olan, ünvan 1 ünvanı üzrə qeydiyyatda olan, ünvan 2 ünvanı üzrə yaşayan Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati xəta haqqında işə baxaraq, MÜƏYYƏN ETDİM: Suraxanı rayon İcra və probasiya şöbəsinin icra məmuru Əliyev Rövşən Əlimirzə oğlunun xx xxxxxx 2020-ci ildə tərtib etdiyi MN seriyalı ******* nömrəli inzibati xəta haqqında protokolun məzmunundan, habelə inzibati xəta haqqında iş üzrə toplanmış digər materiallardan görünür ki, Suraxanı Rayon Məhkəməsi tərəfindən xx xxx 2018-ci ildə verilmiş xx xxxxx 2018-ci il tarixli 2(010)-1168/2018 nömrəli icra vərəqəsinə əsasən, borclu Şəxs 3846,58 manat əsas borc, 500 gün ərzində gecikdirmənin hər gününə borc məbləğinin 0.2 faizi həcmində 3846,58 manat olmaqla, cəmi 7723,16 manat borc və 30 manat ödənilmiş dövlət rüsumu tələbkar “xxxxxxxxx” Şirkətinin xeyrinə tutulmalıdır. İnzibati xəta haqqında protokoldan, icra işindən və icra məmurunun məhkəməyə bildirdiklərindən həmçinin görünür ki, icra sənədi xx.xx.2018-ci il tarixdə şöbənin icraatına daxil olmuş, müvafiq qaydada icraata tələbin könüllü icrası haqqında borcluya bildiriş göndərilmişdir. Borclu Şəxs könüllü icra üçün verilmiş müddətdə borcunu tələbkarın xeyrinə ödəmədiyindən onun əmlak vəziyyəti və gəlirinin yoxlanılması üçün aidiyyəti orqanlara sorğu ilə müraciət edilmiş, lakin tələbin yönələ biləcəyi əmlakı və gəliri etmək mümkün olmamışdır. Borcluya dəfələrlə xəbərdarlıq edilməsinə baxmayaraq o, hazıradək borcunu tam ödəməmiş, məhkəmə qərarının icrası ilə bağlı icra məmurunun qanuni tələblərinin yerinə yetirməmişdir. Borclu şöbəyə verdiyi izahatında hazıradək 3100 manat pul ödədiyini, bundan sonra hər həftə 100 manat ödəyəcəyini, faiz borcu ilə razılaşmadığını, silinməsi ilə bağlı məhkəmədə bu məsələni mübahisələndirəcəyini bildirmişdir. Tələbkar “xxxxxxxxx” şirkətinin nümayəndəsi X2 işə məhkəmədə baxılması zamanı bildirmişdir ki, borclu ilə razılığa gəliblər. Borclu söz verib ki, dekabr ayının axırına kimi şirkətə olan borcunu tam ödəyəcəkdir. İş üzrə icraata xitam verilməsini məhkəmədən xahiş edir. Barəsində inzibati xəta haqqında iş üzrə icraat aparılan şəxs Şəxs işə məhkəmədə baxılması zamanı borcunu ödəyə bilməməsinin səbəbini maddi imkansızlığı ilə izah edir. İcra sənədinin icrasından yayınmır. İş üzrə icraata xitam verilməsini məhkəmədən xahiş edir. Məhkəmə icra məmurunu, barəsində inzibati xəta haqqında iş üzrə icraat aparılan şəxsi dinləyib, icra işini və hazırkı işin materiallarını nəzərdən keçirib, toplanmış sübutların cəminə hüquqi qiymət verərək hesab edir ki, Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati xəta haqqında işin icraatına xitam verilməlidir. Azərbaycan Respublikası İXM-nin 528.1-ci maddəsinin tərkibi obyektiv cəhətdən yalnız o, halda yarana bilər ki, şəxs məhkəmə və digər orqanların qərarlarının icrası ilə əlaqədar icra məmurunun qanuni tələblərini yerinə yetirməsin və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədini üzrsüz səbəbdən icra etməsin. İcra məmuru barəsində inzibati xəta haqqında iş üzrə icraat aparılan şəxsin əməlində İXM-nin 528.1-ci maddəsinin obyektiv cəhətinin mövcudluğunu sübuta yetirə bilməmişdir. Göstərilənlərə əsasən və işin faktiki hallarını nəzərə alaraq məhkəmə belə qənaətə gəlir ki, borclu Şəxs əməlində Azərbaycan Respublikası İXM-nin 528.1-ci maddəsinin tərkibi obyektiv cəhətdən mövcud deyil. Azərbaycan Respublikası İXM-nin 114.2.1-ci maddəsinə əsasən «bu Məcəllənin 53-cü maddəsində nəzərdə tutulan hallardan biri mövcud olduqda» inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 53.0.2-ci maddəsinə əsasən «inzibati xəta tərkibi olmadıqda» inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İXM-nin 528.1-ci maddəsi ilə təqsirləndirilməsinə dair inzibati xəta haqqında iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Hakim Ceyhun Qədimov