Bakı Şəhəri Suraxanı Rayon Məhkəməsi Qərar — İş №3(010)-1690/2021

Azərbaycan Respublikası adından QƏRAR Bakı şəhəri İş № 3(010)-1690/2021 27.12.2021 BAKI ŞƏHƏRİ SURAXANI RAYON MƏHKƏMƏSİ Hakim İbrahimov Anar Firdovsi oğlunun sədrliyi, Hacıyev Gündüz Nizami oğlunun katibliyi ilə, Şəxs MMC-nin Azərbaycan Respublikası İnzibati Xətalar Məcəlləsinin 347-ci maddəsi ilə müəyyən olunmuş inzibati xətanı törətməsinə dair Suraxanı rayon Polis İdarəsindən daxil olmuş inzibati xəta haqqında işə açıq məhkəmə iclasında baxaraq, məhkəmə M Ü Ə Y Y Ə N E T D İ : Suraxanı rayon Polis İdarəsi tərəfindən tərtib olunmuş 01.12.2021-ci il tarixli AP seriyalı ******* nömrəli inzibati xəta haqqında protokola əsasən Şəxs MMC-nin mülkiyyətində olan “MAZ 630303 247 Xüsusi” markalı, **-JP-*** dövlət qeydiyyat nişanlı avtomobili idarə edən şəxs tərəfindən Azərbaycan Respublikasının İnzibati Xətalar Məcəlləsinin 339.1-1-ci maddəsi ilə nəzərədə tutulmuş inzibati xətanı törətmişdir. Şəxs MMC mülkiyyətində olan “MAZ 630303 247 Xüsusi” markalı, **-JP-*** dövlət qeydiyyat nişanlı avtomobil ilə Azərbaycan Respublikasının İnzibati Xətalar Məcəlləsinin 339.1-1-ci maddəsi ilə nəzərdə tutulmuş inzibati xətanı törətmiş şəxs barədə məlumatları 5 gün ərzində Suraxanı rayon Polis İdarəsinə təqdim etməmişdir. Barəsində inzibati xəta haqqında icraat aparılan Şəxs MMC-nə və protokolu tərtib etmiş orqana inzibati xəta haqqında işə baxılmasının vaxtı və yeri barədə qanunla müəyyən olunmuş qaydada məlumat verilmiş, lakin Şəxs MMC-nin və protokolu tərtib etmiş orqan nümayəndəsi məhkəməyə gəlməmişlər, işə baxılmasının təxirə salınması haqqında vəsatət verməmişlər. Məhkəmə Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən işə, Şəxs MMC-nin və protokolu tərtib etmiş orqanın nümayəndəsinin iştirakı olmadan baxılmasını mümkün hesab edir. Məhkəmə, məhkəmə baxışı zamanı tədqiq edilmiş sübutlara qiymət verərək hesab edir ki, barəsində inzibati xəta haqqında iş üzrə icraat aparılan hüquqi şəxs Şəxs MMC-nin əməlində Azərbaycan Respublikası İXM-nin 347-ci maddəsində nəzərdə tutulmuş inzibati xəta tərkibi yoxdur. Belə ki, işin məhkəmə baxışı zamanı məhkəməyə daxil olmuş 22.11.2021-ci il tarixli məktubdan müəyyən olunur ki, Şəxs MMC tərəfindən Azərbaycan Respublikası Daxili İşlər Nazirliyi Baş X4 İdarəsinə məktub ünvanlaraq bildirilmişdir ki, Şirkətə məxsus MAZ 630303 247 XÜSUSİ markalı, 90JP887 dövlət qeydiyyat nişanlı nəqliyyat vasitəsini idarə edərkən, 27 oktyabr 2021-ci il tarixində yol polisi əməkdaşları tərəfindən saxlanılan və avtomobili texniki baxışdan keçirmədiyi müəyyən olunan, beləliklə İXM-nin 339.1-1-ci maddəsindeki inzibati xətanı törədilməsi zamanı nəqliyyat vasitəsini idarə edən şəxs X2r. İşin faktiki hallarından müəyyən olunmuşdur ki, Şəxs MMC tərəfindən 22.11.2021-ci il tarixdə Azərbaycan Respublikası Daxili İşlər Nazirliyi Baş X4 İdarəsinə məktub ünvanlanaraq “MAZ 630303 247 Xüsusi” markalı, **-JP-*** dövlət qeydiyyat nişanlı avtomobili X1 idarə etməsi barədə məlumat verilmişdir. Belə olan halda məhkəmə hesab edir ki, Şəxs MMC-nin Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməmişdir. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə, o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53-cü maddəsinə əsasən aşağıdakı hallarda inzibati xətalar haqqında işlər üzrə icraat başlanıla bilməz, başlanmış icraata isə xitam verilir: 53.0.1. inzibati xəta hadisəsi olmadıqda; 53.0.2. inzibati xəta tərkibi olmadıqda; Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, Q Ə R A R A A L D İ: Şəxs MMC-nin əməlində Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xəta tərkibi olmadığına görə, iş üzrə icraata xitam verilsin. Qərarın surəti təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsilə Bakı Apellyasiya Məhkəməsinə şikayət və ya protest verilə bilər. Sədrlik edən Anar İbrahimov