Bakı Şəhəri Suraxanı Rayon Məhkəməsi Qərardad — İş №3(010)-1725/2025

Azərbaycan Respublikası adından QƏRARDAD Bakı şəhəri İş № 3(010)-1725/2025 08.05.2025 BAKI ŞƏHƏRİ SURAXANI RAYON MƏHKƏMƏSİ Hakim Mirzəyeva Ünsüyyət Hacımehdi qızının sədrliyi, Rzayeva Aytac Habil qızının katibliyi, Barəsində inzibati xəta haqqında iş üzrə icraat aparılan Şəxs iştirakı ilə, xx xxxx 1968-ci il tarixdə Gədəbəy rayonunda doğulmuş, Azərbaycan Respublikasının vətəndaşı, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə tənbeh tədbirinin tətbiq edilməsinə dair inzibati xəta haqqında materiala açıq məhkəmə iclasında baxaraq, MÜƏYYƏNETDİ: Azərbaycan Respublikası Daxili İşlər Nazirliyi Xətai Rayon Polis İdarəsindən daxil olmuş xx.xx.2024-cü il tarixli, EQ 24789585 nömrəli elektron qərar əsasında tərtib olunmuş xx.xx.2025-ci il tarixli, İXP ******* nömrəli inzibati xəta haqqında protokolda göstərilmişdir ki, VAZ 21011 minik markalı, 10FM186 dövlət qeydiyyat nişanlı nəqliyyat vasitəsini idarə edən Şəxs yol hərəkəti qaydaları əleyhinə olan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarını müəyyən edilmiş 03 (üç) ay müddət ərzində ödəməmişdir. Bununla da o, Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan Şəxs məhkəmə iclasında çıxış edərək bildirmişdir ki, VAZ 21011 minik markalı, 10FM186 dövlət qeydiyyat nişanlı nəqliyyat vasitəsini təxminən 20 il əvvəl satmışdır. 10FM186 dövlət qeydiyyat nişanı başqa avtomobilin üzərinə vurulub. O, göstərilənlərə əsasən barəsində qanuni qərar qəbul edilməsini xahiş etmişdir. Səlahiyyətli orqana (nümayəndəsinə) məhkəmə iclasının vaxtı və yeri barədə lazımi qaydada məlumat verilsə də, məhkəmə iclasında iştirak etməmiş və iştirak etməməsinin səbəbləri barədə hər hansı məlumat verməmişdir. Məhkəmə işə Azərbaycan Respublikası İnzibati Xətalar Məcəlləsinin 61.3-cü maddəsinə əsasən səlahiyyətli orqanın nümayəndəsinin iştirakı olmadan baxılmasını mümkün hesab etmişdir. Məhkəmə iş üzrə materialları nəzərdən keçirib qərara alır ki, həmin inzibati xəta haqqında protokol və ona əlavə edilmiş sənədlər geri qaytarılmalıdır. Belə ki, xx.xx.2024-cü il tarixli, EQ 24789585 nömrəli elektron qərardan görünür ki, VAZ 21011 minik markalı, 10FM186 dövlət qeydiyyat nişanlı nəqliyyat vasitəsi idarə edilərkən inzibati xəta törədildiyi qeyd edilsə də, həmin qərarda olan avtomobilin fotoşəklindən görünür ki, 10FM186 dövlət qeydiyyat nişanı VAZ 21011 minik markalı avtomobilin yox, başqa avtomobilin üzərindədir. Azərbaycan Respublikası İXM-nin 109.1.6-cı maddəsinə əsasən «protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması» barədə qərar qəbul edilir. Göründüyü kimi VAZ 21011 minik markalı, 10FM186 dövlət qeydiyyat nişanlı nəqliyyat vasitəsi idarə edilərkən inzibati xəta törədildiyi qeyd edilsə də, 10FM186 dövlət qeydiyyat nişanı VAZ 21011 minik markalı avtomobilin yox, başqa avtomobilin üzərindədir. Buna görə də xx.xx.2025-ci il tarixli, İXP ******* nömrəli inzibati protokolun ona heç bir aidiyyətinin olmadığı müəyyən edilmişdir. Beləliklə, inzibati xəta haqqında protokol və məhkəməyə təqdim olunmuş sənədlər natamamdır və inzibati xəta haqqında protokolu tərtib etmiş səlahiyyətli vəzifəli şəxs üzərinə düşən sübutetmə vəzifəsini də lazımi qaydada icra etməyib. Göstərilənlərə əsasən inzibati xəta haqqında protokol və ona edilmiş sənədlər geri qaytarılmalıdır. Yuxarıda göstərilənlərə əsasən və Azərbaycan Respublikası İXM-nin 109, 118-ci maddələrini rəhbər tutaraq, Q Ə R A R A A L D İ M: Şəxs Azərbaycan Respublikası İXM-nin 529.3-cü maddəsi ilə nəzərdə tutulan inzibati xətanı törətməsinə dair xx.xx.2025-ci il tarixli, İXP ******* nömrəli inzibati xəta haqqında protokol və ona əlavə edilmiş sənədlər Suraxanı Rayon Polis İdarəsinə qaytarılsın.