Bakı Şəhəri Suraxanı Rayon Məhkəməsi Qərardad — İş №3(010)-1740/2020

Azərbaycan Respublikası adından QƏRARDAD Bakı şəhəri İş № 3(010)-1740/2020 30.11.2020 BAKI ŞƏHƏRİ SURAXANI RAYON MƏHKƏMƏSİ Bakı şəhəri, Suraxanı Rayon Məhkəməsinin inzibati binası Mən – Suraxanı Rayon Məhkəməsinin hakimi İbrahimov Anar Firdovsi oğlu İnzibati xəta haqqında qərardan X3 şikayətinə baxaraq, M Ü Ə Y Y Ə N E T D İ M: X6 barəsində olan inzibati tənbeh tətbiq etmə haqqında qərarın ləğv edilməsi ilə bağlı “iddia ərizəsi” ilə məhkəməyə müraciət edir. “İddia ərizəsi”ni nəzərdən keçirərək hesab edirəm ki, aşağıda göstərilənlərə əsasən ərizə geri qaytarılmalıdır. Belə ki, iş materiallarından müəyyən olunur ki, X6 barəsində Azərbaycan Respublikası İXM-nin 253.2-ci maddəsinə əsasən BD-053 saylı, xx.xx.2016-cı il tarixli qərar qəbul olunmuşdur. X2 barəsində Azərbaycan Respublikası İXM-nin 253.2-ci maddəsi üzrə qəbul olunmuş xx.xx.2016-cı il tarixli qərarı nə vaxt alması barədə iş materiallarına heç bir sübut əlavə etməmişdir. X1 həmin qərarın ləğvi ilə bağlı müraciəti iddia ərizəsi formasındadır. Belə ki, ərizədə X6 iddiaçı, Azərbaycan Respublikası Ekologiya və Təbii Sərvətlər Nazirliyi cavabdeh, Suraxanı rayon Polis İdarəsinin 30-cu Polis Bölməsi isə üçüncü şəxs kimi qeyd olunub. «İddia ərizəsi»ni nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Azərbaycan Respublikası İXM-nin 130.1-ci maddəsinə əsasən «Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər». Həmin Məcəllənin 130.2-ci maddəsinə əsasən «Bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət və ya protest verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Azərbaycan Respublikası İXM-nin 128.1-ci maddəsinin tələblərinə görə «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Beləliklə, «İddia ərizəsi»ndə göstərilən məsələnin (qərarın ləğvi və s.) həlli ilə bağlı məhkəməyə iddia ərizəsi ilə deyil, şikayətlə müraciət olunmalıdır. Həmin məsələyə baxaraq belə qənaətə gəlirəm ki, inzibati xəta haqqında qərardan verilmiş şikayət geri qaytarılmalı, X5 inzibati tənbeh tətbiq etmə haqqında qərardan şikayət vermə müddətinin bərpa edilməsi barədə vəsatət vermək hüququ izah edilməlidir. Azərbaycan Respublikası İXM-nin 132.1.2-ci maddələrinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Yuxarıda göstərilənlərə əsasən, Q Ə R A R A A L D İ M: X4 barəsində olan inzibati tənbeh tətbiq etmə haqqında qərarından şikayəti geri qaytarılsın. X5 inzibati tənbeh tətbiq etmə haqqında qərardan şikayət vermə müddətinin bərpa edilməsi barədə vəsatət vermək hüququ izah edilsin. Sədrlik edən Anar İbrahimov