Bakı Şəhəri Suraxanı Rayon Məhkəməsi Qərar — İş №3(010)-1797/2020

Azərbaycan Respublikası adından QƏRAR Bakı şəhəri İş № 3(010)-1797/2020 22.12.2020 BAKI ŞƏHƏRİ SURAXANI RAYON MƏHKƏMƏSİ Hakim İbrahimov Anar Firdovsi oğlunun sədrliyi, Hacıyev Gündüz Nizami oğlunun katibliyi ilə, Barəsində inzibati xəta haqqında iş üzrə icraat aparılan şəxs Şəxs oğlunun iştirakı ilə, xx.xx.1990-cı ildə Neftçala rayonunda anadan olmuş, evli, Neftçala rayonunda qeydiyatda olan və Xətai rayon, Neapol dairəsi, Şıxlınski 1 mənzil 49-da yaşayan Şəxs oğlunun barəsində Azərbaycan Respublikası İXM-nin 517-2.1-ci maddəsi ilə tərtib edilmiş inzibati xəta haqqında protokola baxaraq, MÜƏYYƏN ETDİ: Şəxs xx.xx.2020-ci il tarixdə Bakı şəhəri, Suraxanı rayonu ərazisində hərbi vəziyyət rejiminin tələblərini pozmuşdur. Bununla da Şəxs oğlu Azərbaycan Respublikası İnzibati Xətalar Məcəlləsinin 517-2.1-ci maddəsində nəzərdə tutulan inzibati xətanı törətmişdir. Şəxs oğlu məhkəmə iclasında özünü təqsirli bilərək, izahatında göstərmişdir ki, xx.xx.2020-ci il tarixdə axşam saatlarında hərbi vəziyyət rejiminin tələblərini pozmuşdur. Bu zaman polis əməkdaşları onu saxlamış və Polis Bölməsinə gətirərək, barəsində inzibati xəta haqqında protokol tərtib etmişlər. Barəsində daha yüngül inzibati tənbeh tədbirinin tətbiq edilməsini məhkəmədən xahiş etmişdir. Şəxs oğlunun həmin inzibati xətanı törətməsi Suraxanı rayon Polis İdarəsinin 30-cu Polis Şöbəsi tərəfindən tərtib olunmuş xx.xx.2020-ci il tarixli MN ******* saylı İnzibati Xəta haqqında protokolu ilə tam sübuta yetdiyindən, o, bu maddə ilə inzibati məsuliyyətə cəlb olunmalıdır. Azərbaycan Respublikası İnzibati Xətalar Məcəlləsinin 517-2.1-ci maddəsinə əsasən, xüsusi icazə vərəqəsi və (və ya) şəxsiyyəti təsdiq edən sənəd olmadan komendant saatı vaxtında küçələrdə və ya digər ictimai yerlərdə olmağa görə xəbərdarlıq edilir və ya əlli manat məbləğində cərimə edilir. Məhkəmə inzibati xəta törədən şəxs Şəxs oğlu barəsində Azərbaycan Respublikası İXM-nin 517-2.1-ci maddəsinin sanksiyasında nəzərdə tutulmuş xəbərdarlıq növündə tənbeh tədbirinin tətbiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 12-13, 31,32,40,48-50-ci maddəsini rəhbər tutaraq QƏRARA ALDİ: Şəxs oğlu Azərbaycan Respublikası İXM-nin 517-2.1-ci maddəsində nəzərdə tutulmuş inzibati xətanı törətməkdə təqsirli bilinərək, xəbərdarlıq edilsin. Qərarın surəti təqdim edildiyi və ya alındığı gündən on gün müddətində Suraxanı rayon məhkəməsi vasitəsi ilə Bakı Apellyasiya Məhkəməsinə şikayət və ya protest verilə bilər. Sədrlik edən: Anar İbrahimov