Bakı Şəhəri Suraxanı Rayon Məhkəməsi Qərardad — İş №3(010)-1872/2025

Azərbaycan Respublikası adından QƏRARDAD Bakı şəhəri İş № 3(010)-1872/2025 22.04.2025 BAKI ŞƏHƏRİ SURAXANI RAYON MƏHKƏMƏSİ X8 İmamverdi oğlunun sədrliyi ilə X1 Bakı şəhər X9 İdarəsinin EQ/25870375 saylı, xx.xx.2025-ci il tarixli İnzibati xəta haqqında protokol əsasında qəbul edilmiş inzibati tənbeh vermə haqqında qərarından verilmiş şikayətinə baxaraq, müəyyən etdi: X1 Bakı şəhər X9 İdarəsinin EQ/25870375 saylı, xx.xx.2025-ci il tarixli İnzibati xəta haqqında protokol əsasında qəbul edilmiş inzibati tənbeh vermə haqqında qərarından şikayəti Suraxanı Rayon Məhkəməsinə daxil olmuşdur. Məhkəmə şikayəti və ona əlavə edilmiş sənədləri araşdırıb hesab edir ki, şikayət və ona əlavə edilmiş sənədlər aşağıdakı səbəblərə görə geri qaytarılmalıdır. X2 Azərbaycan Respublikasının inzibati xətalar qanunvericiliyinə əsasən qərardan şikayət və ya protest vermə müddətləri ilə bağlı qaydalara düzgün əməl etmədən səlahiyyətli orqanın (vəzifəli şəxsin) qərarından məhkəməyə şikayət ərizəsi ilə müraciət etmişdir. Müəyyən edilmişdir ki, X5 eyni məzmunlu ərizə ilə məhkəməyə müraciət etmiş və məhkəmənin 09 aprel 2025-ci il tarixli qərardadı ilə Bakı şəhər X9 İdarəsinin EQ/25870375 saylı, xx.xx.2025-ci il tarixli qərarını X5 tərəfindən hansı tarixdə rəsmi qaydada əldə etdiyini şikayət ərizəsi və ona əlavə edilmiş sənədlərdə müəyyən etmək mümkün olmadığından verilmiş şikayət geri qaytarılmışdır. X5 eyni məzmunlu ərizə ilə məhkəməyə təkrar müraciət etmiş və məhkəmənin 15 aprel 2025-ci il tarixli qərardadı ilə şikayət geri qaytarılmışdır. X5 təkrar olaraq eyni məzmunlu ərizə ilə məhkəməyə müraciət etmiş və məhkəmənin şikayətin geri qaytarılması haqqında Suraxanı rayon məhkəməsinin 09 aprel 2025-ci il tarixli qərardadın ləğv edilməsini xahiş etmişdir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 128-ci maddələrinin şərh edilməsinə dair” 03 may 2019-cu il tarixli Qərarında qeyd edilmişdir ki, Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. “Azərbaycan Respublikasının bəzi qanunvericilik aktlarına əlavələr və dəyişikliklər edilməsi barədə” 11 iyun 2004-cü il tarixli, 688-İİ QD saylı Azərbaycan Respublikası Qanununun İİİ hissəsinin 9-cu bəndinin və İV hissəsinin 7-ci bəndinin Azərbaycan Respublikası Konstitusiyasının 130-cu maddəsinin İX hissəsinə uyğunluğunun yoxlanılmasına dair” Azərbaycan Respublikası Konstitusiya Məhkəməsi Plenumunun 25 yanvar 2005-ci il tarixli qərarında qeyd edilir ki, Konstitusiya Məhkəməsinin qərarının yüksək hüquqi qüvvəsi onun bütün hissələrinə, habelə həmin qərarın əsasını təşkil edən hüquqi mövqelərə də şamil olunur. Məhkəmələr öz qərarlarını yalnız Konstitusiya Məhkəməsi tərəfindən müvafiq iş üzrə müəyyənləşdirilmiş hədlər çərçivəsində qəbul etməlidir. Konstitusiya Məhkəməsi Plenumunun qərarında göstərilən hüquqi məsələlər və pozulmuş hesab edilən hüquq və azadlıqlar həmin hədləri təşkil edir. Azərbaycan Respublikasının Konstitusiyasının 130-cu maddəsinin 9-cu hissəsinə əsasən Konstitusiya Məhkəməsinin qərarları Azərbaycan Respublikası ərazisində məcburi qüvvəyə malikdir. Beləliklə, şərh olunanlara və yuxarıda göstərilən qanunvericilik aktı normalarına əsasən hesab edirəm ki, X3 Suraxanı rayon məhkəməsinin 09 aprel 2025-ci il tarixli qərardadından verdiyi şikayəti şikayət və ona əlavə edilmiş sənədlər geri qaytarılmalıdır. Eyni zamanda X4 Bakı şəhər X9 İdarəsinin EQ/25870375 saylı, xx.xx.2025-ci il tarixli İnzibati xəta haqqında protokol əsasında qəbul edilmiş inzibati tənbeh vermə haqqında qərarından şikayətin verilməsi üçün prosessual müddətin bərpa edilməsinə dair vəsatət ilə məhkəməyə müraciət etmək hüququ izah olunr. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 128-130-cu maddələrini rəhbər tutaraq, qərara aldı: X1 Suraxanı rayon məhkəməsinin 09 aprel 2025-ci il tarixli qərardadından verdiyi şikayət ərizəsi və ona əlavə edilmiş sənədlər geri qaytarılsın. Sədrlik edən Samir Əliyev