Bakı Şəhəri Suraxanı Rayon Məhkəməsi Qərar — İş №3(010)-2132/2024

Azərbaycan Respublikası adından QƏRAR Bakı şəhəri İş № 3(010)-2132/2024 01.05.2024 BAKI ŞƏHƏRİ SURAXANI RAYON MƏHKƏMƏSİ Hakimi Mirzəyeva Ünsüyyət Hacımehdi qızının sədrliyi, X5 qızının katibliyi, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokolu tərtib edən şəxs Bakı şəhəri Suraxanı Rayon Polis İdarəsinin 33-cü Polis Bölməsinin sahə inspektoru, polis kapitanı X2 iştirakları ilə, xx.xx.1990-cı ildə Bakı şəhərində anadan olan, Azərbaycan Respublikasının vətəndaşı, evli, işləməyən, ünvan 1 ünvanında qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin 227-ci maddəsi ilə tənbeh tədbirinin tətbiq edilməsinə dair Suraxanı Rayon Polis İdarəsinin 33-cu Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ : Şəxs xx.xx.2024-cü il tarixdə saat 18:00 radələrində Yeni Günəşli qəsəbəsi, “D” yaşayış sahəsində yerləşən “Araz” marketdən dəyəri 80 manat olan ərzaq məhsulları oğurlamışdır. Bu barədə Suraxanı Rayon Polis İdarəsinin 33-cü polis bölməsi tərəfindən xx.xx.2024-cü il tarixdə Şəxs barəsində Azərbaycan Respublikası İXM-nin 227-ci maddəsi ilə inzibati xəta haqqında protokol tərtib olunaraq baxılması üçün məhkəməyə göndərilmişdir. Bakı şəhəri Suraxanı Rayon Polis İdarəsinin 33-cü Polis Bölməsinin sahə inspektoru, polis kapitanı X3 protokolun məzmununa uyğun izahat verərək, əlavə olaraq qeyd etmişdir ki, Şəxs əvvəllər məhkum olunmuşdur. Hal-hazırda başqa marketdən etdiyi oğurluqla bağlı onun barəsində Suraxanı Rayon Polis İdarəsində cinayət işi açılaraq araşdırma aparılır. Hətta həmin işdə vətəndaşı itələyərək vurmuşdur. Orxan uzun müddətdir ki, narkotik vasitə istifadəçisidir. Hal-hazırda narkotik vasitələrin qanunsuz istifadəsi ilə əlaqədar barəsində araşdırma aparılır. Bu yaxınlarda Nərimanov Polis İdarəsi tərəfindən tutulmuşdur. Orxan uşağının onun himayəsində olduğunu qeyd etsə də, aparılan araşdırma zamanı müəyyən edilmişdir ki, uşağa nənəsi baxır. Orxanın tutulmasına digər marketin əməkdaşları kömək edib. Belə ki, X7 qəsəbəsi, D massivi ərazisində oğurluq etdiyi market çoxdur və market əməkdaşları onun şəkillərini bir-birinə verirlər. Bu iş üzrə Orxan oğurladığı məhsulu qaytarsa da, zərərçəkmiş şəxs ondan şikayətçidir. Göstərilənlərə əsasən inzibati xəta haqqında iş üzrə icraat aparılan şəxs barəsində qanunamüvafiq qaydada qərar qəbul edilməsini xahiş etmişdir. Şəxs məhkəmə iclasında özünü təqsirli bilərək izahatında göstərmişdir ki, Araz marketdən yağ oğurlamış, tutulanda yağı zərərçəkmiş şəxsə qaytarmışdır. Portalda guya onun beş dəfə məhkum olunması görünsə də, əslində o, Cinayət Məcəlləsinin 177.2.3-cü və 234.1-ci maddəsi ilə, yəni iki dəfə məhkum olunmuşdur. Himayəsində bir azyaşlı uşağı vardır. O, göstərilənlərə əsasən barəsində qanunamüvafiq qaydada qərar qəbul edilməsini xahiş etmişdir. İş materiallarında olan və məhkəmə baxışında tədqiq olunmuş: Bakı şəhəri Suraxanı RPİ-nin 33-cü PB-nin təhqiqatçısı, polis kapitanı Elməddin Əhmədov tərəfindən qəbul edilmiş cinayət işinin başlanmasının rədd edilməsi haqqında xx.xx.2024-cü il tarixli qərarın surətindən görünür ki, əməldə cinayət tərkibi olmadığından və AR İXM-nin 227-ci madəsinin tərkib əlamətləri yarandığından X1 DİN-in 102 “Xidməti- Zəng” mərkəzi sisteminə etdiyi müraciəti əsasında toplanmış material üzrə cinayət işinin başlanması rədd olunmuşdur; inzibati qaydada tutma haqqında xx.xx.2024-cü il tarixli, AZA 008990 nömrəli protokoldan görünür ki, Şəxs Azərbaycan Respublikası İnzibati Xətalar Məcəlləsinin 227-ci maddəsi ilə nəzərdə tutulmuş inzibati xəta törətdiyinə görə həmin tarixdə saat 12:00-da inzibati qaydada tutulmuşdur. xx.xx.2024-cü il tarixli MN seriyalı ******* nömrəli protokoldan görünür ki, xx.xx.2024cü il tarixdə saat 18:00 radələrində Yeni Günəşli qəsəbəsi, “D” yaşayış sahəsində yerləşən “Araz” marketdən dəyəri 80 manat olan ərzaq məhsulları oğurlayaraq taladığından barəsində Azərbaycan Respublikası İnzibati Xətalar Məcəlləsinin 227-ci maddəsinə əsasən protokol tərtib edilmişdir; Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. İş üzrə Şəxs məsuliyyətini yüngülləşdirən və ağırlaşdıran hallar müəyyən olunmamışdır. Məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən hallar və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinərək barəsində maddənin sanksiyasının hədləri daxilində inzibati həbs növündə inzibati tənbeh tətbiq edilməli, həbsetmənin əvvəli tutulduğu andan, yəni xx.xx.2024cü il tarixdən, saat 12:00-dan hesablanmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 43-48, 106-115, 117-ci maddələrini rəhbər tutaraq, QƏRARA ALDİ: Barəsində inzibati xəta haqqında iş üzrə icraat aparılan şəxs - Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinərək 01 (bir) ay müddətinə inzibati həbs edilsin. İnzibati həbsdə saxlamanın əvvəli «30» aprel 2024-cü il tarixdən, saat 12:00-dan hesablansın. İnzibati həbs haqqında qərar dərhal icra edilsin. Qərarın icrası Bakı şəhəri Suraxanı rayon Polis İdarəsinə və Azərbaycan Respublikası Daxili İşlər Nazirliyinin İnzibati həbs olunanların saxlanılma məntəqəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Bakı Apellyasiya Məhkəməsinə şikayət və protest verilə bilər.