Bakı Şəhəri Suraxanı Rayon Məhkəməsi Qərar — İş №3(010)-2164/2023

Azərbaycan Respublikası adından QƏRAR Bakı şəhəri İş № 3(010)-2164/2023 14.07.2023 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı rayon Məhkəməsinin hakimi Rzayeva Nərminə Cahangir qızı, məhkəmə iclas katibi Ələmşahova Aytəkin Aqil qızının katibliyi ilə, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokol tərtib etmiş şəxs Bakı şəhəri Suraxanı rayon İcra və Probasiya Şöbəsinin icra məmuru X1 iştirakı ilə, Şəxs, xx xxxxxx 1969-cu ildə Ağdam şəhərində anadan olmuş, Azərbaycan Respublikasının vətəndaşı, orta təhsilli, evli, işləməyən, Abşeron rayonu, Məhəmmədi qəsəbəsində yaşayan, barəsində Bakı şəhəri Suraxanı rayon İcra və Probasiya Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: 22 may 2023-cü il tarixdə Bakı şəhəri Suraxanı rayon İcra və Probasiya Şöbəsinin icra məmuru X2 tərəfindən Ağdam Rayon Məhkəməsinin 05 yanvar 2017-ci il tarixli, 2(013)-06/2017 nömrəli qətnaməsinə dair 30 noyabr 2022-ci il tarixli icra sənədini üzrsüz səbəbdən icra etməməsinə görə Şəxs barəsində Azərbaycan Respublikası İXM-nin 528.1ci maddəsi ilə nəzərdə tutulmuş inzibati xəta törədilməsi haqqında protokol tərtib edilmişdir. İnzibati xəta törədilməsi haqqında protokol tərtib etmiş icra məmuru X2 məhkəmədə bildirdi ki, Ağdam Rayon Məhkəməsinin 05 yanvar 2017-ci il tarixli, 2(013)-06/2017 nömrəli qətnaməsi ilə cavabdehlər Şəxs və Rüstəmov şahin Vəli oğlundan müştərək qaydada 027RJ509078601 saylı kredit razılaşması üzrə 5474,11 ABŞ dolları məbləğində kredit borcu, 1512,06 ABŞ dolları məbləğində faiz borcu və 10 ABŞ dolları məbləğində cərimə, cəmi 6996,17 (altı min doqquz yüz doxsan altı dollar, 17 sent) ABŞ dolları borc, qətnamə icra olunarkən dolların manata olan nisbəti ilə və ödənilmiş 30 manat dövlət rüsumu "AccessBank’ Qapalı Səhmdar Cəmiyyətinin xeyrinə ödənilməsi qət edilmişdir. Borclu ona müəyyən edilmiş borcundan heç bir ödəniş etməmişdir. Odur ki, borclunun inzibati qaydada tədbir görülməsini xahiş etmişdir. Məhkəmə iclasında Şəxs izahatında bildirmişdir ki, 235,06 ABŞ dolları məbləğində pulu tələbkara ödəmiş, səhhətində yaranmış problemlərlə bağlı ödəniş edə bilmədiyini, lakin, bundan sonra mütəmadi olaraq ödənişlər edəcəyini bildirərək, inzibati protokola xitam verilməsini xahiş etmişdir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi, tələbkarı və inzibati xəta haqqında protokol tərtib etmiş şəxsi dinləyərək, məhkəmə hesab edir ki, Şəxs əməlində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xətanın tərkibi olmadığına görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, iş materiallarında olan Ağdam Rayon Məhkəməsinin 05 yanvar 2017-ci il tarixli, 2(013)-06/2017 nömrəli qətnaməsi ilə cavabdehlər Şəxs və Rüstəmov şahin Vəli oğlundan müştərək qaydada 027RJ509078601 saylı kredit razılaşması üzrə 5474,11 ABŞ dolları məbləğində kredit borcu, 1512,06 ABŞ dolları məbləğində faiz borcu və 10 ABŞ dolları məbləğində cərimə, cəmi 6996,17 (altı min doqquz yüz doxsan altı dollar, 17 sent) ABŞ dolları borc, qətnamə icra olunarkən dolların manata olan nisbəti ilə və ödənilmiş 30 manat dövlət rüsumu "AccessBank’ Qapalı Səhmdar Cəmiyyətinin xeyrinə ödənilməsi qət edilmişdir. 22 may 2023-cü il tarixli, MN seriyalı, ******* nömrəli inzibati xəta haqqında protokoldan görünür ki, Ağdam Rayon Məhkəməsinin 05 yanvar 2017-ci il tarixli, 2(013)-06/2017 nömrəli qətnaməsinə dair icra məmurunun qanuni tələblərini yerinə yetirmir. İş materiallarında olan 25 iyun 2023-cü il tarixi qəbzə əsasən, Şəxs 235,06 ABŞ dolları məbləğində pulu tələbkar "xxxx" QSC-nin xeyrinə ödəmişdir. Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə borclu Şəxs Ağdam Rayon Məhkəməsinin 05 yanvar 2017-ci il tarixli, 2(013)-06/2017 nömrəli qətnaməsinə dair icra sənədi üzrə yaranmış borcundan icra sənədi üzrə tələbkar "xxxx" QSC-nin xeyrinə 235,06 ABŞ dolları ödədiyini nəzərə alaraq hesab edir ki, Şəxs borcunun azaldılması üçün real hərəkətlər etdiyi halda, maddi imkansızlıq ucbatından bir müddət icra sənədini icra edə bilməməsinə görə Şəxs əməlinin sözügedən icra sənədinin icrasından qərəzli olaraq boyun qaçırması kimi tövsif edilməsi və Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta tərkibinin bütün əlamətlərini daşıyan əməli (hərəkət və ya hərəkətsizliyi) törətmiş şəxs qismində təqsirli hesab edilməsi yol verilməzdir. Bununla da Şəxs Ağdam Rayon Məhkəməsinin 05 yanvar 2017-ci il tarixli, 2(013)- 06/2017 nömrəli qətnaməsinə dair icra sənədini üzrsüz səbəbdən icra etməməsi sübuta yetirilmir. Beləliklə, işdə olan sübutlarla Şəxs əməlində inzibati xəta tərkibi olmadığı müəyyən edildiyindən onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İnzibati Xətalar Məcəlləsinin 114.1.4, 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 53.0 və 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilməlidir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 105.1, 114, 115, 128-130-cu maddələrini rəhbər tutaraq, QƏRARA ALDİM: Şəxs əməlində inzibati xəta tərkibi olmadığına görə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon məhkəməsi vasitəsilə Bakı Apelyasiya Məhkəməsinə şikayət verilə bilər. Sədrlik edən Nərminə Rzayeva