Bakı Şəhəri Suraxanı Rayon Məhkəməsi Qərardad — İş №3(010)-2194/2025

Azərbaycan Respublikası adından QƏRARDAD Bakı şəhəri İş № 3(010)-2194/2025 23.05.2025 BAKI ŞƏHƏRİ SURAXANI RAYON MƏHKƏMƏSİ Bakı şəhəri, Suraxanı Rayon Məhkəməsinin inzibati binası Mən – Suraxanı Rayon Məhkəməsinin hakimi Kərimov Namiq Həsrət oğlu X1 qanuni nümayəndəsi X2 şikayət ərizəsinə baxaraq, MÜƏYYƏN ETDİM: X1 qanuni nümayəndəsi X3 şikayət ərizəsi ilə məhkəməyə müraciət edərək İXP seriyalı ******* nömrəli 27 mart 2025-ci il tarixli inzibati xəta haqqında protokol əsasında qəbul edilmiş qərarı ləğv edilərək, İXM-nin 53.1.1 və 53.1.2-ci maddələrinə uyğun olaraq inzibati xəta hadisəsi və inzibati xəta tərkibi olmadığına görə İXM-nin 114.1.4-cü maddəsinə uyğun olaraq inzibati xəta haqqında iş üzrə icraata xitam verilməsini xahiş etmişdir. Şikayəti nəzərdən keçirərək hesab edirəm ki, aşağıda göstərilənlərə əsasən şikayət geri qaytarılmalıdır. Belə ki, Azərbaycan Respublikası İXM-nin 128.1-ci maddəsinə əsasən «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Həmin Məcəllənin 130.1-ci maddəsinə əsasən «Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan iyirmi gün müddətində inzibati xəta haqqında iş üzrə qərardan şikayət verilə bilər». Belə ki, inzibati tənbeh vermə haqqında qərar 02 aprel 2025-ci ildə verilib. Şikayət isə məhkəməyə 22 may 2025-ci ildə, yəni 01 ay 20 gündən sonra təqdim edilib. Şikayətçi müvafiq prosessual müddətin bərpası ilə bağlı vəsatəti məhkəməyə təqdim etməmişdir. Beləliklə, təqdim olunmuş sənədlərlə X1 qanuni nümayəndəsi X2 Azərbaycan Respublikası İXM-nin 130.1-ci maddəsinin tələblərinə əməl etməsi halı müəyyən edilmir. Eyni zamanda olunur ki, şikayətçinin bildirdiyi qərar məhkəməyə təqdim edilməyib. Belə olan halda həmin qərarın mövcud olub-olmadığı müəyyən edilmir. Azərbaycan Respublikası İXM-nin 132.1.2-ci maddələrinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Həmin məsləyə baxaraq belə qənaətə gəlirəm ki, inzibati xəta haqqında qərardan şikayət verilməsi müddətinin buraxılması icraatı rədd edən hal kimi qiymətləndirilməlidir. Yuxarıda göstərilənlərə əsasən, QƏRARA ALDİM: X1 qanuni nümayəndəsi X2 şikayət ərizəsi geri qaytarılsın. Hakim Namiq Kərimov