Bakı Şəhəri Suraxanı Rayon Məhkəməsi Qərar — İş №3(010)-2211/2025

Azərbaycan Respublikası adından QƏRAR Bakı şəhəri İş № 3(010)-2211/2025 29.05.2025 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı rayon Məhkəməsinin hakimi Muradov Pərviz Namiq oğlunun sədrliyi, məhkəmə iclas katibi Qənbərov Rüstəm İmamverdi oğlunun katibliyi ilə, tərcüməçi X7, barəsində inzibati xəta haqqında iş üzrə icraat aparılan şəxs Şəxs, Bakı şəhəri Suraxanı rayon İcra Şöbəsinin icra məmuru X4 və tələbkarlar X8, X10 və X2 iştirakları ilə, xx xxxx 1968-ci ildə Bakı şəhərində anadan olmuş, Azərbaycan Respublikasının vətəndaşı, FİN: xxxxxxx, evli, ali təhsilli, işləməyən, əlilliyi olmayan, məhkum olunmamış, ünvan 1 ünvanında qeydiyyatda olan və həmin ünvanda yaşayan Şəxs barəsində Bakı şəhəri Suraxanı rayon İcra Şöbəsindən Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Suraxanı rayon İcra Şöbəsinin icra məmuru X4 tərtib etdiyi inzibati xəta haqqında 29 may 2025-ci il tarixli MN seriyalı ******* nömrəli protokol baxılması üçün həmin tarixdə Suraxanı rayon Məhkəməsinə daxil olmuşdur. Bakı şəhəri Nizami rayon Məhkəməsinin qətnamələrinə dair icra vərəqələrinə əsasən Şəxs 225.000 (iki yüz iyirmi beş min) ABŞ dolları (qətnamənin icra olunduğu günə ABŞ dollarının manata məzənnəsi nəzərə alınmaqla, manatla) və 30 (otuz) manat dövlət rüsumu X2 xeyrinə, 5200 (beş min iki yüz) manat X5 xeyrinə, 140000 (yüz qırx min) ABŞ dolları (qətnamənin icra olunduğu günə ABŞ dollarının manata məzənnəsi nəzərə alınmaqla, manatla) və 30 (otuz) manat dövlət rüsumu X10 xeyrinə, 25035,10 manat və dövlət rüsumuna görə 30 manat X15 xeyrinə və 60000,00 (altmış min) manat və dövlət rüsumuna görə 270 manat X8 xeyrinə ödənilməlidir. Həmin icra sənədlərinin icrasını həyata keçirən icra məmuru tərəfindən Şəxs dəfələrlə icra sənədinin könüllü olaraq icra edilməsi tələb olunsa da, Şəxs icra məmurunun qanuni tələblərini yerinə yetirməyərək, üzrsüz səbəbdən icra sənədini tam icra etməmişdir. Buna görə də Şəxs barəsində Azərbaycan Respublikası İXM-nin 528.1-ci maddəsi ilə nəzərdə tutulmuş 29 may 2025-ci il tarixli MN seriyalı ******* nömrəli inzibati xəta haqqında protokol tərtib edilmişdir. İnzibati xətanın törədilməsi haqqında protokol tərtib etmiş icra məmuru X12 məhkəmədə izahatında bildirdi ki, icraatında Şəxs barəsində 5 icra işi vardır. Onlardan 1-i notariusun icra qeydi və digər 4 iş isə məhkəmə qətnaməsidir. Bakı şəhəri Nizami rayon Məhkəməsinin qətnamələrinə dair icra vərəqələrinə əsasən Şəxs 225000 (iki yüz iyirmi beş min) ABŞ dolları (qətnamənin icra olunduğu günə ABŞ dollarının manata məzənnəsi nəzərə alınmaqla, manatla) və 30 (otuz) manat dövlət rüsumu X2 xeyrinə, 5200 (beş min iki yüz) manat X5 xeyrinə, 140000 (yüz qırx min) ABŞ dolları (qətnamənin icra olunduğu günə ABŞ dollarının manata məzənnəsi nəzərə alınmaqla, manatla) və 30 (otuz) manat dövlət rüsumu X10 xeyrinə, 25035,10 manat və dövlət rüsumuna görə 30 manat X15 xeyrinə və 60000,00 (altmış min) manat və dövlət rüsumuna görə 270 manat X8 xeyrinə ödənilməlidir. 20 iyun 2017-ci il tarixdə Nizami rayon Məhkəməsinin 30 may 2017-ci il tarixli, 2(007)-450/2017 saylı qətnaməsinə dair icra vərəqəsi üzrə Bakı şəhəri Suraxanı rayon İcra Şöbəsində icraata başlanılmış, borcluya icranı könüllü olaraq dərhal təmin etməsi təklif olunmuş və icraata başlamaq haqqında qərar bildirişlə birlikdə borclunun yaşadığı ünvana göndərilmişdir. Şəxs icra şöbəsində olmuş, ona tələbin könüllü icrası barədə bildiriş təqdim olunmuş və özü şəxsən həmin bildirişə imza etmişdir. Borcluya icra sənədi üzrə tələbi yerinə yetirməyəcəyi təqdirdə Azərbaycan Respublikası İXM-nin 528.1ci maddəsi ilə nəzərdə tutulmuş inzibati məsuliyyət barədə xəbərdar olunmuşdur. Lakin borclu qanunla müəyyən edilmiş müddət ərzində həmin icra sənədinin icrasını təmin etməmişdir. Eyni zamanda məcburi icra tədbirləri qismində tələbin borclunun bankda olan pul vəsaitlərinə və sair gəlirlərinə, habelə əmlakına yönəldilməsi məqsədilə müvafiq qurum və təşkilatlara sorğular verilmiş, lakin tələbin yönəldilə biləcəyi vəsait və ya əmlak aşkar edilməmişdir. Borclu 1 dəfə Nizami rayon Məhkəməsinin qərarı ilə İXM-nin 528.1-ci maddəsinə əsasən 10 gün müddətinə inzibati qaydada həbs olunmuşdur. Borclu bu günə qədər tələbkarlardan yalnız X14 borcundan cəmi 584 manat ödəniş etmişdir. xx.xx.2023cü il tarixdə borclu Şəxs barəsində axtarış elan olunmuş, onun ölkədən getmək hüququ müvəqqəti olaraq məhdudlaşdırılmış və bu günə qədər 2 ildir ki, axtarışda olmuşdur. 19 dekabr 2023-cü il tarixdə Şəxs barəsində Bakı şəhəri 9 saylı Notariat Kontorunun 7E-4537 saylı, xx.xx.2017-ci il tarixli, Bakı şəhəri Nizami rayon Məhkəməsinin 2(007)-2869/2019 saylı, xx.xx.2019-cu il tarixli, 2(007)-1072/2023 saylı, xx.xx.2023-cü il tarixli, 2(007)- 450/2017 saylı, xx.xx.2017-ci il tarixli və 2(007)-3230/2017 saylı, xx.xx.2017-ci il tarixli icra sənədləri ümumi icraatda birləşdirilmişdir. xx.xx.2025-ci il tarixdə polis əməkdaşları tərəfindən Şəxs saxlanılaraq icra şöbəsinə təhvil verilmişdir. Borclu Şəxs izahatı alınmış, barəsində olan axtarış işinə xitam verilmişdir. Göründüyü kimi borclu onun qanuni tələblərini yerinə yetirməyərək icra sənədini üzrsüz səbəbdən icra etməmişdir. Bu səbəbdən də icra sənədi bu günə kimi icra olunmamışdır. Tələbkarlar borcludan şikayətçidir. İcra sənədinin icrasının təmin edilməsinə nail olmaq məqsədilə Şəxs barəsində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xətanın törədilməsi haqqında protokol tərtib etmişdir. Məhkəmə iclasında iştirak edən icra sənədi üzrə tələbkar X16 izahatında bildirdi ki, borclu Çəndirov X9 Ərəbistanında iş qurmaq adı ilə ondan 60.000 manat məbləğində pul almışdır. Borcludan 2023-cü ildən bu günə qədər xəbər tuta bilməmişdir. Borclu zənglərə cavab verməmişdir. Borclu müxtəlif bəhanələr gətirərək, icra sənədini icra etməkdən qərəzli olaraq boyun qaçırır. O, icra sənədinin tam icra edilməsini istəyir, hissə-hissə icra ilə bağlı heç cür razılaşmır. Borclu bugünə kimi heç bir ödəniş etməmişdir. Sonda borclu Şəxs barəsində daha ciddi inzibati tənbeh tətbiq edilməsini xahiş etdi. Məhkəmə iclasında iştirak edən icra sənədi üzrə tələbkar X17 izahatında bildirdi ki, azərbaycan dilində danışa bilsə də yazmaqda çətinlik çəkir, ona görə ona tərcüməçi təqdim edilmişdir. Borclu Çəndirov X9 Ərəbistanında yol çəkilməsi ilə bağlı iş gördüyünü, investisiya qoyarsa yaxşı qazanc əldə edəcəklərini bildirib iş qurmaq adı ilə ondan 140.000 ABŞ dolları məbləğində pul almışdır. Borclu borcundan cəmi 584 manat ödəniş etmişdir. Borclunun işləyərək borc məbləğini hər ay hiss-hissə ödəməyinə razıdır. Borcludan 2023-cü ildən bu günə qədər xəbər tuta bilməmişdir. Zənglərə cavab verməmişdir. Borclu müxtəlif bəhanələr gətirərək, icra sənədini tam icra etməkdən qərəzli olaraq boyun qaçırır. O, icra sənədinin tam icra edilməsini istəyir, hissə-hissə icra ilə bağlı heç cür razılaşmır. Sonda borclu Şəxs barəsində daha ciddi inzibati tənbeh tətbiq edilməsini xahiş etdi. Məhkəmə iclasında iştirak edən icra sənədi üzrə tələbkar X6 izahatında bildirdi ki, borclu Çəndirov X9 Ərəbistanında iş qurmaq adı ilə ondan 225.000 ABŞ dolları məbləğində pul almışdır. Borcludan 2023-cü ildən bu günə qədər xəbər tuta bilməmişdir. Zənglərə cavab verməmişdir. Borclu müxtəlif bəhanələr gətirərək, icra sənədini icra etməkdən qərəzli olaraq boyun qaçırır. O, icra sənədinin tam icra edilməsini istəyir, hissəhissə icra ilə bağlı heç cür razılaşmır. O, borclunun məsuliyyətsiz olmasından, arxayın gəzməsindən, borcun ödənilməsi ilə bağlı heç bir müsbət addım atmamasından şikayətçidir. Sonda borclu Şəxs barəsində daha ciddi inzibati tənbeh tətbiq edilməsini xahiş etdi. Məhkəmə iclasında Şəxs inzibati xətanı törətməsində özünü təqsirli bilərək izahatında göstərdi ki, əvvəllər Səudiyyə Ərəbistanında işləyirdi və işləri qaydasında gedirdi. Gördüyü iş dövlət sifarişi əsasında yolların çəkilməsi olmuşdur. Daha çox gəlir əldə edərək işi böyütmək istəmişdir. Buna görə də öz evini bankda girov qoyaraq pul götürmüş və əlavə pul üçün qohumuna müraciət etmişdir. Qohumu vasitəsi ilə ayrıayrılıqda 5 nəfərdən yüksək məbləğdə işi böyütmək üçün pul almışdır. Sonra işləri yolunda getməmiş, gördüyü işləri vaxtında təhvil verə bilmədiyi üçün şirkəti yüksək məbləğdə cərimələnmiş, bundan sonra pul verən şəxslər onu polisə və məhkəmələrə vermişdir. Hazırda Ali Məhkəməyə kimi İ instansiya məhkəməsi tərəfindən qəbul edilmiş qətnamələr qanuni qüvvəsini almışdır. Bundan sonra tələbkarlar verdikləri pulu tələb etməyə başlamışdır. Borcundan qeyri-rəsmi olaraq 100.000-dən çox pul qaytarmış amma onunla bağlı rəsmi sənədləri yoxdur, buna görə də məhkəmə mübahisələri zamanı bunu əsaslandıra bilməmişdir. Qaynı vasitəsi ilə qeyd etdiyi borcu qaytarmışdır. Hazırda adında heç bir əmlakın olmadığını, əslində icra işinin icrası mümkün olmadığından qanunla geri qaytarılmalı olduğunu bildirmişdir. Hazırda depozitdə 2.000 manat pulu var onu götürərək borcundan ödəyə biləcəyini bildirmişdir. X3 işlədiyinə görə ona gördüyü işə görə külli miqdarda pul ayrılmış, lakin pulu gedib öz götürməlidir. Ölkədən çıxışına məhkəmə qərarına əsasən məhdudiyyət qoyulduğundan hazırda çıxılmaz vəziyyətdə qalmışdır. Sonda Şəxs iş yerinin, daimi yaşayış yerinin olmamasını, barəsində yüngül həddə inzibati tənbehin verilməsini xahiş etdi. Məhkəmə tərəfindən borclu Şəxs qısa müddət ərzində nə qədər ödəniş edə biləcəyini soruşduqda o, qısa müddət ərzində depozitdə olan 2000 pul məbləği ödəyə biləcəyini bildirmişdir. X1 və X18 məhkəmə iclasının vaxtı və yeri haqqında lazımi qaydada xəbərdar edilmələrinə baxmayaraq, məhkəməyə gəlməmələrinin səbəbini və ya mümkünsüzlüyünü bildirmədən və bu barədə sübutlar təqdim etmədən məhkəmə iclasında iştirak etməmişlər və işə baxılmasının təxirə salınması barədə vəsatət verməmişlər. Məhkəmə, X1nun və X15 iştirakıları olmadan işə baxılmasını mümkün hesab edir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi, inzibati xəta haqqında protokol tərtib etmiş şəxsi və iş üzrə tələbkarları dinləyərək, məhkəmə hesab edir ki, toplanmış sübutlarla Şəxs inzibati xəta törətməsində təqsiri kifayət qədər sübuta yetir və onun törətdiyi əməl düzgün olaraq Azərbaycan Respublikası İnzibati Xətalar Məcəlləsinin 528.1-ci maddəsi ilə tövsif olunmuşdur. Azərbaycan Respublikası İXM-nin 43.1-ci maddəsinə əsasən həmin Məcəllənin 528-ci maddəsi ilə bağlı işlərə baxılması rayon (şəhər) məhkəmələrinin səlahiyyətinə aid edilmişdir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə-fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin maddənin Qeydinə əsasən bu Məcəllənin 528.1-ci maddəsində nəzərdə tutulmuş inzibati xətanı törətmiş borclu müvafiq icra sənədini həmin inzibati xəta haqqında iş üzrə məhkəmə qərar qəbul edənədək icra etdikdə inzibati məsuliyyətdən azad olunur. Hazırkı iş üzrə protokolda qeyd olunmuş 5 icra sənədi üzrə borcun tam ödənilməsi ilə bağlı hal yoxdur. İXM-nin 528.1-ci maddəsinin qeydindən görünür ki, borclu icra sənədini məhkəmə qərar qəbul edənədək yalnız tam icra etdikdə inzibati məsuliyyətdən azad oluna bilər. İş materiallarında olan icraata başlamaq haqqında 20 iyun 2017-ci il tarixli qərardan görünür ki, Nizami rayon Məhkəməsinin 30 may 2017-ci il tarixli, 2(007)-450/2017 saylı qətnaməsinə dair icra vərəqəsi üzrə Bakı şəhəri Suraxanı rayon İcra Şöbəsində icraata başlanılmış, borclu Şəxs icranı könüllü olaraq icra etməsi təklif olunmuş, tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi bildirilmişdir. İş materiallarına əlavə edilmiş tələbin könüllü icrası haqqında 20 iyun 2017-ci il tarixli bildirişdən görünür ki, 20 iyun 2017-ci il tarixli qərara əsasən Nizami Rayon Məhkəməsinin 30 may 2017-ci il tarixli, 2(007)-450/2017 saylı qətnaməsinə dair icra vərəqəsində göstərilən tələbin könüllü icra olunması Şəxs xahiş olunmuş, göstərilən müddət ərzində tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi, həmçinin “İcra haqqında” Azərbaycan Respublikası Qanununun 78, 79 və 81-ci maddələrinə müvafiq olaraq icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı bildirilmişdir. İş materiallarında olan icraata başlamaq haqqında 12 iyul 2017-ci il tarixli qərardan görünür ki, Nizami rayon Məhkəməsinin 30 may 2017-ci il tarixli, 2(007)-450/2017 saylı qətnaməsinə dair icra vərəqəsi üzrə Bakı şəhəri Suraxanı rayon İcra Şöbəsində icraata başlanılmış, borclu Şəxs icranı könüllü olaraq icra etməsi təklif olunmuş, tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi bildirilmişdir. İş materiallarına əlavə edilmiş tələbin könüllü icrası haqqında 12 iyul 2017-ci il tarixli bildirişdən görünür ki, 12 iyul 2017-ci il tarixli qərara əsasən Nizami rayon Məhkəməsinin 30 may 2017-ci il tarixli, 2(007)-450/2017 saylı qətnaməsinə dair icra vərəqəsində göstərilən tələbin könüllü icra olunması Şəxs xahiş olunmuş, göstərilən müddət ərzində tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi, həmçinin “İcra haqqında” Azərbaycan Respublikası Qanununun 78, 79 və 81-ci maddələrinə müvafiq olaraq icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı bildirilmişdir. İş materiallarında olan xx.xx.2017-ci il tarixli kredit müqaviləsindən görünür ki, Şəxs ilə X13 arasında 5200 (beş min iki yüz manat) məbləğində borc müqaviləsi bağlanmışdır. Belə ki, iş materiallarında olan Bakı şəhəri Nizami rayon Məhkəməsinin 26 iyul 2017ci il tarixli, 2(007)-3230/2017 saylı qətnaməsinə dair icra vərəqəsinə əsasən Şəxs 140000 (yüz qırx min) ABŞ dolları (qətnamənin icra olunduğu günə ABŞ dollarının manata məzənnəsi nəzərə alınmaqla, manatla) və 30 (otuz) manat dövlət rüsumu X10 xeyrinə tutulması qət edilmişdir. İş materiallarında olan icraata başlamaq haqqında 06 oktyabr 2017-ci il tarixli qərardan görünür ki, Nizami rayon Məhkəməsinin 26 iyul 2017-ci il tarixli, 2(007)- 3230/2017 saylı qətnaməsinə dair icra vərəqəsi üzrə Bakı şəhəri Suraxanı rayon İcra Şöbəsində icraata başlanılmış, borclu Şəxs icranı könüllü olaraq icra etməsi təklif olunmuş, tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi bildirilmişdir. İş materiallarına əlavə edilmiş tələbin könüllü icrası haqqında 06 oktyabr 2017-ci il tarixli bildirişdən görünür ki, 06 oktyabr 2017-ci il tarixli qərara əsasən Nizami rayon Məhkəməsinin 26 iyul 2017-ci il tarixli, 2(007)-3230/2017 saylı qətnaməsinə dair icra vərəqəsində göstərilən tələbin könüllü icra olunması Şəxs xahiş olunmuş, göstərilən müddət ərzində tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi, həmçinin “İcra haqqında” Azərbaycan Respublikası Qanununun 78, 79 və 81-ci maddələrinə müvafiq olaraq icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı bildirilmişdir. Belə ki, iş materiallarında olan Bakı şəhəri Nizami rayon Məhkəməsinin 28 oktyabr 2019-cu il tarixli, 2(007)-2869/2019 saylı qətnaməsinə dair icra vərəqəsinə əsasən Şəxs X15 xeyrinə 25035,10 manat və dövlət rüsumuna görə 30 manat tutulması qət edilmişdir. İş materiallarında olan icraata başlamaq haqqında 26 dekabr 2019-cu il tarixli qərardan görünür ki, Nizami rayon Məhkəməsinin 28 oktyabr 2019-cu il tarixli, 2(007)- 2869/2019 saylı qətnaməsinə dair icra vərəqəsi üzrə Bakı şəhəri Suraxanı rayon İcra Şöbəsində icraata başlanılmış, borclu Şəxs icranı könüllü olaraq icra etməsi təklif olunmuş, tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi bildirilmişdir. İş materiallarına əlavə edilmiş tələbin könüllü icrası haqqında 26 dekabr 2019-cu il tarixli bildirişdən görünür ki, 26 dekabr 2019-cu il tarixli qərara əsasən Nizami rayon Məhkəməsinin 28 oktyabr 2019-cu il tarixli, 2(007)-2869/2019 saylı qətnaməsinə dair icra vərəqəsində göstərilən tələbin könüllü icra olunması Şəxs xahiş olunmuş, göstərilən müddət ərzində tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi, həmçinin “İcra haqqında” Azərbaycan Respublikası Qanununun 78, 79 və 81-ci maddələrinə müvafiq olaraq icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı bildirilmişdir. İş materiallarında olan Bakı şəhəri Nizami rayon Məhkəməsinin 16 iyun 2023-cü il tarixli, 2(007)-1072/2023 saylı qətnaməsinə dair icra vərəqəsinə əsasən Şəxs X8 xeyrinə 60000,00 (altmış min) manat və dövlət rüsumuna görə 270 manat tutulması qət edilmişdir. İş materiallarında olan icraata başlamaq haqqında 21 avqust 2023-cü il tarixli qərardan görünür ki, Nizami rayon Məhkəməsinin 16 iyun 2023-cü il tarixli, 2(007)- 1072/2023 saylı qətnaməsinə dair icra vərəqəsi üzrə Bakı şəhəri Suraxanı rayon İcra Şöbəsində icraata başlanılmış, borclu Şəxs icranı könüllü olaraq icra etməsi təklif olunmuş, tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi bildirilmişdir. İş materiallarına əlavə edilmiş tələbin könüllü icrası haqqında 21 avqust 2023-cü il tarixli bildirişdən görünür ki, 21 avqust 2023-cü il tarixli qərara əsasən Nizami rayon Məhkəməsinin 16 iyun 2023-cü il tarixli, 2(007)-1072/2023 saylı qətnaməsinə dair icra vərəqəsində göstərilən tələbin könüllü icra olunması Şəxs xahiş olunmuş, göstərilən müddət ərzində tələbi üzrsüz səbəbdən icra etməyəcəyi təqdirdə icranın məcburi qaydada təmin ediləcəyi, həmçinin “İcra haqqında” Azərbaycan Respublikası Qanununun 78, 79 və 81-ci maddələrinə müvafiq olaraq icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı bildirilmişdir. İş materiallarında olan borclunun axtarışı haqqında xx.xx.2023-cü il tarixli qərardan görünür ki, borclu Şəxs barəsində axtarış elan olunmuşdur. İş materiallarında olan icraata qəbul etmək haqqında 19 dekabr 2023-cü il tarixli qərardan görünür ki, Bakı şəhəri 09 saylı Notariat Kontorunun 7E-4537 saylı, xx.xx.2017-ci il tarixli icra sənədi Bakı şəhəri Suraxanı rayon İcra Şöbəsində icraata qəbul edilmişdir. İş materiallarında olan icraata qəbul etmək haqqında 19 dekabr 2023-cü il tarixli qərardan görünür ki, Nizami rayon Məhkəməsinin 28 oktyabr 2019-cu il tarixli, 2(007)- 2869/2019 saylı icra sənədi Bakı şəhəri Suraxanı rayon İcra Şöbəsində icraata qəbul edilmişdir. İş materiallarında olan icraata qəbul etmək haqqında 19 dekabr 2023-cü il tarixli qərardan görünür ki, Nizami rayon Məhkəməsinin 30 may 2017-ci il tarixli, 2(007)- 450/2017 saylı icra sənədi Bakı şəhəri Suraxanı rayon İcra Şöbəsində icraata qəbul edilmişdir. İş materiallarında olan icraata qəbul etmək haqqında 19 dekabr 2023-cü il tarixli qərardan görünür ki, Nizami rayon Məhkəməsinin 26 iyul 2017-ci il tarixli, 2(007)- 3230/2017 saylı icra sənədi Bakı şəhəri Suraxanı rayon İcra Şöbəsində icraata qəbul edilmişdir. İş materiallarında olan icra sənədlərinin ümumi icraatda birləşdirilməsi haqqında 19 dekabr 2023-cü il tarixli qərardan görünür ki, Şəxs barəsində Bakı şəhəri 9 saylı Notariat Kontorunun 7E-4537 saylı, xx.xx.2017-ci il tarixli, Bakı şəhəri Nizami rayon Məhkəməsinin 2(007)-2869/2019 saylı, xx.xx.2019-cu il tarixli, 2(007)-1072/2023 saylı, xx.xx.2023-cü il tarixli, 2(007)-450/2017 saylı, xx.xx.2017-ci il tarixli və 2(007)-3230/2017 saylı, xx.xx.2017ci il tarixli icra sənədləri ümumi icraatda birləşdirilmişdir. Azərbaycan Respublikası Konstitusiyasının 129-cu maddəsinin İ və İİ hissələrinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Məhkəmə qərarlarının icrasının məcburiliyi “Məhkəmələr və hakimlər haqqında” Qanunun 5-ci maddəsində də əks olunmuşdur. Həmin maddəyə əsasən məhkəmələr baxılmış işlər üzrə Azərbaycan Respublikası adından qətnamələr, hökmlər, qərardadlar və qərarlar çıxarırlar. Azərbaycan Respublikasının qanunvericiliyi ilə müəyyən edilmiş qaydada qanuni qüvvəyə minmiş bu qərarlar Azərbaycan Respublikası ərazisində bütün fiziki və hüquqi şəxslər tərəfindən mütləq, vaxtında və dəqiq icra olunmalıdır. Qanuni qüvvəyə minmiş məhkəmə qərarlarının icra edilməməsi Azərbaycan Respublikası qanunvericiliyi ilə nəzərdə tutulmuş məsuliyyətə səbəb olur. “İcra haqqında” Qanunun 12-ci maddəsinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. Azərbaycan Respublikasının qanunvericiliyi ilə və ya icra sənədi ilə icrası dərhal nəzərdə tutulmuş tələblər təxirəsalınmadan icra olunur. Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi üzrə icraata başladıqdan sonra, icra məmuru icra sənədində göstərilmiş hərəkətlərin borclu tərəfindən könüllü icrası üçün müddət təyin edir. Belə ki, “İcra haqqında” Qanunun 8.2-ci maddəsinə görə icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir. Borclu tərəfindən müəyyən olunmuş on günlük müddət ərzində məhkəmə aktı könüllü icra olunmadıqda icra məmuru həmin Qanunun 43.1-ci maddəsində əks olunmuş borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi; tələbin borclunun əmək haqqına, pensiyasına, təqaüdünə və sair gəlirlərinə yönəldilməsi; tələbin borclunun üçüncü şəxslərdə olan pul vəsaitlərinə və digər əmlakına yönəldilməsi; icra sənədində göstərilmiş müəyyən əşyaların borcludan götürülüb tələbkara verilməsi və ya Azərbaycan Respublikasının digər qanunvericilik aktlarına uyğun olaraq icra sənədinin icrasını təmin edən başqa məcburi icra tədbirlərinə müraciət etməlidir. Hazırkı iş üzrə borclunun iş yeri, əmək haqqı, sair gəlirləri, daşınar və ya daşınmaz əmlakının olması müəyyən edilməmişdir. Qanunverici “İcra haqqında” Qanunun 82-ci maddəsində icra sənədi icra edilmədiyi halda inzibati və cinayət məsuliyyətinə cəlb olunmanın xüsusi qaydasını da müəyyən etmişdir. Belə ki, “İcra haqqında” Qanunun 82.1-ci maddəsinə görə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi, icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədi istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. Qanunun mənasına görə Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulan məsuliyyət o vaxt yaranır ki, borclu məhkəmə qərarının icrası ilə əlaqədar icra məmurunun qanuni tələblərini yerinə yetirməsin və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə məcbur edən icra sənədini üzrsüz səbəbdən icra etməsin. Azərbaycan Respublikası İXM-nin 528.1-ci maddəsinin həmin Məcəllənin 9.2 və 35ci maddələri baxımından şərh edilməsinə dair Azərbaycan Respublikası Konstitusiya Məhkəməsi Plenumunun 04 sentyabr 2018-ci il tarixli qərarına əsasən İXM-nin 528.1-ci maddəsinin tərkibi məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilmədiyi və ya onun tərəfindən müəyyən olunmuş müddətdə borclunu müəyyən hərəkətlər etməyə və ya müəyyən hərəkətləri etməkdən çəkinməyə məcbur edən icra sənədinin məhz üzrsüz səbəbdən icra edilmədiyi hallarda yaranır. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə görə inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh olunur. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İXM-nin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, borclu Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanın törədilməsində təqsirliliyi iş materiallarında olan sübutlarla kifayət qədər sübuta yetirilmişdir. Onun əməli düzgün olaraq İXM-nin 528.1-ci maddəsi ilə tövsif edilmişdir. Şəxs hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətdən azad edilməsi üçün əsaslar yoxdur. Odur ki, Şəxs təqsiri sübuta yetirildiyinə görə o, inzibati məsuliyyətə cəlb edilməli və barəsində inzibati tənbeh tətbiq edilməlidir. Məhkəmə Şəxs inzibati tənbeh təyin etmək məsələsini həll edərkən qanunun aşağıdakı prinsip və müddəalarını rəhbər tutur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. İXM-nin 30.1-ci maddəsinə əsasən inzibati həbs, yalnız müstəsna hallarda bu Məcəllənin Xüsusi hissəsinin müvafiq maddələrində nəzərdə tutulan inzibati xətaların ayrıayrı növlərinə görə üç gündən üç ay müddətinədək hakim tərəfindən tətbiq edilir. İXM-nin 30.2-ci maddəsinə əsasən hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, orqanizmin funksiyalarının 61-80 faiz və ya 81- 100 faiz pozulmasına görə əlilliyi müəyyən edilmiş şəxslər, 18 yaşınadək əlilliyi müəyyən edilmiş şəxslər, altmış yaşına çatmış qadınlar və altmış beş yaşına çatmış kişilər, habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular barəsində inzibati həbs tətbiq edilə bilməz. Qeyd olunan istisna hallardan heç biri Şəxs aid edilmir. İş üzrə Şəxs İXM-nin 32 və 33-cü maddələrinə əsasən məsuliyyətini yüngülləşdirən və ağırlaşdıran hallar müəyyən olunmamışdır. Məhkəmə qeyd edir ki, barəsində inzibati icraat aparılan şəxs Şəxs inzibati həbslə əlaqədar olmayan cərimə tənbehinin təyin edilməsi məqsədəmüvafiq deyildir. Belə ki, onun inzibati məsuliyyətə cəlb edildiyi xəta özlüyündə pul məbləğinin ödənilməməsi ilə bağlıdır. Lakin borclu külli miqdarda borclardan heç bir məbləğ ödəməmişdir. Azərbaycan Respublikası İXM-nin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə Şəxs törətdiyi inzibati xətanın xarakterini, tələbkarın əmlak mənafeyini və icra sənədinin icra olunmamasının tələbkarın qanunla qorunan mənafelərinin, o cümlədən pozulmuş hüquqlarının real müdafiəsi müddətini uzatdığını nəzərə alaraq hesab edir ki, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş hədd çərçivəsində inzibati həbs növündə inzibati tənbeh tətbiq olunmalıdır. Göstərilənlərə əsasən və Azərbaycan Respublikası İXM-nin 30, 31, 40, 43, 48-51, 114-115, 128-132-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanın törədilməsində təqsirli bilinsin və onun barəsində 20 (iyirmi) gün müddətinə inzibati həbs növündə inzibati tənbeh tətbiq edilsin. Şəxs inzibati həbs müddətinin başlanğıcı qərarın elan olunduğu 29 may 2025-ci il tarixdən, saat 16:10-dan hesablansın. Qərar dərhal icra edilsin. Qərarın icrası Bakı şəhəri Suraxanı rayon Polis İdarəsinə və Azərbaycan Respublikası Daxili İşlər Nazirliyinin İnzibati həbs olunanların saxlanılma məntəqəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Pərviz Muradov