Bakı Şəhəri Suraxanı Rayon Məhkəməsi Qərar — İş №3(010)-2213/2023

Azərbaycan Respublikası adından QƏRAR Bakı şəhəri İş № 3(010)-2213/2023 02.06.2023 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı rayon Məhkəməsinin hakimi Nuriyev Elnur Aləm oğlu, məhkəmə iclas katibi Nayıbov Pərviz Şakir oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs, zərərçəkmiş şəxs X2 və inzibati xəta haqqında protokol tərtib etmiş şəxs Bakı şəhəri Suraxanı rayon Polis İdarəsinin 32-ci Polis Bölməsinin sahə inspektoru X1 iştirakı ilə, Şəxs, xx xxxx 1974-cü il tarixdə Naxçıvan Muxtar Respublikası, Culfa rayonu, Xanağa kəndində anadan olmuş, Azərbaycan Respublikasının vətəndaşı, xxxxxxx, ünvan 1 ünvanında qeydiyyatda olmaqla həmin ünvanda yaşayan, barəsində Bakı şəhəri Suraxanı rayon Polis İdarəsinin 32-ci Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Şəxs, 15 aprel 2023-cü il tarixdə, saat 12 radələrində aralarında yaranmış mübahisə zamanı X3 döymüşdür. Buna görə də Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsi haqqında 02 iyun 2023-cü il tarixli, MN seriyalı, ******* nömrəli protokol tərtib edilmişdir. Barəsində inzibati xəta haqqında iş üzrə icraat aparılan şəxs Şəxs inzibati xəta törədilməsi haqqında protokolda göstərilən xüsusatları təsdiq etməyərək və inzibati xətanı törətməsində özünü təqsirli bilməyərək göstərdi ki, problem əmlak mirası səbəbindən baş vermişdir. Vüqar onun qardaşını ona qarşı doldurur. Məqsədi isə pul mənimsəməkdir. 15 aprel 2023-cü il tarixdə səhər saatlarında Vüqarın aşağıdan adını çağırdığını eşitdi. O, Vüqardan ora hansı səbəbə gədiyini soruşduqda, cavabdında Vüqar ona bildirmişdir ki, dayısının evidir istənilən zaman həmin evə və həyətə gəlib gedə bilər. Daha sonra Vüqar ondan pul istədi. O, Vüqarı çöl qapısına çağıraraq sonuncunu həyətdən çölə çıxararaq, qapını bağlayıb içəri keçmək istəsə də, lakin Vüqar başını qapının arasında saxlayaraq qapının bağlanmasına maneə yaratmışdır. O, qapını çətinliklə bağlamışdır. Bundan sonra, Vüqar özünü yerə ataraq Azərbaycan Redspublikası Daxili İşlər Nazirliyinin 102 Ximzəng edərək, ona qarşı zorakılıq tətbiq edildiyini bildirmişdir. O, X4 vurmamışdır. Sonda Şəxs əməlində inzibati xəta tərkibi olmadığından barəsində başlanılmış inzibati xəta haqqında işin icraatına xitam verilməsini xahiş etdi. Zərərçəkmiş şəxs X6 bildirdi ki, dayısı öldükdən sonra mülk bölunməli idi. Lakin dayısı qızı Məhbubə buna maneələr yaradırdı. Məhbubə onu yumruq və təpik ilə vurmuşdur. Sonda zərərçəkmiş şəxs X6, Şəxs etdiyi əmələ görə bağışlamadığını bildirərək, məhkəmədən onun barəsində ağır həddə inzibati tənbeh tətbiq edilməsini xahiş etdi. Məhkəmədə inzibati xəta törədilməsi haqqında protokolu tərtib etmiş Bakı şəhəri Suraxanı rayon Polis İdarəsinin 32-ci Polis Bölməsinin sahə inspektoru X5 bildirdi ki, X6 Azərbaycan Respublikası Daxili İşlər Nazirliyinin 102 “Xidməti-zəng” Mərkəzinə zəng vuraraq 15 aprel 2023-cü il tarixdə Şəxs onu vuraraq, ona xəsarətlər yetirdiyini bildirmişdir. X2 ərizəsi əsasında toplanmış materialda cinayət tərkibi olmadığından cinayət işinin başlanması rədd edilmiş və Şəxs əməlində Azərbaycan Respublikası İXM-nin 157-ci maddəsinin əlamətləri olduğundan barəsində inzibati inzibati qaydada tədbir görülməsi ona həvalə edilmişdir. Buna görə də o, Şəxs barəsində Azərbaycan Respublikası İXM-nin 157-ci maddəsi ilə nəzərdə tutulmuş inzibati xətanın törədilməsi haqqında protokol tərtib etmişdir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi, zərərçəkmiş şəxsi və inzibati xəta haqqında protokol tərtib etmiş şəxsi dinləyərək, məhkəmə hesab edir ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq, Azərbaycan Respublikası İnzibati Xətalar Məcəlləsinin 157-ci maddəsi ilə tövsif olunmuşdur. İş materialalrında olan canlı şəxsin ekspertizasının 18 aprel 2023-cü il tarixli, 292 saylı rəyindən görünür ki, X2 müayinəsi zamanı bədən səthində hər hansı bir xəsarət aşkar edilməmişdir. İş materialalrında olan Bakı şəhəri Suraxanı rayon Polis İdarəsinin 32-ci Polis Bölməsinin təhqiqatçısı Rəşad Həsənzadənin cinayət işinin başlanmasının rədd edilməsi haqqında 04 may 2023-cü il tarixli qərarından görünür ki, Şəxs əməlində Azərbaycan Respublikası İXM-nin 157-ci maddəsinin maddəsinin əlamətləri olduğundan barələrində inzibati tədbir görülməsi üçün Bakı şəhəri Suraxanı rayon Polis İdarəsinin 32-ci Polis Bölməsinin aidiyyatı əməkdaşına həvalə edilmişdir. Azərbaycan Respublikası İXM-nin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 12.2-ci maddəsinə əsasən bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini xarakterizə edən halları, onun təqsirinin dərəcəsini və əmlak vəziyyətini nəzərə alır. İş üzrə Şəxs məsuliyyətini yüngülləşdirən və ağırlaşdıran hallar müəyyən olunmamışdır. Məhkəmə işin hallarını nəzərə alaraq, hesab edir ki, Şəxs cərimə növündə inzibati tənbeh kifayət edir və ona Azərbaycan Respublikası İnzibati Xətalar Məcəlləsinin 157-ci maddəsində müəyyən edilmiş sanksiya çərçivəsində cərimə növündə inzibati tənbeh tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanın törədilməsində təqsirli bilinsin və onun barəsində 300 (üç yüz) manat məbləğində inzibati cərimə növündə inzibati tənbeh tətbiq edilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Elnur Nuriyev