Bakı Şəhəri Suraxanı Rayon Məhkəməsi Qərar — İş №3(010)-2222/2025

Azərbaycan Respublikası adından QƏRAR Bakı şəhəri İş № 3(010)-2222/2025 31.05.2025 BAKI ŞƏHƏRİ SURAXANI RAYON MƏHKƏMƏSİ Hakim Qafarova Rübabə Nurulla qızının sədrliyi, X7 oğlunun katibliyi, Suraxanı Rayon Polis İdarəsinin 30-cu polis şöbəsinin sahə inspektoru, polis kapitanı X5, Barəsində inzibati xəta haqqında iş üzrə icraat aparılan şəxs Şəxs Müdafiəçisi Bakı şəhəri 9 saylı Vəkil Bürosunun vəkili X1 iştirakı ilə, Şəxs– xx.xx.1983-cü ildə Bakı şəhəri, Pirallahı rayonunda anadan olmuş, orta təhsilli, evli, fərdi əməklə məşğul olan, əvvəllər məhkum olunmuş, ünvan 1 ünvanında qeydiyyatda olmaqla yaşayan, Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə tərtib olunmuş inzibati xəta haqqında protokol üzrə inzibati xəta haqqında işə məhkəmənin binasında, açıq məhkəmə iclasında baxaraq MÜƏYYƏN ETDİ: Zodanov X4 Nazirliyinin Respublika Narkoloji Mərkəzindən müayinədən keçirilərkən Mərkəzin 3249 saylı ekspert rəyinə əsasən narkotik vasitə istifadəçisi olduğu müəyyən olunmuşdur. Bununla da o, İXM-in 206-cı maddəsində nəzərdə tutulmuş inzibati xətanı törətmişdir. Onun barəsində xx.xx.2025-ci il tarixli, AZA 022522 saylı inzibati xəta haqqında protokol tərtib olunmuşdur. Bakı şəhəri Suraxanı rayon Polis İdarəsinin 30-ci Polis bölməsinin sahə inspektoru, polis kapitanı X9 məhkəmədə protokola uyğun izahat verərək, xx.xx.2025-ci il tarixdə ərazidə baş vermiş keçirilmiş əməliyyat tədbirləri nəticəsində Şəxs özünü şübhəli aparması səbəbindən Suraxanı rayonu, Hövsan qəsəbəsi ərazisində saxlanılaraq Suraxanı RPİ-nin 30-cu PŞ-nə gətirilmişdir. Təhqiqat araşdırması zamanı Şəxs narkotik vasitə aludəçisi olması müəyyən edilməsi üçün xx.xx.2025-ci il tarixində analiz üçün narkoloji dispanserə göndərilmiş və müayinə nəticəsində Şəxs narkotik vasit olan TCH(+) qəbul etdiyi aşkar edilmişdir. Təhqiqatçının qərarı ilə şəxs barəsində İXM-nin 206-cı maddəsi əsasında inzibati xəta haqqında protokol tərtib edilmiş və Suraxanı Rayon Məhkəməsinə təqdim edilmişdir. Məhkəmədə inzibati tənbeh tətbiq edilən şəxs Şəxs izahatında bildirdi ki, əvvəllər 234.1-ci maddə ilə məhkum olunmuş, narkomaniyaya görə məcburi müalicə almışdır. Narkomaniyadan sağalmış, indi də içki aludəçisi olmuşdur. xx.xx.2025-ci il tarixdə Hövsan qəsəbəsində “Şüşəli Bazarı” deyilən yerdə oturub dostu Ceyhunla araq içirmiş, həmin vaxt polis əməkdaşları onlara yaxınlaşaraq ictimai yerdə içki içmək qadağandır demişdir. Sonra ondan narkotik vasitə istifadə edib etmədiyini soruşmuş o da əvvəllər istifadə etdiyini bildirmişdir. Sonra eyni sualı Ceyhuna vermiş, o istifadə etdiyini dediyi üçün onları polis şöbəsinə aparmışlar. Baxış zamanı üzərimizdən narkotik vasitə çıxmamışdır. Barəsində inzibati xəta haqqında iş üzrə icraat aparılan şəxs Şəxs müdafiəçisi Bakı şəhəri 9 saylı Vəkil Bürosunun vəkili X2 məhkəmə iclasında izahatında Şəxs barəsində tərtib olunmuş protokolu əsassız hesab edərək, onun barəsində cəza təyin edilməməsini xahiş etdi. İnzibati tənbeh tətbiq edilən şəxs Şəxs əməli tərtib olunmuş inzibati xəta haqqında protokolla, ekspert rəyi və digər iş materialları ilə tam sübuta yetirilir. İş materiallarında olan 31 may 2025-ci il tarixli cinayət işinin başlanmasının rədd edilməsi haqqında qərara əsasən, qərarın təsviri hissəsində göstərilənlərə əsasən vətəndaş Şəxs barəsində toplanmış material üzrə cinayət işinin başlanması rədd edilməsi, qərarın sürəti məlumat üçün təhqiqata prosessual rəhbərliyi həyata keçirən Suraxanı rayon prokuroruna göndərilməsi, qərar barədə maraqlı tərəfə məlumat verilməsi və material saxlanması üçün Suraxanı RPİ-nin 30-ci PŞ-nin dəftərxanasına verilməsi qərara alınmışdır. İş materiallarında olan Azərbaycan Respublikası Səhiyyə Nazirliyi Respublika Narkoloji X10 X8 - X3 xx.xx.2025-ci il tarixli 3249 nömrəli ekspert rəyinə əsasən vətəndaş Şəxs alkoqolun qəbulu nəticəsində yaranan asılılıq sindromu (alkoqolizm xəstəliyi) müəyyən olunub. Şəxs kannabinoidlərdən istifadə etmə halı olub. Lakin hal-hazırda Şəxs müayinə zamanı narkomaniya xəstəliyinin əlamətləri aşkar olunmur, narkomaniya xəstəliyindən əziyyət çəkmir. Narkomaniyadan məcburi müalicəyə ehtiyacı yoxdur. Ərazi narkoloji tibb müəssisəsində narkotik ilə bağlı profilaktik qeydiyyata alınması məsləhət görülür. İXM-nin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Məhkəmə İXM-in 31.2-ci maddəsinin tələblərini nəzərə alıb, həmçinin inzibati xətanın törədildiyi yeri, vaxtı nəzərə alaraq hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər, ona görə də həmin növündə inzibati tənbeh verilməsini məqsədəmüvafiq hesab edir. Həmçinin məhkəmə inzibati xəta törətmiş şəxsin şəxsiyyətini və yaşını nəzərə alaraq inzibati həbsin müddətini müəyyən edir. Bundan əlavə İXM-nin 37.1-ci maddəsinə əsasən inzibati həbs nəzərdə tutan inzibati xəta törətmiş, narkomaniyadan müalicəyə ehtiyacı olan şəxslərə inzibati həbs tənbeh növü tətbiq edilərkən məhkəmə tərəfindən onlara məcburi müalicə təyin edilir və inzibati həbs növündə inzibati tənbeh çəkilib qurtardıqdan sonra icra olunur. İXM-nin 37.3-cü maddəsinə əsasən barəsində inzibati həbs tənbeh növü tətbiq edilməklə yanaşı, tibbi yoxlama nəticəsinə əsasən narkomaniyadan məcburi müalicə təyin edilmiş şəxslər inzibati həbs tənbeh növünü çəkib qurtardıqdan sonra müvafiq icra hakimiyyəti orqanının tabeliyində olan ixtisaslaşdırılmış tibb müəssisəsində müalicə olunurlar. İXM-nin 37.5-ci maddəsinə əsasən barəsində narkomaniyadan məcburi müalicə təyin edilmiş şəxs inzibati həbs müddətinin başa çatdığı gün inzibati həbs yerinin nümayəndəsinin müşayiəti ilə məcburi müalicənin həyata keçirildiyi ixtisaslaşdırılmış tibb müəssisəsinə təhvil verilir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İXM-nin 206-cı maddəsi ilə nəzərdə tutulan inzibati xətanı törətməkdə təqsirli bilinərək, 20 (iyirmi) gün müddətinə inzibati həbs olunsun. İnzibati həbs müddətinin başlanğıcı inzibati qaydada tutulduğu vaxtdan, yəni 30 may 2025-ci il saat 16:02-dən hesablansın. İnzibati həbs növündə inzibati tənbeh tətbiq edilməsi hissəsində qərar dərhal icra edilsin. Qərarın icrası Azərbaycan Respublikası Daxili İşlər İşlər Nazirliyinin İnzibati həbs olunanların saxlanılma məntəqəsinə həvalə edilsin. Qərarın surəti təqdim edildiyi və alındığı gündən 10 (on) gün müddətində qərardadın Bakı şəhəri Suraxanı rayon Məhkəməsi vasitəsilə Bakı Apellyasiya Məhkəməsinə şikayət verə bilər. Sədrlik edən Rübabə Qafarova