Bakı Şəhəri Suraxanı Rayon Məhkəməsi Qərar — İş №3(010)-237/2022

Azərbaycan Respublikası adından QƏRAR Bakı şəhəri İş № 3(010)-237/2022 03.02.2022 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı rayon Məhkəməsinin hakimi Nuriyev Elnur Aləm oğlu, məhkəmə iclas katibi Nayıbov Pərviz Şakir oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs və inzibati xəta haqqında protokol tərtib etmiş Bakı şəhəri Suraxanı rayon Polis İdarəsinin 32-ci Polis Bölməsinin sahə inspektoru X1 iştirakı ilə, Şəxs, xx xxxx 1982-ci il tarixdə Cəbrayıl rayonunda anadan olmuş, Azərbaycan Respublikasının vətəndaşı, Fin: xxxxxxx, subay, orta təhsilli, ünvan 1i ünvanında qeydiyyatda olan, barəsində Bakı şəhəri Suraxanı rayon Polis İdarəsinin 32-ci Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Şəxs 03 fevral 2022-ci il tarixdə Bakı şəhəri, Xətai rayonu, Babək prospektində yerləşən maşın bazarında ictimai qaydanı mühafizə vəzifələrini icra edən polis işçisinin qanuni tələblərinə qəsdən tabe olmamışdır. Buna görə də Şəxs barəsində Azərbaycan Respublikası İXM-nin 535.1-ci maddəsi ilə nəzərdə tutulmuş inzibati xəta törədilməsi haqqında protokol tərtib edilmişdir. Məhkəmə iclasında Şəxs izahat verərək bildirmişdir ki, qızı qaçırıldığı üçün və qaçıran şəxsin cəza almadığı üçün DİN-nin 102 xidmətinə yığmış və 32-ci PB-nə bomba qoyacağını demişdir. Etdiyi əməldən peşmandır..Sonda Şəxs məhkəmədən barəsində yüngül həddə inzibati tənbeh tətbiq edilməsini xahiş etdi. İnzibati xəta haqqında protokolu tərtib etmiş, Bakı şəhəri Suraxanı rayon Polis İdarəsinin 32-ci Polis Bölməsinin sahə inspektoru X4 göstərdi ki, 26 yanvar 2022-ci il tarixdə Şəxs AR DİN-nin 102 xidmətinə zəng edərək, 17 yanvar 2022-ci il tarixdə 16 yaşlı qızı X2 qaçırılması, keçmiş həyat yoldaşı X3 şikayətçi olmadığı üçün qaçıran şəxsin tutulmadan buraxılmasından narazı olması, hadisə ilə əlaqəli 32-ci PB-də araşdırmadan narazı olduğunu bildirmiş və “Elə eləmiyin 32-ci PB-nə bomba qoyum” ifadəsini işlətmişdir. Daha sonra o, polis bölməsinə dəvət edilsə də, çağırışlara məhəl qoymamışdır. Onun işlədiyi yer müəyyən edilmiş və polis əməkdaşları Bakı şəhəri, Xətai rayonu, Babək prospektində maşın bazarı deyilən yerə gedərək onu polis bölməsinə gətirmişlər və onun barəsində inzibati protokol tərtib olunaraq baxılması üçün məhkəməyə təqdim edilmişdir. Buna görə də, Şəxs barəsində müvafiq tədbir görülməsini xahiş etmişdir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi və inzibati xəta haqqında protokolu tərtib etmiş şəxsi dinləyərək, məhkəmə hesab edir ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq, Azərbaycan Respublikası İnzibati Xətalar Məcəlləsinin 535.1-ci maddəsi ilə tövsif olunmuşdur. Belə ki, iş materiallarında olan Suraxanı rayon Polis İdarəsinin 32 PB-nin CA üzrə ə/m, polis baş leytenantı Yaşar Rzayevin 03 fevral 2022-ci il tarixli raportundan görünür ki, Suraxanı RPİ-nin 32-ci PB-nin təhqiqatcısı Rəşad Həsənzadənin HK-1 97-nömrəli material üzrə icraatına vət. Şəxs Elbrus oğlunun gətirilməsi ilə bağlı əməliyyat tapşırığı daxil olmuşdur. Əməliyyat tapşırığı ilə əlaqədar 03.02.2022-ci il tarixdə saat 12:00 radələrində həmin şəxsin olduğu yeri müəyən etmək məqsədilə onun işlədiyi Xətai rayonu, Babək prospektində yerləşən maşın bazarı deyilən yerə gələrək Şəxs Elbrus oğlunun işlədiyi dönərxanada yerini müəyyən edib, verdiyi məlumatla əlaqədar Suraxanı RPİ-nin 32-ci PBnə dəvət etmişdir..Şəxs Elbrus oğlu bizim qanuni tələblərinə tabe olmayaraq PB-yə gəlməkdən boyun qaçırdıb, etiraz edərək gəlməyəcəyini bildirdi. O, Şəxs Elbrus oğlunu qanuni tələbə riayət etməsini, nizam intizama dəvət edib bir daha onunla PB-yə gedəcəyini bildirdik. Həmin şəxslə aparılan profılakitik söhbət nəticəsində PB-yə gəlməsini təmin etmişdir. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, onun təqsirinin dərəcəsini və əmlak vəziyyətini nəzərə alır. Məhkəmə Şəxs törədilmiş inzibati xətadan səmimi peşmançılığını onun məsuliyyətini yüngülləşdirən hal hesab edir. İş üzrə Şəxs məsuliyyətini ağırlaşdıran hal müəyyən olunmamışdır Azərbaycan Respublikası İnzibati Xətalar Məcəlləsinin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Məhkəmə işin hallarını nəzərə alaraq, hesab edir ki, Şəxs cərimə növündə inzibati tənbeh kifayət etmir və ona Azərbaycan Respublikası İnzibati Xətalar Məcəlləsinin 535.1ci maddəsində müəyyən edilmiş sanksiya çərçivəsində, inzibati həbs növündə inzibati tənbeh tətbiq olunmalıdır. Bundan başqa, Azərbaycan Respublikası İnzibati Xətalar Məcəlləsinin 89.4-cü maddəsinə əsasən barəsində inzibati həbs tənbeh növünün tətbiqini nəzərdə tutan inzibati xəta haqqında iş üzrə icraat aparılan şəxs 24 saatadək, bu Məcəllənin 157, 206, 227, 513, 517-1 və ya 535-ci maddələrində göstərilən xətaları törətmiş şəxslər isə inzibati xəta haqqında işin mürəkkəbliyi və ya xəta törətmiş şəxslərin sayının çoxluğu işin araşdırılmasını gecikdirdiyi və ya başqa formada çətinlik yaratdığı hallarda, habelə şəxsin narkomaniyadan məcburi müalicəyə ehtiyacının olub-olmamasını müəyyənləşdirmək məqsədi ilə tibbi yoxlamaya göndərildiyi hallarda 48 saatadək müddətə inzibati qaydada tutula bilər. Həmin Məcəllənin 89.5-ci maddəsinə əsasən inzibati qaydada tutma müddəti inzibati xəta törətmiş şəxsin protokol tərtib etmək üçün gətirildiyi vaxtdan, sərxoş halda olmuş şəxsin isə ayıldığı vaxtdan hesablanır. Azərbaycan Respublikası İnzibati Xətalar Məcəlləsinin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 5.1-ci maddəsinə əsasən insan və vətəndaş hüquqları və azadlıqları ali dəyərə malikdir. Bu hüquqların və azadlıqların pozulmasına yol verən bütün dövlət orqanları, qurumları və vəzifəli şəxslər məsuliyyət daşıyırlar. İş materiallarında olan 03 fevral 2022-ci il tarixli inzibati qaydada tutma protokolundan görünür ki, Şəxs həmin tarixdə, saat 12:30-da Bakı şəhəri Suraxanı rayon Polis İdarəsinin 32-ci Polis Bölməsinin sahə inspektoru X4 tərəfindən inzibati qaydada tutulmuşdur. Azərbaycan Respublikası İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Buna görə də məhkəmə hesab edir ki, Şəxs inzibati həbs müddətinin başlanğıcı, onun inzibati qaydada tutulduğu – 03 fevral 2022-ci il tarixdən, saat 12:30-dan hesablanmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanın törədilməsində təqsirli bilinsin və onun barəsində 30 (otuz) gün müddətinə inzibati həbs növündə inzibati tənbeh tətbiq edilsin. İnzibati həbs müddətinin başlanğıcı Şəxs inzibati qaydada tutulduğu – 03 fevral 2022-ci il tarixdən, saat 12:30-dan hesablansın. Qərar dərhal icra edilsin. Qərarın icrası Bakı şəhəri Suraxanı rayon Polis İdarəsinin 32-ci Polis Bölməsinə və Azərbaycan Respublikası Daxili İşlər Nazirliyinin İnzibati həbs olunanların saxlanılma məntəqəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Elnur Nuriyev