Bakı Şəhəri Suraxanı Rayon Məhkəməsi Qərardad — İş №3(010)-2668/2023

Azərbaycan Respublikası adından QƏRARDAD Bakı şəhəri İş № 3(010)-2668/2023 13.07.2023 BAKI ŞƏHƏRİ SURAXANI RAYON MƏHKƏMƏSİ Suraxanı Rayon Məhkəməsinin hakimi Kərimov Namiq Həsrət oğlu, Hacıyev Gündüz Nizami oğlunun katibliyi ilə, Bakı Nəqliyyat X2 Şəxsin Azərbaycan Respublikası İXM-nin 347-ci maddəsi ilə təqsirləndirilməsinə dair Suraxanı Rayon Polis İdarəsindən daxil olmuş inzibati xəta haqqında işə açıq məhkəmə iclasında baxaraq, MÜƏYYƏNETDİ: Suraxanı Rayon Polis İdarəsi Bakı Nəqliyyat X2 Şəxsin Azərbaycan Respublikası İXM-nin 347-ci maddəsi ilə təqsirləndirilməsinə dair 13 aprel 2023-cü il tarixli İXP seriyalı ******* nömrəli inzibati xəta haqqında protokolu baxılması üçün Suraxanı Rayon Məhkəməsinə təqdim etmişdir. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, barəsində inzibati xəta haqqında iş üzrə icraat aparılan Bakı Nəqliyyat X2 Şəxsin səlahiyyətli nümayəndəsi və Suraxanı Rayon Polis İdarəsinin nümayəndəsi məhkəmə iclasında iştirak etməmişdir və məhkəmə iclasının təxirə salınması barədə onlardan vəsatət daxil olmamışdır. Məhkəmə işə Azərbaycan Respublikası İnzibati Xətalar Məcəlləsinin 61.3-cü maddəsinə əsasən barəsində inzibati xəta haqqında iş üzrə icraat aparılan şəxs Bakı Nəqliyyat X2 Şəxsin səlahiyyətli nümayəndəsinin və inzibati xəta haqqında protokolu tərtib etmiş Suraxanı Rayon Polis İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə inzibati xəta haqqında protokolu və ona əlavə edilmiş sənədləri nəzərdən keçirərək hesab edir ki, aşağıda göstərilənlərə əsasən protokol və ona əlavə edilmiş sənədlər geri qaytarılmalıdır. Belə ki, səlahiyyətli orqan tərəfindən Bakı Nəqliyyat X2 Şəxsin Azərbaycan Respublikasının İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməsi əsası ilə 13 aprel 2023-cü il tarixli İXP seriyalı ******* nömrəli inzibati xəta haqqında protokol tərtib edilərək baxılması üçün məhkəməyə göndərilsə də, iş materiallarından görünür ki, inzibati xəta törətmiş nəqliyyat vasitəsi Bakı Nəqliyyat X2 Şəxsə deyil, "xxxx" MMC-yə məxsusdur. Bununla da, Bakı Nəqliyyat X2 Şəxsə aid olmayan iş materialları aşkar edilmişdir. İş materiallarına əlavə edilmiş hüquqi şəxsin mülkiyyətində və ya istifadəsində olan nəqliyyat vasitələrinin müvafiq inzibati xətaların törədilməsi zamanı idarə etmiş fiziki şəxslər barədə məlumatların verilməsinə dair xx.xx.2023-cü il tarixdə "xxxx" MMC–yə daxil olmuş sorğunun cavabına əsasən həmin cəmiyyətin balansında olan BMC PROCİTY AVTOBUS markalı avtobusların siyahısından görünür ki, xx.xx.2023-cü il tarixli həmin inzibati xətanı törətmiş ** JZ *** qeydiyyat nişanlı X1 tərəfindən idarə olunan həmin nəqliyyat vasitəsi məhz "xxxx" MMC-yə məxsusdur. Azərbaycan Respublikası İXM-nin 106.0.3, 106.0.4, 106.0.5 və 106.0.6-cı maddələrinin tələblərinə görə hakim inzibati xəta haqqında işi baxılmağa hazırlayarkən inzibati xəta haqqında protokolun və işin digər materiallarının bu Məcəllənin tələblərinə müvafiq olaraq tərtib edilib-edilmədiyini, işin icraatını rədd edən halların mövcud olubolmadığını, mahiyyəti üzrə baxılması üçün işdə kifayət qədər sübutların toplanıbtoplanmadığını və işə baxılmasının yeri və vaxtı barədə işdə iştirak edən şəxslərin məlumatlandırılıb-məlumatlandırılmadığını araşdırmalıdır. Həmin Məcəllənin 109.1.6-cı maddəsinə əsasən «protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması» barədə qərardad qəbul olunur. Təqdim olunmuş sənədlərdən görünür ki, inzibati xəta haqqında protokol qanunvericiliyin müddəalarına zidd tərtib edilmişdir. Göstərilənlərə əsasən inzibati xəta haqqında protokol və ona edilmiş sənədlər geri qaytarılmalıdır. Yuxarıda göstərilənlərə əsasən və Azərbaycan Respublikası İXM-nin 109, 118-ci maddələrini rəhbər tutaraq, QƏRARAALDİ: Bakı Nəqliyyat X2 Şəxsin Azərbaycan Respublikası İXM-nin 347-ci maddəsi ilə təqsirləndirilməsinə dair 13 aprel 2023-cü il tarixli İXP seriyalı ******* nömrəli inzibati xəta haqqında protokol və ona əlavə edilmiş sənədlər Suraxanı Rayon Polis İdarəsinə qaytarılsın. Hakim Namiq Kərimov