Bakı Şəhəri Suraxanı Rayon Məhkəməsi Qərar — İş №3(010)-2921/2025

Azərbaycan Respublikası adından QƏRAR Bakı şəhəri İş № 3(010)-2921/2025 18.08.2025 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Kərimov Namiq Həsrət oğlunun sədrliyi, Məhkəmə iclas katibi Cəmaləddinov Kamil Eldar oğlunun katibliyi, İnzibati xəta haqqında protokol tərtib etmiş şəxs Bakı şəhəri Suraxanı rayon İcra Şöbəsinin böyük icra məmuru X3, Borclu Şəxs, X1 iştirakı ilə, Şəxs barəsində Bakı şəhəri Suraxanı rayon İcra Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: 18 avqust 2025-ci il tarixdə Bakı şəhəri Suraxanı rayon İcra Şöbəsinin böyük icra məmuru X5 tərəfindən Bakı şəhər Suraxanı Rayon Məhkəməsinin 23 oktyabr 2024-cü il tarixli, 2(010)-5100/2024 nömrəli icra sənədini üzrsüz səbəbdən icra etməməsinə görə Şəxs barəsində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xəta törədilməsi haqqında protokol tərtib edilmişdir. İnzibati xəta törədilməsi haqqında protokol tərtib etmiş böyük icra məmuru X5 məhkəmədə bildirmişdir ki, Bakı şəhər Suraxanı Rayon Məhkəməsinin 23 oktyabr 2024-cü il tarixli, 2(010)-5100/2024 nömrəli icra vərəqəsi ilə Şəxs birgə nikahdan dünyaya gəlmiş övladları 07 fevral 2014-cü il təvəllüdlü X6 və 08 yanvar 2017-ci il təvəllüdlü X7 üçün 01 sentyabr 2024-cü il tarixindən etibarən hər ayın 1-dən 10-dək 250 manat ümumilikdə 500 manat sabit pul məbləğində aliment haqqını X2 adına olan bank hesabına ödəməyi öhdəsinə götürmüşdür. İcra sənədi Suraxanı rayon İcra Şöbəsinin icraatına daxil olmuşdur. İcraata başlamaq haqqında qərar qəbul edilərək borcluya 10 gün tələbin könüllü icrası üçün vaxt verilərək bildiriş təqdim edilmişdir. Suraxanı Rayon Məhkəməsinin 8(010)- 253/2025 nömrəli iş üzrə 04 aprel 2025-ci il tarixli qərardadı ilə borclunun ölkədən getmək hüququ müvəqqəti məhdudlaşdırılmışdır. Borclu borcunu tam olaraq ödəyə bilmir, hazırda 3.150 manat məbləğində qalıq borcu mövcuddur. Odur ki, borclu barəsində inzibati qaydada tədbir görülməsini məhkəmədən xahiş etmişdir. Məhkəmə iclasında borclu Şəxs izahatında bildirmişdir ki, o, icra sənədi üzrə ödənişdən qərəzli olaraq yayınmır və bu ayın sonuna qədər yenə ödəniş edəcəkdir. Gələn aydan da həmçinin hər ay ödəniş etməyə davam edəcəyinə söz verir. Odur ki, nəzərə alınmasını məhkəmədən xahiş edərək yazılı iltizamı məhkəməyə təqdim etmişdir. Məhkəmə iclasında tələbkar X8 borcludan tam məbləğin ödənilməsini xahiş etmişdir. İnzibati xəta haqqında işin materiallarını tədqiq edərək, proses iştirakçılarını dinləyərək, məhkəmə hesab edir ki, Şəxs əməlində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xətanın tərkibi olmadığına görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, iş materiallarında olan Bakı şəhər Suraxanı Rayon Məhkəməsinin 23 oktyabr 2024-cü il tarixli, 2(010)-5100/2024 nömrəli icra sənədi ilə Şəxs birgə nikahdan dünyaya gəlmiş övladları 07 fevral 2014-cü il təvəllüdlü X6 və 08 yanvar 2017-ci il təvəllüdlü X7 üçün 01 sentyabr 2024-cü il tarixindən etibarən hər ayın 1-dən 10-dək 250 manat ümumilikdə 500 manat sabit pul məbləğində aliment haqqını X2 adına olan bank hesabına ödəməyi öhdəsinə götürmüşdür. 18 avqust 2025-ci il tarixli, MN seriyalı, ******* nömrəli inzibati xəta haqqında protokoldan görünür ki, borclu Bakı şəhər Suraxanı Rayon Məhkəməsinin 23 oktyabr 2024-cü il tarixli, 2(010)-5100/2024 nömrəli icra sənədi üzrə icra məmurunun qanuni tələblərini yerinə yetirmir. Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə borclu Şəxs Bakı şəhər Suraxanı Rayon Məhkəməsinin 23 oktyabr 2024cü il tarixli, 2(010)-5100/2024 nömrəli icra sənədi üzrə yaranmış borcundan X1 qızının xeyrinə hissə-hissə gücü çatdığı qədər ödənişlər etdiyini nəzərə alaraq hesab edir ki, Şəxs borcunun azaldılması üçün real hərəkətlər etdiyi halda, maddi imkansızlıq ucbatından bir müddət icra sənədini icra edə bilməməsinə görə Şəxs əməlinin sözügedən icra sənədinin icrasından qərəzli olaraq boyun qaçırması kimi tövsif edilməsi və Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta tərkibinin bütün əlamətlərini daşıyan əməli (hərəkət və ya hərəkətsizliyi) törətmiş şəxs qismində təqsirli hesab edilməsi yol verilməzdir. Bununla da Şəxs Bakı şəhər Suraxanı Rayon Məhkəməsinin 23 oktyabr 2024-cü il tarixli, 2(010)-5100/2024 nömrəli icra vərəqəsini üzrsüz səbəbdən icra etməməsi sübuta yetirilmir. Beləliklə, işdə olan sübutlarla Şəxs əməlində inzibati xəta tərkibi olmadığı müəyyən edildiyindən onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İnzibati Xətalar Məcəlləsinin 114.1.4, 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 53.0 və 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilməlidir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 105.1, 114, 115, 128-130-cu maddələrini rəhbər tutaraq, QƏRARA ALDİM: Şəxs əməlində inzibati xəta tərkibi olmadığına görə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında işin icraatına xitam verilsin. Qərar təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon məhkəməsi vasitəsilə Bakı Apelyasiya Məhkəməsinə şikayət verilə bilər. Hakim Namiq Kərimov