Bakı Şəhəri Suraxanı Rayon Məhkəməsi Qərardad — İş №3(010)-308/2021

Azərbaycan Respublikası adından QƏRARDAD Bakı şəhəri İş № 3(010)-308/2021 09.02.2021 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu X1 ərizəsinə baxaraq, MÜƏYYƏN ETDİM: X2 barəsində olan inzibati xəta haqqında protokoldan ərizə verib. Hesab edirəm ki, ərizə aşağıda göstərilənlərə əsasən geri qaytarılmalıdır. Azərbaycan Respublikası İXM-nin 128.1-ci maddəsinə əsasən «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Beləliklə, müvafiq məzmunlu müraciət ərizə formasında deyil, şikayət formasında edilməlidir. Bununla yanaşı, şikayət inzibati xəta haqqında protokoldan deyil, inzibati xəta haqqında qərardan verilir. Məhkəməyə isə inzibati xəta haqqında protokolun yalnız ikinci vərəqi təqdim edilmiş, müvafiq qərar isə ümumiyyətlə təqdim olunmamışdır. Ona görə də qərarın mövcud olub-olmadığı (şikayətçinin məsuliyyətə cəlb edilməsi ilə bağlı qərarın qəbul edilib-edilmədiyi) sual doğurur. Yuxarıda göstərilənlərə əsasən, QƏRARA ALDİM: X1 ərizəsi geri qaytarılsın. Hakim Ceyhun Qədimov