Bakı Şəhəri Suraxanı Rayon Məhkəməsi Qərar — İş №3(010)-3136/2022

Azərbaycan Respublikası adından QƏRAR Bakı şəhəri İş № 3(010)-3136/2022 20.09.2022 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Mazanov Kamran Ramazan oğlunun katibliyi, barəsində inzibati xəta haqqında iş üzrə icraat aparılan hüquqi şəxs “ATEF Şirkətlər Qrupu" MMC-nin nümayəndəsi X1 iştirakı ilə Şəxs MMC-nin (hüquqi ünvanı: ünvan 1ikası İXM-nin 430.4-cü maddəsi ilə təqsirləndirilməsinə dair Azərbaycan Respublikasının Mərkəzi Bankından daxil olmuş inzibati xəta haqqında işə baxaraq, MÜƏYYƏN ETDİM: Azərbaycan Respublikasının Mərkəzi Bankı tərəfindən təqdim edilmiş 05 avqust 2022-ci il tarixli EP seriyalı ******* nömrəli inzibati xəta haqqında protokoldan, habelə inzibati xəta haqqında iş üzrə toplanmış digər materiallardan görünür ki, Şəxs MMC 65.465,00 ABŞ dolları məbləğində vəsaiti 21 iyul 2020-ci il tarixdə xaricə köçürmüş və 2 il müddət keçsə də, 40.765,00 ABŞ dolları məbləğində vəsait hesabına alınan malları (xidməti) ölkəyə idxal etməmiş, valyuta vəsaitini geri qaytarmamışdır. Xəta 22 iyul 2022-ci il tarixdə hüquqi şəxsin qeyd olunan ünvanında törədilmişdir. “ATEF Şirkətlər Qrupu”MMC-nin nümayəndəsi X2 işin məhkəmə baxışı inzibati xəta haqqında protokolda göstərilənlərlə qismən razılaşaraq bildirmişdir ki, MMC-nin 005SW**********9 saylı 21 iyul 2020-ci il tarixli 65.465,00 USD ödənişi 26 iyul 2022-ci il tarixində Mərkəzi Banka göndərilmişdir. MMC 15 avqust 2022-ci ildə **********7697, **********4571 saylı YGB-lər təqdim etmişdir. Ödənişin bir hissəsi bəyan olunub, qeyd edilən YGB-lər sıfırlanmışdır. 16 avqust 2022-ci il tarixinə ödənişdən qalan qalıq 17.240,20 ABŞ dolları təşkil edir. Azərbaycan Respublikası İXM-nin 430.4-cü maddəsi «Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə» məsuliyyət müəyyən edir. İXM-nin yuxarıda göstərilən maddəsində nəzərdə tutulan müddətlər “Azərbaycan Respublikasının rezident və qeyri-rezidentlərinin xarici valyuta əməliyyatlarının aparılması Qaydaları” ilə tənzimlənir. Bu Qaydalar Azərbaycan Respublikasının Mərkəzi Bankının İdarə Heyətinin 28 noyabr 2016-cı il tarixli 45/1 nömrəli qərarı ilə təsdiqlənib. Azərbaycan Respublikasının Mərkəzi Bankının 20 fevral 2020-ci il tarixli qərarı ilə yuxarıda göstərilən Qaydalara dəyişiklik edilərək 4.3.1.3-cü yarımbənd aşağıdakı redaksiyada verilmişdir: «qabaqcadan ödəniş aparıldıqda banka ödənişin təyinatını, şərtlərini və məbləğini əks etdirən sənəd təqdim edilir. Qabaqcadan ödəniş müqabilində malların ölkəyə idxalını (xidmətlərin göstərilməsini) təsdiq edən gömrük bəyannaməsi (xidmətlərin göstərilməsini təsdiq edən sənəd) banka təqdim olunmalıdır və ya xeyrinə qabaqcadan ödənişin edildiyi şəxs və ya üçüncü şəxs tərəfindən qabaqcadan ödənilmiş məbləğ geri qaytarılmalıdır. Müvafiq sənədlər ödənişin aparıldığı gündən ən geci 2 (iki) il müddətində banka təqdim edilmədikdə və ya qabaqcadan ödənilmiş məbləğ geri qaytarılmadıqda və bu zaman idxal edilməyən malların (göstərilməyən xidmətlərin) və ya geri qaytarılmayan məbləğin qalıq dəyəri 10.000 (on min) ABŞ dolları ekvivalenti məbləğindən çox olduqda, bank tərəfindən qabaqcadan ödəniş əməliyyatına dair bütün sənədlər 5 (beş) iş günü ərzində Azərbaycan Respublikasının Mərkəzi Bankına təqdim edilir». "xxxx" ASC tərəfindən Azərbaycan Respublikasının Mərkəzi Bankına ünvanlanan 26 iyul 2022-ci il tarixli məktubdan görünür ki, Şəxs MMC 40.765,00 ABŞ dolları məbləğində vəsait hesabına alınan malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi 720 gündən artıq müddət keçdiyinə baxmayaraq, banka təqdim etməmişdir. Şəxs MMC-nin məhkəməyə təqdim etdiyi gömrük bəyannamələindən və "xxxx" ASC-nin 17 avqust 2022-ci il tarixli məktubundan görünür ki, 16 avqust 2022-ci il tarixinə ödənişdən qalan qalıq pul 17.240,20 ABŞ dolları təşkil edir (YGB-lərdən görünür ki, qalan məbləğ hesabına alınmış mallar müvafiq olaraq 28 aprel və 04 iyul 2020-ci il tarixlərində ölkəyə idxal olunmuşlar). Azərbaycan Respublikası İXM-nin 31.3-cü maddəsinə əsasən «Hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır.” İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 40, 43, 114 – 117, 128 – 130-cu maddələrini rəhbər tutaraq, QƏRARA ALDİM: Şəxs MMC Azərbaycan Respublikası İXM-nin 430.4-cü maddəsi ilə təqsirli bilinərək inzibati xətanın obyekti olmuş valyuta vəsaitinin məbləği olan 17.240 (on yeddi min iki yüz qırx) ABŞ dolları 20 (iyirmi) ABŞ sent məbləğində pulun 25 (iyirmi beş) faizi, yəni 4.310 (dörd min üç yüz on) ABŞ dolları 05 (beş) ABŞ senti miqdarında cərimə edilsin. Qərardan təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsilə Bakı Apelyasiya Məhkəməsinə şikayət və ya protest verilə bilər. Hakim Ceyhun Qədimov