Bakı Şəhəri Suraxanı Rayon Məhkəməsi Qərar — İş №3(010)-3226/2022

Azərbaycan Respublikası adından QƏRAR Bakı şəhəri İş № 3(010)-3226/2022 19.08.2022 BAKI ŞƏHƏRİ SURAXANI RAYON MƏHKƏMƏSİ Hakim Rzayeva Nərminə Cahangir qızının sədrliyi, Cəfərova Səltənət Ələsgər qızının katibliyi, İnzibati xəta törətmiş şəxs Şəxs, İnzibati xəta haqqında protokolu tərtib etmiş Suraxanı rayon Polis İdarəsinin 32-cü Polis bölməsinin sahə rəisi X1, xx.xx.1979-cu ildə Ermənistan Respublikasında anadan olan, Azərbaycan Respublikası vətəndaşı, evli, orta təhsilli, ünvan 1 ünvanında qeydiyyatda olan yaşayan, Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə tərtib olunmuş inzibati xəta haqqında protokol üzrə inzibati xəta haqqında işə məhkəmənin binasında, açıq məhkəmə iclasında baxaraq M Ü Ə Y Y Ə N E T D İ: Şəxs xx.xx.2022-ci il tarixdə Bakı şəhəri, Suraxanı rayonu, Qaraçuxur qəsəbəsi, K.İsmayılov küçəsində narkotik vasitələrindən istifadə etdiyinə görə barəsində Azərbaycan Respublikası İXM-nin 206-cı maddəsi ilə protokollaşdırılıb, baxılması üçün məhkəməyə göndərilmişdir. Protokol tərtib etmiş Bakı şəhəri Suraxanı rayon Polis İdarəsinin 32-ci Polis bölməsinin sahə rəisi X2 məhkəməyə verdiyi izahatında bildirdi ki, xx.xx.2022-ci il tarixində Suraxanı RPl-nin 32-ci PB-nin əməliyyat müvəkkili polis polis kapitanı Rüfət Bünyatzadənin keçirilmiş əməliyyat axtarış tədbirləri nəticəsində Suraxanı rayonu Qaraçuxur qəsəbəsi K.İsmayılov küçəsində xx.xx.1979-cu il təvəllüdlü Şəxs narkotik vasitələrin istifadəsində şübhəli bilinərək 32-ci PB-nə gətirilmişlər. Araşdırma zamanı xx.xx.2022-ci il tarixində Narkotik-Sərxoşluq vəziyyətinin, Narkotik vasitələrin və psixotrop maddələrin istehlakı hallarının müəyyən edilməsi məqsədilə tibbi müayinədən keçirilməsi haqqında 3254 saylı akta və 4590 saylı Rəyə əsasən Şəxs sidiyindən OPİ(+) aşkar olunması göstərilmişdir. Sonda o, tərtib olunmuş protokolun təmin edilməsini xahiş etmişdir. Məhkəmədə inzibati tənbeh tətbiq edilən şəxs Şəxs özünü Аzərbaycan Respublikası İXM-nin 206-cı maddəsilə təqsirli bildi və izahatında göstərdi ki, o, həqiqətən də narkotik vasitə qəbul etmişdir. Axırıncı dəfə 4 gündən qabaq istifadə etmişdir. Sonda o, əməlindən peşmançılıq hissi keçirdiyini, elektrik vəzifəsində işlədiyini, günə 20 manat pul qazandığını, himayəsində yetkinlik yaşına çatmayan uşağının olduğunu bildirərək, barəsində daha yüngül cəza tətbiq edilməsini xahiş etmişdir. İnzibati tənbeh tətbiq edilən şəxs Şəxs əməli tərtib olunmuş inzibati xəta haqqında protokolla, ekspert rəyi və digər iş materialları ilə tam sübuta yetirilir. İş materiallarındakı xx.xx.2022-ci il tarixli cinayət işinin başlanılmasının rədd edilməsi haqqında qərardan görünür ki, xx.xx.2022-ci il tarixdə Suraxanı RPİ-nin 32-ci PB-nin əməliyyat müvəkkili polis kapitanı Rüfət Bünyatzadə xx.xx.2022-ci il tarixli raportu əsasında B.Həşimovun icraatıma daxil olmuş material əsasında aparılmış araşdırma zamanı xx.xx.1979-cu il təvəllüdlü vət. Şəxs sidiyindən MOP(+) AMP (+)və OP(+) qəbul etməsi faktı aşkar edilərək və həmin şəxsin əməllərində cinayət tərkibi olmadığından cinayət işinin başlanması rədd edilməsi və Şəxs Azərbaycan Respublikası İXM-nin 206-cı maddəsinin tələblərinə əsasən inzibati məsuliyyətə cəlb edilməsi, qərarın sürəti məlumat üçün ibtidai araşdırmaya prosessual rəhbərliyi həyata keçirən Suraxanı rayon Prokuroruna və ərizəçiyə göndərilməklə, qərarın icra olunması Suraxanı RPİ-nin 32-ci PB-nin aidiyyatı əməkdaşına həvalə ediməsi qərara alınmışdır. İş üzrə təyin edilmiş Azərbaycan Respublikası Səhiyyə Nazirliyi Respublika Narkoloji Mərkəzi Publik hüquqi şəxsi Ambulator Məcburi-Narkoloji tibbi yoxlamanın xx.xx.2022-ci il tarixli 4590 saylı rəyindən görünür ki, Şəxs psixotrop maddə metamfetaminin qəbulu nəticəsində asılılıq sindromu (narkomaniya xəstəliyi) aşkar olunur. Narkomaniyadan məcburi müalicəyə ehtiyacı vardır. Məcburi müalicəyə əks göstərişi yoxdur. Ərazi narkoloji dispanserində qeydiyyata alınamsı məsləhət görünür. Məhkəmə inzibati tənbeh tətbiq edilərkən xətanın xarakterini, inzibati xəta törədən şəxsin şəxsiyyətini, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halları nəzərə alır. Məhkəmədə inzibati tənbeh tətbiq edilən şəxs Şəxs əməlindən peşimançılıq hissi keçirməsini iş üzrə məsuliyyətini yüngülləşdirən hallar kimi qəbul edib qiymətləndirir, iş üzrə məsuliyyətini ağırlaşdıran hal müəyyən olunmadı. Bunlara əsasən məhkəmə hesab edir ki, inzibati tənbeh tətbiq edilən şəxs Şəxs həmin inzibati xəta əməli Azərbaycan Respublikası İXM-nin 206-cı maddəsi ilə düzgün tövsif olunmuşdur və o, həmin maddə ilə təqsirli bilinərək, maddənin sanksiyası həddində inzibati qaydada cərimə edilməklə cəzalandırılmalıdır. Qeyd olunanlara əsasən Аzərbaycan Рespublikası İXM-nin 40, 43, 49-51, 114- 115, 117 və 206-cı maddələrini rəhbər tutub, QƏRARA A L D İ: Şəxs Azərbaycan Respublikası İnzibati Xətalar Məcəlləsinin 206-cı maddəsi ilə təqsirli bilinsin və o, 300 (üç yüz) manat inzibati qaydada cərimə edilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Suraxanı Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və protesti verilə bilər. Hakim: Nərminə Rzayeva