Bakı Şəhəri Suraxanı Rayon Məhkəməsi Qərar — İş №3(010)-3325/2022

Azərbaycan Respublikası adından QƏRAR Bakı şəhəri İş № 3(010)-3325/2022 30.08.2022 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Mazanov Kamran Ramazan oğlunun katibliyi, zərərçəkmiş şəxs X1 iştirakı ilə xx xxxxx 1979-cu ildə Bakı şəhərində doğulmuş, Azərbaycan Respublikasının vətəndaşı, orta təhsilli, evli, 23 nömrəli poliklinikada gözətçi işləyən, ünvan 1 ünvanı üzrə qeydiyyatda olan, ünvan 2 ünvanında yaşayan Şəxs Azərbaycan Respublikası İXM-nin 157-ci maddəsi ilə təqsirləndirilməsinə dair inzibati xəta haqqında işə baxaraq, MÜƏYYƏN ETDİM: Suraxanı Rayon Polis İdarəsinin 32-ci PB tərəfindən məhkəməyə təqdim olunmuş 30 avqust 2022-ci il tarixli MN seriyalı ******* nömrəli inzibati xəta haqqında protokoldan, ona əlavə edilmiş sənədlərdən, o cümlədən Suraxanı Rayon Polis İdarəsinin 30-cu polis şöbəsinin təhqiqatçısının 18 avqust 2022-ci il tarixli qərarından görünür ki, Şəxs 04 avqust 2022-ci ildə saat 10 – 11 radələrində arvadı X2 aralarında yaranmış mübahisə zəminində qəsdən döyərək ona sağlamlığa zərər vurma kimi qiymətləndirilməyən xəsarətlər yetirmişdir. Şəxs yuxarıda təsvir olunmuş inzibati xətanı törətməkdə özünü təqsirli bilməyərək qeyd etmişdir ki, o, arvadı X2 döyməyib. Göstərilənlərə əsasən barəsində olan inzibati xəta haqqında materiala xitam verilməsini məhkəmədən xahiş edir. Zərərçəkmiş şəxs qismində dindirilmiş X3 bildirmişdir ki, Şəxs onun əridir. ünvan 2 ünvanında yaşayırdılar. 04 avqust 2022-ci ildə saat 10 – 11 radələrində yaşadıqları evdə olan zaman Şəxs ona nəyə görə atasının yas mərasimində ailə üzvləri ilə görüşmədiyini soruşmuş, bu zəmində aralarında münaqişə yaranmış, həmin münaqişə vaxtı Məmməd onu əli ilə başına və qollarına vuraraq xəsarətlər yetirmişdir. Qeyd edir ki, əvvəllər də Məmməd ona qarşı zorakı hərəkətlər edib. Barəsində inzibati xəta haqqında iş üzrə icraat aparılan şəxslə barışmayıb. Göstərilənləri nəzərə alaraq ona qanunla nəzərdə tutulmuş ən ağır tənbeh tətbiq olunmasını xahiş edir. Barəsində inzibati xəta haqqında iş üzrə icraat aparılan şəxsin müvafiq inzibati xətanı törətməsi faktı zərərçəkmiş şəxsin ifadəsi ilə yanaşı, iş üzrə toplanmış digər sübutlarla da təsdiq olunur. 08 avqust 2022-ci il tarixli 929 nömrəli ekspert rəyinin nəticəvi hissəsində qeyd olunur ki, X1 “bədən səthində aşkar edilmiş xəsarətlər – hər iki bazunun, sol qulaqönü və sol gicgah nahiyələrinin qançırı. Qeyd edilən xəsarətlər bərk küt əşyanın (əşyaların) təsirindən törənmişlər, qərarda qeyd edilən şəraitdə və müddətdə, yəni xx.xx.2022-ci il tarixdə əmələ gələ bilər və sağlamlığa zərər vurmayan xəsarətlər olduqları üçün dərəcələri təyin edilmir”. Beləliklə, iş üzrə toplanmış sübutların cəminə hüquqi qiymət verərək hesab edirəm ki, Şəxs Azərbaycan Respublikası İXM-nin 157-ci maddəsində nəzərdə tutulmuş inzibati xətanı törətmişdir. Ona görə də barəsində inzibati xəta haqqında iş üzrə icraat aparılan şəxs həmin maddə ilə təqsirli bilinərək məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən «Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». İş üzrə məsuliyyəti yüngülləşdirən və ağırlaşdıran hal müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İXM-nin 157-ci maddəsi ilə təqsirli bilinərək barəsində 20 (iyirmi) gün müddətinə inzibati həbs tətbiq edilsin. Həbs etmənin əvvəli 30 avqust 2022-ci il saat 14.30-dan hesablansın. Qərarın surəti təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Hakim Ceyhun Qədimov