Bakı Şəhəri Suraxanı Rayon Məhkəməsi Qərar — İş №3(010)-3353/2024

Azərbaycan Respublikası adından QƏRAR Bakı şəhəri İş № 3(010)-3353/2024 25.07.2024 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı rayon Məhkəməsinin hakimi Muradov Pərviz Namiq oğlunun sədrliyi, məhkəmə iclas katibi Qənbərov Rüstəm İmamverdi oğlunun katibliyi ilə, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxslər Zərərçəkmiş şəxs1 və Zərərçəkmiş şəxs2 iştirakları ilə, xx xxxxxx 1981-ci ildə Zaqatala rayonunda anadan olmuş, Azərbaycan Respublikasının vətəndaşı, FİN: xxxxxxx, evli, orta təhsilli, fərdi əməklə məşğul olan, ünvan 1 ünvanında qeydiyyatda olmaqla həmin ünvanda yaşayan, Şəxs barəsində Azərbaycan Respublikası İXM-nin 327.8-ci maddəsi ilə Bakı şəhəri Suraxanı rayon Polis İdarəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Şəxs 26 may 2024-cü il tarixdə saat 13 radələrində idarə etdiyi “Mercedes Benz E 350” markalı, **-LE-*** dövlət qeydiyyat nişanlı avtomobil ilə Suraxanı rayonu Zığ qəsəbəsi istiqamətindən Xəzər rayonu, Türkan qəsəbəsi istiqamətinə yol eninin sol hərəkət hissəsində saatda 70 km/saat sürətlə hərəkət etdiyi zaman arxadan eyni hərəkət zolağı ilə hərəkət etmiş bir avtomobil idarə etdiyi avtomobili ötmək istədiyi üçün o avtomobili sağ hərəkət hissəsinə istiqamətləndirmiş və qarşısında sağ hərəkət hissəsində sağa dönmək istəyən "Hyundai" markalı avtomobil anidən əyləcə basaraq sürəti azaltmış və idarə etdiyi avtomobil həmin "Hyundai” markalı avtomobilin sol arxa təkəri ilə toqquşmuş, toqquşma nəticəsində '‘Hyundai Tucson' markalı avtomobilin sürücüsü Zərərçəkmiş şəxs2 və həmin avtomobildə sərnişin qismində olan Zərərçəkmiş şəxs1 yüngül dərəcəli bədən xəsarətləri almışlar. Bakı şəhər Suraxanı rayon Polis İdarəsinin Təhqiqat Şöbəsinin təhqiqatçısı, polis mayoru X1 cinayət işinin başlanmasının rədd edilməsi haqqında 04 iyun 2024-cü il tarixli qərarı ilə toplanmış material üzrə Azərbaycan Respublikası CM-nin 263.1-ci maddəsi ilə cinayət təqibinin başlanması Azərbaycan Respublikası CPM-nin 39.1.2-ci maddəsinə əsasən rədd olunmuşdur. Material üzrə qəbul edilmiş qərarın surəti Şəxs törətdiyi əməl nəticəsində zərərçəkmiş şəxslərin yüngül dərəcəli bədən xəsarəti almaları faktına görə Azərbaycan Respublikası İXM-nin 327.8-ci ilə inzibati məsuliyyətə cəlb edilməsi üçün Bakı şəhəri Suraxanı rayon Polis İdarəsinin Dövlət X4 göndərilmişdir. Məhkəmə iclasında barəsində inzibati xəta haqqında protokol tərtib olunmuş Şəxs izahat verərək bildirmişdir ki, 26 may 2024-cü il tarixdə saat 13 radələrində idarə etdiyi “Mercedes Benz E 350" markalı, **-LE-*** dövlət qeydiyyat nişanlı avtomobil ilə Suraxanı rayonu Zığ qəsəbəsi istiqamətindən Xəzər rayonu, Türkan qəsəbəsi istiqamətinə yol eninin sol hərəkət hissəsində saatda 70 km/saat sürətlə hərəkət etdiyi zaman arxa eyni hərəkət zolağı ilə hərəkət etmiş bir avtomobil idarə etdiyi avtomobili ötmək istədiyi üçün o avtomobili sağ hərəkət hissəsinə istiqamətləndirmiş və qarşısında sağ hərəkət hissəsində sağa dönmək istəyən “Hyundai" markalı avtomobil anidən əyləcə basaraq sürəti azaltmış və idarə etdiyi avtomobil "Hyundai" markalı avtomobilin sol arxa təkəri ilə toqquşmuşdur. Toqquşma nəticəsində özü xəsarət almamışdır. Avtomobili idarə etmək üçün bütün lazımı sənədləri qaydasındadır. Hadisə zamanı idarə etdiyi avtomobil texniki cəhətdən saz vəziyyətdə və yüksüz olmuş, hava aydın yol isə asfalt örtüklü və quru olmuşdur. Hadisə zamanı sərxoş olmamışdır. İlk dəfədir ki, İXM-nin 327.8-ci maddəsi ilə məsuliyyətə cəlb olunur, zərərçəkmiş şəxslərə dəymiş ziyan sığorta tərəfindən qarşılanacaq. Sonda Şəxs etdiyi əməldən peşman olduğunu və məhkəmədən barəsində yüngül həddə inzibati tənbeh tətbiq edilməsini xahiş etdi. Məhkəmə iclasında Zərərçəkmiş şəxs2 izahat verərək bildirmişdir ki, 26 may 2024cü il tarixdə saat 13 radələrində idarə etdiyi “Hyundai Tucson” markalı, **-TG-*** dövlət qeydiyyat nişanlı avtomobil ilə Suraxanı rayonu Zığ qəsəbəsi istiqamətindən Xəzər rayonu, Türkan qəsəbəsi istiqamətinə yol eninin sağ hərəkət hissəsində saatda təxminən 70 km/saat sürətlə hərəkət etdiyi zaman anidən arxadan eyni hərəkət zolağı ilə yüksək sürətlə hərəkət etmiş “Mercedes Benz” markalı avtomobil idarə etdiyi avtomobilin sol arxa təkər hissəsi ilə toqquşmuşdur. Toqquşma nəticəsində o, və avtomobildə sərnişin qismində olan anası xəsarət almışlar. Avtomobildə arxa oturacaqda olan sərnişinlər xəsarət almamışlar. O, xəsarət aldığı üçün “X2” müraciət etmişdir. Orada müayinə olunduqdan sonra evə buraxılmışdır. Avtomobili idarə etmək üçün bütün lazımı sənədləri qaydasındadır. Hadisə zamanı idarə etdiyi avtomobil texniki cəhətdən saz vəziyyətdə olmuş, hava aydın, yol asfalt örtüklü və quru olmuşdur. Hadisə zamanı sərxoş olmamışdır. Şəxs ilə danışıq zamanı sığorta tərəfindən ona, anasına və avtomobilinə dəymiş ziyanın tam olaraq ödəniləcəyini bilmişdir. Odur ki, qərarın qəbul edilməsini məhkəmənin mülahizəsinə buraxmışdır. Məhkəmə iclasında Zərərçəkmiş şəxs1 izahat verərək bildirmişdir ki, 26 may 2024cü il tarixdə qızının idarə etdiyi “Hyundai” markalı avtomobilə sərnişin qismində ön oturacaqda əyləşmişdir. Onlar “Hyundai Tucson” markalı, **-TG-*** dövlət qeydiyyat nişanlı avtomobil ilə Suraxanı rayonu Zığ qəsəbəsi istiqamətindən Xəzər rayonu, Türkan qəsəbəsi istiqamətində hərəkətdə olduqları zaman anidən arxa hərəkət zolağından yüksək sürətlə hərəkət etmiş “Mercedes Benz” markalı avtomobil qızı Zərərçəkmiş şəxs2 idarə etdiyi avtomobilin sol arxa təkər hissəsi ilə toqquşmuşdur. Toqquşma nəticəsində hər ikisi yüngül bədən xəsarəti almışlar. Bakı şəhəri Suraxanı rayon Polis İdarəsinə məhkəmə iclasının vaxtı və yeri haqqında bildiriş göndərilməsinə baxmayaraq, səlahiyyətli nümayəndənin məhkəmə iclasında iştirakı təmin edilməmiş, nümayəndənin məhkəməyə gəlməməsinin səbəbi və mümkünsüzlüyü bildirilməmiş, bu barədə sübutlar təqdim edilməmiş və işə baxılmasının təxirə salınması barədə vəsatət verilməmişdir. Məhkəmə, Bakı şəhəri Suraxanı rayon Polis İdarəsinin nümayəndəsinin iştirakı olmadan işə baxılmasını mümkün hesab edir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsi və zərərçəkmiş şəxsləri dinləyərək, məhkəmə hesab edir ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq, Azərbaycan Respublikası İnzibati Xətalar Məcəlləsinin 327.8-ci maddəsi ilə tövsif olunmuşdur. Azərbaycan Respublikası İXM-nin 43.1-ci maddəsinə əsasən həmin Məcəllənin 327.8-ci maddəsi ilə bağlı işlərə baxılması rayon (şəhər) məhkəmələrinin səlahiyyətinə aid edilmişdir. Belə ki, iş materiallarında olan canlı şəxsin ekspertizasının 03 iyun 2024-cü il tarixli 383 saylı rəyindən görünür ki, Zərərçəkmiş şəxs1 bədəni üzərində müəyyən edilmiş xəsarətlər sağ yanaq və sağ çənə şaxəsini əhatə edən yumşaq toxumanın hematoması və sıyrıqları, burunun və sağ bazunun qançırları bərk küt əşyanın (əşyaların) təsirindən törənmişdir, qərarda göstərilmiş xx.xx.2024-cü il tarixdə yol-nəqliyyat hadisəsi şəraitində sərnişini olduğu avtomaşını digər avtomaşının vurması nəticəsində törənə bilər, dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aid edilir. İş materiallarında olan canlı şəxsin ekspertizasının 04 iyun 2024-cü il tarixli 376 saylı rəyindən görünür ki, Zərərçəkmiş şəxs2 bədəni üzərində müəyyən edilmiş xəsarətlər sol bazu oynağı ətrafında hissəvi hərəkət məhdudiyyəti ilə müşayiət olunan sol bazu oynağını əhatə edən yumşaq toxumanın hematoması, sol bazunun yuxarı-orta və aşağı 1/3-nin arxa səthinin yumşaq toxumasının hematoması və çoxsaylı sıyrıqları bərk küt əşyanın (əşyaların) təsirindən törənmişdir, qərarda göstərilmiş xx.xx.2024-cü il tarixdə yol-nəqliyyat hadisəsi şəraitində sürücüsü olduğu avtomaşını digər avtomaşının vurması nəticəsində törənə bilər, dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa yüngül zərər vurmaya aid edilir. İş materiallarında olan yol-nəqliyyat hadisəsi sxemindən görünür ki, yol-nəqliyyat hadisəsi Zərərçəkmiş şəxs2 idarə etdiyi avtomobilin olduğu cərgədə baş vermişdir. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariyaepidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə görə inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh olunur. Həmin Məcəllənin 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İş üzrə sübutlar qismində barəsində inzibati xəta haqqında protokol tərtib etmiş Şəxs, zərərçəkmiş şəxslər Zərərçəkmiş şəxs1, Zərərçəkmiş şəxs2 izahatları, hər iki məhkəmə tibbi ekspertizaların rəyləri, yol-nəqliyyat hadisəsi sxemi, iş materialına əlavə edilmiş digər sənədlər ilə Şəxs əməli kifayət qədər sübuta yetirilmişdir. Barəsində inzibati xəta haqqında protokol tərtib edilmiş Şəxs əməlinin inzibati xəta olmasını aradan qaldıran hallar məhkəmədə müəyyən edilməmişdir. İXM-nin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İnzibati Xətalar Məcəlləsinin 25-ci maddəsinə əsasən inzibati cərimə bu Məcəllədə nəzərdə tutulmuş hallarda səlahiyyətli orqan (vəzifəli şəxs) tərəfindən təyin edilən və təqsirkar şəxsdən dövlətin xeyrinə məcburi tutulan pul məbləğidir. Azərbaycan Respublikası İnzibati Xətalar Məcəlləsinin 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə üç yüz manat məbləğində cərimə edilir və ya nəqliyyat vasitəsini idarə etmək hüququ аltı аydаn bir ilədək müddətə məhdudlaşdırılır. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, yaşını, onun təqsirinin dərəcəsini, hadisənin ehtiyatsızlıqdan törədilməsini, əvvəllər eyni maddə ilə barəsində inzibati xəta haqqında protokolun olmamasını, əməldən səmimi peşimançığını və əmlak vəziyyətini nəzərə alır. Törətdiyi əməldən səmimi peşman olmasını və iki azyaşlı övladının olmasını məhkəmə İXM-nin 32.1.1 və 32.2-ci maddələrinə əsasən Şəxs məsuliyyətini yüngülləşdirən hallar hesab edir. İş üzrə Şəxs İXM-nin 33-cü maddəsinə əsasən məsuliyyətini ağırlaşdıran hal müəyyən olunmamışdır. Məhkəmə işin hallarını nəzərə alaraq, hesab edir ki, Şəxs Azərbaycan Respublikası İnzibati Xətalar Məcəlləsinin 327.8-ci maddəsində müəyyən edilmiş sanksiya çərçivəsində cərimə növündə inzibati tənbeh tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 111, 114, 115, 128-130-cu maddələrini rəhbər tutaraq, məhkəmə QƏRARA ALDİ: xx xxxxxx 1981-ci ildə Zaqatala rayonunda anadan olmuş, Azərbaycan Respublikasının vətəndaşı, FİN: xxxxxxx, evli, orta təhsilli, fərdi əməklə məşğul olan, ünvan 1 ünvanında qeydiyyatda olmaqla həmin ünvanda yaşayan Şəxs Azərbaycan Respublikası İnzibati Xətalar Məcəlləsinin 327.8-ci maddəsi ilə nəzərdə tutulmuş inzibati xətanın törədilməsində təqsirli bilinsin və onun barəsində 300 (üç yüz) manat məbləğində inzibati cərimə tətbiq edilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Pərviz Muradov