Bakı Şəhəri Suraxanı Rayon Məhkəməsi Qərardad — İş №3(010)-3757/2025

Azərbaycan Respublikası adından QƏRARDAD Bakı şəhəri İş № 3(010)-3757/2025 17.09.2025 BAKI ŞƏHƏRİ SURAXANI RAYON MƏHKƏMƏSİ Bakı şəhəri, Suraxanı Rayon Məhkəməsinin inzibati binası Mən – Suraxanı Rayon Məhkəməsinin hakimi Kərimov Namiq Həsrət oğlu X2 şikayət ərizəsinə baxaraq, M Ü Ə Y Y Ə N E T D İ M: İnzibati tənbeh vermə haqqında 16 sentyabr 2025-ci il tarixli, EQ seriyalı 30724503 nömrəli elektron qərarı ilə X3 İXM-nin 327.1-1-ci maddəsi ilə təqsirli bilinərək 100 manat məbləğində cərimə edilmişdir. «Şikayət ərizəsi»ni və ona əlavə edilmiş sənədləri nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Azərbaycan Respublikası İXM-nin 128.1-ci maddəsinə əsasən «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Azərbaycan Respublikası İXM-nin 132.1.2-ci maddələrinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Belə ki, X1 olaraq tələbi nədən ibarət olduğu şikayət ərizəsində göstərməmişdir. Bununla da X2 şikayət ərizəsində məhkəməyə irəli sürdüyü tələb natamamdır. Ona görə də müvafiq şikayətə Azərbaycan Respublikası İXM ilə müəyyən edilmiş qaydalara uyğun formada baxıla bilməz. Yuxarıda göstərilənlərə əsasən, Q Ə R A R A A L D İ M: X2 şikayət ərizəsi geri qaytarılsın. Hakim Namiq Kərimov