Bakı Şəhəri Suraxanı Rayon Məhkəməsi Qərar — İş №3(010)-394/2025

Azərbaycan Respublikası adından QƏRAR Bakı şəhəri İş № 3(010)-394/2025 23.01.2025 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Kərimov Namiq Həsrət oğlunun sədrliyi, Məhkəmə iclas katibi Hacıyev Gündüz Nizami oğlunun katibliyi, İnzibati xəta haqqında protokol tərtib etmiş şəxs Bakı şəhəri Suraxanı rayon İcra Şöbəsinin icra məmuru X4, Borclu Şəxs, X1 iştirakı ilə, Şəxs barəsində Bakı şəhəri Suraxanı rayon İcra Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ: 23 yanvar 2024-cü il tarixdə Bakı şəhəri Suraxanı rayon İcra Şöbəsinin icra məmuru X7 tərəfindən Bakı şəhər Suraxanı Rayon Məhkəməsinin 16 iyun 2023-cü il tarixli, 2(010)- 1056/2023 nömrəli qətnaməsinə dair 23 avqust 2023-cü il tarixli icra sənədini üzrsüz səbəbdən icra etməməsinə görə Şəxs barəsində Azərbaycan Respublikası İXM-nin 528.1ci maddəsi ilə nəzərdə tutulmuş inzibati xəta törədilməsi haqqında protokol tərtib edilmişdir. İnzibati xəta törədilməsi haqqında protokol tərtib etmiş icra məmuru X7 məhkəmədə bildirmişdir ki, Bakı şəhər Suraxanı Rayon Məhkəməsinin 16 iyun 2023-cü il tarixli, 2(010)- 1056/2023 nömrəli qətnaməsi ilə cavabdeh Şəxs 5250 manat məbləğində kompensasiya tutularaq iddiaçı X3 ödənilməklə, iddiaçı X2 Bakı şəhəri, Suraxanı rayonu, Hövsan qəsəbəsi, ünvan 1 ünvanında yerləşən mənzil üzərindəki 1/8 hissədə payı cavabdeh Şəxs xeyrinə ayrılması və ödənilmiş 72,5 manat məbləğində dövlət rüsumu cavabdeh Şəxs tutularaq iddiaçı X3 ödənilməsi qət edilmişdir. Borclu borcunu tam olaraq ödəyə bilmir, hazırda 5250 manat məbləğində kompensasiya borcundan 2000 manat məbləğində qalıq borcu və 72,5 manat məbləğində dövlət rüsumu mövcuddur. Odur ki, borclu barəsində inzibati qaydada tədbir görülməsini xahiş etmişdir. Məhkəmə iclasında borclu Şəxs izahatında bildirmişdir ki, o, icra sənədinin icrasından yayınmır və hər ay hissə-hissə gücü çatdığı qədər də ödənişlər edir. Odur ki, inzibati protokola xitam verilməsini xahiş etmişdir. Məhkəmə iclasında tələbkar X5 pulu hissə-hissə qəbul etmədiyini, borclunun maddi imkanının yaxşı olduğunu, borcludan tam məbləğin ödənilməsini xahiş etmişdir. İnzibati xəta haqqında işin materiallarını tədqiq edərək, proses iştirakçılarını dinləyərək, məhkəmə hesab edir ki, Şəxs əməlində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xətanın tərkibi olmadığına görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, iş materiallarında olan Bakı şəhər Suraxanı Rayon Məhkəməsinin 16 iyun 2023-cü il tarixli, 2(010)-1056/2023 nömrəli qətnaməsi ilə cavabdeh Şəxs 5250 manat məbləğində kompensasiya tutularaq iddiaçı X3 ödənilməklə, iddiaçı X2 Bakı şəhəri, Suraxanı rayonu, Hövsan qəsəbəsi, ünvan 1 ünvanında yerləşən mənzil üzərindəki 1/8 hissədə payı cavabdeh Şəxs xeyrinə ayrılması və ödənilmiş 72,5 manat məbləğində dövlət rüsumu cavabdeh Şəxs tutularaq iddiaçı X3 ödənilməsi qət edilmişdir. 23 yanvar 2025-ci il tarixli, MN seriyalı, ******* nömrəli inzibati xəta haqqında protokoldan görünür ki, Bakı şəhər Suraxanı Rayon Məhkəməsinin 16 iyun 2023-cü il tarixli, 2(010)- 1056/2023 nömrəli qətnaməsinə dair 23 avqust 2023-cü il tarixli icra sənədinə dair icra məmurunun qanuni tələblərini yerinə yetirmir. Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə borclu Şəxs Bakı şəhər Suraxanı Rayon Məhkəməsinin 16 iyun 2023-cü il tarixli, 2(010)-1056/2023 nömrəli qətnaməsinə dair 23 avqust 2023-cü il tarixli icra sənədi üzrə yaranmış borcundan icra sənədi üzrə X1 xeyrinə 3250 manat ödədiyini və hissəhissə gücü çatdığı qədər ödənişlər etdiyini nəzərə alaraq hesab edir ki, Şəxs borcunun azaldılması üçün real hərəkətlər etdiyi halda, maddi imkansızlıq ucbatından bir müddət icra sənədini icra edə bilməməsinə görə Şəxs əməlinin sözügedən icra sənədinin icrasından qərəzli olaraq boyun qaçırması kimi tövsif edilməsi və Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta tərkibinin bütün əlamətlərini daşıyan əməli (hərəkət və ya hərəkətsizliyi) törətmiş şəxs qismində təqsirli hesab edilməsi yol verilməzdir. Bununla da Şəxs Bakı şəhər Suraxanı Rayon Məhkəməsinin 16 iyun 2023-cü il tarixli, 2(010)-1056/2023 nömrəli qətnaməsinə dair 23 avqust 2023-cü il tarixli icra sənədini üzrsüz səbəbdən icra etməməsi sübuta yetirilmir. Beləliklə, işdə olan sübutlarla Şəxs əməlində inzibati xəta tərkibi olmadığı müəyyən edildiyindən onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İnzibati Xətalar Məcəlləsinin 114.1.4, 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 53.0 və 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilməlidir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 105.1, 114, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs əməlində inzibati xəta tərkibi olmadığına görə Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon məhkəməsi vasitəsilə Bakı Apelyasiya Məhkəməsinə şikayət verilə bilər. Hakim Namiq Kərimov