Bakı Şəhəri Suraxanı Rayon Məhkəməsi Qərar — İş №3(010)-4171/2024

Azərbaycan Respublikası adından QƏRAR Bakı şəhəri İş № 3(010)-4171/2024 02.10.2024 BAKI ŞƏHƏRİ SURAXANI RAYON MƏHKƏMƏSİ Bakı şəhəri, Suraxanı Rayon Məhkəməsinin inzibati binası Suraxanı Rayon Məhkəməsinin hakimi Rzayeva Nərminə Cahangir qızının, X25 katibliyi, Barəsində inzibati xəta haqqında protokol tərtib edilmiş hüquqi şəxs Şəxs MMC-nin etibarnamə üzrə nümayəndəsi və vəkili Vəkil iştirakı ilə, Şəxs MMC-nin Azərbaycan Respublikası İXM-nin 192.1-ci maddəsi ilə təqsirləndirilməsi ilə bağlı Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinin Bakı Şəhər İdarəsindən daxil olmuş inzibati xəta haqqında işə baxaraq, MÜƏYYƏN ETDİ: Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinin Bakı Şəhər İdarəsi tərəfindən Azərbaycan Respublikası İnzibati Xətalar Məcəlləsinin 192.1-ci maddəsinə əsasən Şəxs MMC (VÖEN **********) barəsində tərtib olunmuş inzibati material, baxılması üçün Suraxanı Rayon Məhkəməsinə göndərilmişdir. Bakı şəhəri Suraxanı Rayon Məhkəməsinin 3(010)-2127/2024 saylı, xx.xx.2024-cü il tarixli qərarı ilə Şəxs MMC-nin (VÖEN **********) Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş inzibati xətanı törətməsi barədə başlanmış inzibati icraata əməldə inzibati xəta tərkibi olmadığı üçün xitam verilməsi qərara alınmışdır. Bakı Apelyasiya Məhkəməsinin 3(103)-1381/2024 saylı, xx.xx.2024-cü il tarixli qərarı ilə Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidməti tərəfindən apellyasiya qaydasında verilmiş şikayət qismən təmin edilməsi, Bakı şəhəri Suraxanı Rayon Məhkəməsinin xx.xx.20254-cü il tarixli, 3(010)-2127/2024 saylı nömrəli qərarı ləğv edilməsi və iş əlavə araşdırmanın aparılması üçün Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinə qaytarılması qərara alınmışdır. Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinin Bakı Şəhər İdarəsi tərəfindən 05 sentyabr 2024-cü il tarixdə Azərbaycan Respublikası İnzibati Xətalar Məcəlləsinin 192.1-ci maddəsinə əsasən Şəxs MMC (VÖEN **********) barəsində tərtib olunmuş inzibati material, baxılması üçün yenidən Suraxanı Rayon Məhkəməsinə göndərilmişdir. İş materiallarında olan 24 aprel 2024-cü il tarixdə tərtib olunmuş MN seriyalı ******* nömrəli inzibati xəta haqqında protokoldan görünür ki, vətəndaşlar X13 06 noyabr 2023cü il, X14 07 noyabr 2023-cü il, X28 23 noyabr 2023-cü il X8 09 dekabr 2023-cü il, X15 09 dekabr 2023-cü il, X10 09 dekabr 2023-cü il, X19 10 dekabr 2023-cü il, X11 10 dekabr 2023-cü il və X16 10 dekabr 2023-cü il tarixindən 26 dekabr 2023-cü il tarixinədək Azərbaycan Respublikası Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən hər hansı işlərin yerinə gətirilməsinə cəlb edilmişdirlər. Protokolda qeyd olunur ki, nəticədə Şəxs MMC Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş inzibati xəta törətmişdir. Bu fakt toplanmış materiallar ilə təsdiq edilir. Məhkəmə iclasında iştirak edən barəsində inzibati xəta haqqında protokol tərtib edilmiş hüquqi şəxs Şəxs MMC-nin etibarnamə üzrə nümayəndəsi və vəkili Vəkil əvvəlki məhkəmə iclaslarında vermiş olduğu izahatı təsdiq etdiyini, Apellyasiya Məhkəməsinin qərarından sonra Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidməti tərəfindən hər hansı araşdırılma aparılmamış, iş materiallarını kserokopiya edərək yenidən məhkəməyə baxılmaq üçün göndərildiyini bildirərək, inzibati xəta haqqında iş üzrə icraata xitam verilməsini məhkəmədən xahiş etdi. Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinin Bakı Şəhər İdarəsinə və inzibati xəta haqqında protokolu tərtib etmiş şəxs X23 Xidmətinin Bakı Şəhər İdarəsinin əmək müfəttişi X12 məhkəmə iclasının vaxtı və yeri haqqında məlumat verilməsinə baxmayaraq, Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinin Bakı Şəhər İdarəsinin nümayəndəsi və S.Qalayeva məhkəmə iclasında iştirak etməmişlər. Bundan başqa inzibati xəta haqqında protokolu tərtib etmiş şəxs X23 Xidmətinin Bakı Şəhər İdarəsinin əmək müfəttişi X20 ümumiyyətlə məhkəmə iclasına gəlməkdən imtina etmişdir. İş materiallarında olan X21 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X8 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X10 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X17 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X18 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X11 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X19 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. İş materiallarında olan X14 tərəfindən verilmiş 14 may 2024-cü il tarixli notarial qaydada təsdiq edilmiş ərizədən görünür ki, o, Şəxs MMC ilə onun arasında rəsmi və faktiki olaraq heç bir əmək münasibəti olmadığını azad iradəsi ilə və aşağıdakı imza ilə təsdiq etdiyini bildirmişdir. Məhkəmə iş materiallarını araşdıraraq, belə hesab edir ki, Şəxs MMC barəsində başlanılmış inzibati xəta haqqında iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Göründüyü kimi əməlin (hərəkət və ya hərəkətsizliyin) inzibati xəta hesab olunması əlamətlərindən biri onun hüquqazidd olmasıdır. Hüquqazidd əməl o əməl sayılır ki, həmin əməl (hərəkət və ya hərəkətsizlik) nəticəsində hüquq pozuntusu baş versin. Qanunvericilikdə hüquq pozuntusunun konkret əlamətləri müəyyən edilir ki, bu da onu insanların törətdiyi digər cəmiyyətə zidd əməllərdən (məsələn, qanunla cəzalandırılmayan qeyri-əxlaqi hərəkətlərdən) fərqləndirməyə imkan verir. Hüquq pozuntusunun bir neçə əlamətləri var və həmin əlamətlərdən biri hüquq normasındakı göstərişlərin yerinə yetirilməməsi və ya lazımi qaydada yerinə yetirilməməsi ilə əlaqədar olan əməllər hesab edilir. Ona görə də hüquq pozuntusunun ən vacib əlaməti onun hüquqazidd olmasıdır. Qanunun tələblərindən uzaqlaşmaq, konkret hüquqi vəzifələri yerinə yetirməmək, hüquqdan onun təyinatına zidd olaraq (hüquqdan sui-istifadə) istifadə etmək və s. əməllər hüquqa-zidd əlamətləri əks etdirir. Digər tərəfdən şəxsin hər hansı bir hüquqa zidd əməli hüquq pozuntusu sayıla bilməz. Yəni hüquq pozuntusunun vacib əlamətlərindən biri təqsirin olmasıdır. Təqsir, şəxsin törətdiyi əmələ psixoloji münasibəti olub, qəsd və ya ehtiyatsızlıq formasında təzahür edir. Yuxarıda ifadə olunanlar onu göstərir ki, hüquq pozuntusu ictimai-təhlükəli xarakter daşıyan, təqsirli, hüquqazidd, qeyri-əxlaqi əməl başa düşülür. Hüquq elmində hüquq pozuntusunun obyektiv və subyektiv elementləri fərqləndirilir ki, bunların da məcmusu hüquq pozuntusunun tərkibini təşkil edir. Hüquq pozuntusunun tərkibinə daxildir: 1. Hüquq pozuntusunun obyektini hüquqla tənzimlənən və mühafizə olunan ictimai münasibətlər təşkil edir. 2. Hüquq pozuntusunun obyektiv cəhətini hüquqla tənzimlənən və mühafizə olunan ictimai münasibətlərə ziyan vuran, hüquqazidd əməl (hərəkət və ya hərəkətsizlik), habelə hüquqazidd əməllə onun ictimai-təhlükəli nəticəsi arasındakı səbəbli əlaqə təşkil edir. 3. Hüquq pozuntusunun subyekti qanunla müəyyən olunmuş yaş həddinə çatan, öz əməlinə görə cavabdehlik daşıya bilən, anlaqlı fiziki şəxslər və qanunvericilikdə nəzərdə tutulan hallarda hüquqi şəxslər ola bilərlər. 4. Hüquq pozuntusunun subyektiv cəhətini şəxsin törətdiyi hüquqazidd əmələ psixoloji münasibətini ifadə etməklə xarakterizə olunan təqsiri təşkil edir. Hüquq pozuntusunun tərkibini təşkil edən elementlərdən hər hansı birinin (məsələn, təqsirin) mövcud olmaması onun hüquq pozuntusu hesab edilməməsinə gətirib çıxarır və qanunla müəyyən edilmiş məsuliyyətə səbəb olmur. Göründüyü kimi hüquq pozuntusunun obyektiv cəhətlərindən biri hüquqla tənzimlənən və mühafizə olunan ictimai münasibətlərə ziyan vuran hüquqazidd əməllə (hərəkət və ya hərəkətsizlik) onun ictimai-təhlükəli nəticəsi arasındakı səbəbli əlaqə təşkil edir. Azərbaycan Respublikası İnzibati Xətalar Məcəlləsinin 31.3-cü maddəsinə əsasən Hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Həmin məcəllənin 75-ci maddəsinə əsasən İnzibati xəta haqqında iş üzrə aşağıdakılar müəyyən edilməlidir: inzibati xəta hadisəsi (inzibati xəta törədilmişdirmi); inzibati xəta törətmiş şəxs; inzibati xəta törətməkdə şəxsin təqsiri; inzibati məsuliyyəti ağırlaşdıran və yüngülləşdirən hallar; inzibati xəta nəticəsində vurulan zərərin xarakteri və miqdarı; inzibati xətalar haqqında işlər üzrə icraatı rədd edən hallar; işin düzgün həlli üçün əhəmiyyətli olan digər hallar, habelə inzibati xətanın törədilməsinə kömək edən səbəblər və şərait. Azərbaycan Respublikası İnzibati Xətalar Məcəlləsinin 101-ci maddəsinə əsasən İnzibati xətanın törədilməsi faktı aşkar edildikdən dərhal sonra inzibati xəta haqqında protokol tərtib edilir (101.1). İşin hallarının, eləcə də barəsində inzibati xəta haqqında iş üzrə icraat aparılan fiziki şəxsin şəxsiyyətinin və ya hüquqi şəxs barəsində məlumatların əlavə aydınlaşdırılması tələb olunduğu hallarda, inzibati xəta haqqında protokol inzibati xətanın aşkar edildiyi vaxtdan iki gün müddətində tərtib edilir (101.2). Həmin məcəllənin 103.1-ci maddəsinə əsasən İnzibati xəta haqqında protokol (prokurorun qərarı) tərtib edildiyi vaxtdan 48 saatadək müddətdə hakimə, səlahiyyətli orqana (vəzifəli şəxsə) göndərilir. Azərbaycan Respublikası İnzibati Xətalar Məcəlləsinin 192.1-ci maddəsinə görə Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə fiziki şəxslər min manatdan iki min manatadək məbləğdə, vəzifəli şəxslər üç min manatdan beş min manatadək məbləğdə, hüquqi şəxslər iyirmi min manatdan iyirmi beş min manatadək məbləğdə cərimə edilir. Azərbaycan Respublikasinin Əmək Məcəlləsinin 49-cu maddəsinə əsasən Bu Məcəllənin 7-ci maddəsinin 2-1-ci hissəsi və bu maddənin 1-2-ci hissəsi ilə müəyyən edilmiş hallar istisna olmaqla, əmək müqaviləsinin bağlanılması, ona dəyişiklik edilməsi və ya xitam verilməsi bununla bağlı elektron informasiya sisteminə gücləndirilmiş elektron imza vasitəsi ilə daxil edilmiş əmək müqaviləsi bildirişinin həmin elektron informasiya sistemində qeydiyyata alınmasından və bu barədə işəgötürənə elektron qaydada məlumat göndərilməsindən sonra hüquqi qüvvəyə minir. Məhkəmə iclasında tədqiq edilmiş sübutlarla müəyyən olunur ki, inzibati xəta haqqında protokolun tərtib olunma əsasları yalnız işçilərin “Qarabağ və Şərqi Zəngəzur iqtisadi rayonlarına giriş” göstərilmişdir. Lakin Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinin Bakı Şəhər İdarəsi tərəfindən işçilər X4, X5, X22, X1, X6, X2, X9, X3 və X7 Şəxs MMC ilə hər hansı bir əmək münasibətinin yaranması ilə bağlı sübutlar məhkəməyə təqdim edilməmişdir. Bununla da işçilərin MMC ilə hər hansı əmək münasibətinin yaranması iş materialları ilə öz təsdiqini tapmır. Bundan başqa X13, X14, X28, X8, X15, X10, X19, X11 və X16 tərəfindən verilmiş notarial qaydada təsdiq edilmiş ərizələrdən də görünür ki, Şəxs MMC ilə onların arasında rəsmi və faktiki olaraq heç bir əmək münasibətləri olmamış, ifadələrini imzaları ilə təsdiq etmişlər. Həmin ərizələr notarial qaydada təqsdiq olunmuş, həmin ərizələrin geri qaytarılması və ya ləğv edilməsi barədə hər hansı məlumat, sübut təqdim edilməmişdir. Bu hal onu təsdiq edir ki, Şəxs MMC ilə işçilərin arasında əvvəlcədən iş görəcəkləri barədə razılıq olsa da, sonradan aralarında razılıq baş tutmadığından hər hansı bir əmək münasibətinin yaranmasından söhbət gedə bilməz. Bundan başqa Bakı Apelyasiya Məhkəməsinin 3(103)-1381/2024 saylı, xx.xx.2024cü il tarixli qərarı ilə Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidməti tərəfindən apellyasiya qaydasında verilmiş şikayət qismən təmin edilməsi, Bakı şəhəri Suraxanı Rayon Məhkəməsinin xx.xx.20254-cü il tarixli, 3(010)- 2127/2024 saylı nömrəli qərarı ləğv edilməsi və iş əlavə araşdırmanın aparılması üçün Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidmətinə qaytarılması qərara alınmış, lakin Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidməti tərəfindən heç bir əlavə araşdırma aparılmamış, həmin şəxslər yenidən dindirilməmiş, izahatlar alınmamış, əvvəllər alınmış izahatları və ərizələri ümumiyyətlə materiala əlavə edilməmişdir. Qeyd olunmalıdır ki, yuxarıda qeyd olunan şəxslər tərəfindən verilmiş notarial qaydada təsdiq olunmuş ərizələrin geri götürülməsi və ya ləğv edilməsi barədə hər hansı sübut və ya məlumat təqdim edilməmişdir. Bundan başqa Azərbaycan Respublikası Əmək və Əhalinin Sosial Müdafiəsi Nazirliyi yanında X23 Xidməti tərəfindən əmək münasibətlərin yaranmasını, əmək müqaviləsinin bağlanıb-bağlanmamasının, ümumilikdə həmin şəxsləri qeyd olunan Şəxs MMC-də faktiki olaraq işlənməsi haqqında hər hansı mötəbər sübut təqdim edilməmişdir. Qeyd olunan icazələr alınsa belə, həmin icazələr şəxslərin gedib sırf işlənməsi ilə bağlı orqan tərəfindən hər hansı mötəbər sübut təqdim olunmamış, hər hansı araşdırma aparılmayıb və hazirki materiala əlavə olunmamışdır. Göründüyü kimi əməldə inzibati xətanın tərkibinin yaranması üçün Şəxs MMC-nin hərəkətlərindən zəruri əlamətlərdən sayılan qəsd və ya ehtiyatsızlıq olmalıdır, lakin məhkəmə tərəfindən bu əlamətlər müəyyən edilməmişdir. Eyni zamanda Şəxs MMC-nin hərəkətləri nəticəsində hər hansı ictimai münasibətlərə ziyan vurulması halı da müəyyən olunmamışdır. Azərbaycan Respublikası İnzibati Xətalar Məcəlləsinin 114.2.1-ci maddəsinə görə bu Məcəllənin 53-cü maddəsində nəzərdə tutulan hallardan biri mövcud olduqda İnzibati xəta haqqında iş üzrə icraata xitam verilməsi haqqında qərar çıxarılır. Azərbaycan Respublikası İnzibati Xətalar Məcəlləsinin 114.1.4-cü maddəsinə görə inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında qərar çıxarılır. Həmin məcəllənin 53.0.2-ci maddəsinə əsasən inzibati xəta tərkibi olmadıqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilməlidir. Belələliklə, məhkəmə hesab edir ki, Şəxs MMC-nin barəsində Azərbaycan Respublikası İnzibati Xətalar Məcəlləsinin 192.1-ci maddəsi ilə başlanılmış inzibati xəta haqqında iş üzrə icraata Şəxs MMC-nin əməlində inzibati xəta tərkibi olmadığı üçün xitam verilməlidir. Yuxarıda göstərilənlərə əsasən və Azərbayçan Respublikası İnzibati Xətalar Məcəlləsinin 53.0.6, 105, 326.2 və 114-cü maddələrini rəhbər tutaraq, məhkəmə QƏRARA ALDİ: Şəxs MMC-nin (VÖEN **********) Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş inzibati xətanı törətməsi barədə başlanmış inzibati icraata əməldə inzibati xəta tərkibi olmadığı üçün xitam verilsin. Qərar təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Hakim Nərminə Rzayeva