Bakı Şəhəri Suraxanı Rayon Məhkəməsi Qərar — İş №3(010)-441/2022

Azərbaycan Respublikası adından QƏRAR Bakı şəhəri İş № 3(010)-441/2022 26.03.2022 BAKI ŞƏHƏRİ SURAXANI RAYON MƏHKƏMƏSİ Məhkəmənin hakimi Məmmədov Tural Nurulla oğlunun sədrliyi, Almuradov Ülvi Ramiz oğlunun katibliyi, Bakı şəhər Suraxanı rayon Polisi İdarəsinin 31-ci Polis şöbəsinin polis kapitanı X1, Zərərçəkmiş şəxslər Suraxanı rayon Polisi İdarəsinin 31-ci Polis şöbəsinin baş leytenantı Salmanov Eltunun və Gülmalıyev Əlinin, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1988-ci ildə Rusiya Federasiyasında doğulmuş, Azərbaycan Respublikasının vətəndaşı, subay, işləməyən, orta təhsilli, Gədəbəy rayonunda qeydiyyatda olan, ünvan 1 ünvanında yaşayan Şəxs barəsində Azərbaycan Respublikası İXM-nin 535.1-ci maddəsi ilə inzibati xəta törətməsinə dair Bakı şəhəri Suraxanı RPİ-nin 31-cu PB-dən daxil olmuş inzibati xəta haqqında materiala baxaraq, Müəyyən etdi: Məhkəmənin icraatına 26.03.2022-ci il tarixdə Suraxanı Rayon Polis İdarəsinin 31ci Polis bölməsindən daxil olmuş MN seriyalı ******* nömrəli inzibati xəta haqqında protokoldan və ona əlavə edilmiş sənədlərdən görünür ki, Şəxs 26.03.2022-ci ildə, gecə saat 01.45 radələrində Bakı şəhəri, Suraxanı rayonu, Yeni Suraxanı qəsəbəsi,Mirqəzəb küçəsi ev 3-də polisin qanuni tələbinə tabe olmayaraq müqavimət göstərmişdir. Məhkəmə iclasında Bakı şəhər Suraxanı rayon Polisi İdarəsinin 31-ci Polis Bölməsinin polis kapitanı X2 göstərdi ki, 26.03.2022-ci il tarixdə saat 00:26 radələrində ünvan 1 ünvanında yaşayan X4 AR DİN-nin 102 xidmətinə zəng vuraraq ögey qardaşı Şəxs qardaşı Nurlanı döyməsi və onu öldürmək istədiyini bildirmişdir. Polis əməkdaşları dərhal hadisə yerinə getmiş və Şəxs intizamlı olmağa dəvət etmələrinə baxmayaraq onlara müqavimət göstərmiş və ünvanlarına nalayiq ifadələr səsləndirmişdir. Məhkəmə iclasında zərərçəkmiş qismində dindirilmiş Suraxanı rayon Polisi İdarəsinin 31-ci Polis şöbəsinin baş leytenantı Salmanov Eltun izahatında göstərdi ki, 26.03.2022-ci il qeyd olunan hadisə yerində olarkən barəsində şikayət edilmiş Şəxs intizamlı olmağa dəvət etsələr də, onların göstərişinə tabe olmayaraq ünvanlarına nalayiq ifadələr səsləndimişdir. Məhkəmə iclasında zərərçəkmiş qismində dindirilmiş Suraxanı rayon Polisi İdarəsinin 31-ci Polis şöbəsinin baş leytenantı Gülmalıyev Əli yuxarıda qeyd olunanlara uyğun izahat verərək bildirdi ki, Şəxs onun xidməti formasını yararsız hala salmış və onun və ölkə rəhbərliyinin ünvanına nalayiq ifadələr səsləndirmişdir. Məhkəmə iclasında inzibati xəta törətməkdə təqsirləndirilən şəxs Şəxs özünü Azərbaycan Respublikası İXM-nin 535.1-ci maddəsi ilə təqsirli bilməyərək qeyd olunanlara razılaşmadığını, polis əməkdaşları tərəfindən döyüldüyünü və söyüldüyünü bildirimişdir. Odur ki, məhkəmədən ədalətli və qanuni qərar verilməsini xahiş edir. Məhkəmə çıxış edənləri dinləyib, iş materiallarını nəzərdən keçirib hesab edir ki, Şəxs ona istinad edilən inzibati xətanı törətməsi, özünün etirafı, tərəflərin izahatları və iş materialları ilə sübut olunur. Protokola əlavə edilmiş sənədlərdən və tərəflərin izahatlarından görünür ki, Şəxs ailədaxili münaqişə əsnasında hadisə yerinə çağırılmış polis əməkdaşlarının qanuni tələblərinə tabe olmamış, onların və ölkə rəhbərliyinin ünvanına təhqiramiz ifadələr işlətmiş, eləcə də polisə müqavimət göstərmişdir. Məhkəmə hesab edir ki, Şəxs əməlində İXM-nin 535-ci maddəsində nəzərdə tutulmuş əməlin tərkib əlamətləri mövcuddur. Belə ki, inzibati xətanın törədilməsi inzibati xəta törətməkdə təqsirləndirilən şəxsin izahatı, bu barədə tərtib edilmiş inzibati xəta haqqında protokol və işin digər halları ilə tam təsdiq olunur. Beləliklə, məhkəmə hesab edir ki, Şəxs əməlində Azərbaycan Respublikası İXM-nin 535.1-ci maddəsi ilə nəzərdə tutulan inzibati xətanın tərkibi olduğundan o, həmin maddə ilə təqsirli bilinib, inzibati tənbeh edilməlidirdir. İş üzrə Şəxs məsuliyyətini ağırlaşdıran hallar müəyyən edilmədi. Azərbaycan Respublikası İXM-in 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Azərbaycan Respublikası İXM-in 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İXM-in 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir. Azərbaycan Respublikası İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-in 12.1-ci maddəsinə əsasən, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-in 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə- - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində maddənin sanksiyasının hədləri daxilində inzibati həbs növündə inzibati tənbeh tətbiq edilməlidir. Məhkəmə təqsirləndirilən şəxsə məhz inzibati həbs növündə cəzanın tətbiq edilməsini onun qanunazidd əməlinə adekvat hesab edir. Azərbaycan Respublikası İXM-nin 31.4-cü maddəsinin tələbinə görə, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə işin hallarını nəzərə alaraq hesab edir ki, Şəxs Azərbaycan Respublikası İXM-nin 535.1-ci maddəsi ilə təqsirli bilinib 15 (on beş) gün müddətində inzibati qaydada həbs edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin qeyd edilən maddələrini rəhbər tutaraq məhkəmə Qərara aldı: Şəxs Azərbaycan Respublikası İXM-nin 535.1-ci maddəsi ilə təqsirli bilinib 15 (on beş) gün müddətə inzibati həbs edilsin. Şəxs cəzasının əvvəli 26.03.2022-ci il, saat 01.45-dən hesablansın. Qərarın icrası Bakı şəhər Baş Polis İdarəsinin İnzibati həbs olunanların saxlama məntəqəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Suraxanı Rayon Məhkəməsi vasitəsi ilə Bakı Apellyasiya məhkəməsinə şikayət və ya protest verilə bilər. Sədrlik edən Tural Məmmmədov