Bakı Şəhəri Suraxanı Rayon Məhkəməsi Qərardad — İş №3(010)-462/2021

Azərbaycan Respublikası adından QƏRARDAD Bakı şəhəri İş № 3(010)-462/2021 17.03.2021 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi İbrahimov Anar Firdovsi oğlu X1 Azərbaycan Respublikası DİN-nin Bakı şəhər Baş Dövlət Yol Polisi İdarəsinin xx.xx.2020-ci il tarixli TP ******* saylı inzibati tənbeh vermə haqqında qərarın ləğv olunması və inzibati xəta haqqında iş üzrə icraata xitam verilməsinə dair şikayət ərizəsi ilə bağlı işi baxılmağa hazırlayarkən, M ÜƏ Y Y Ə N E T D İ M: X3 onun Azərbaycan Respublikası İnzibati Xətalar Məcəlləsinin 327.2-ci maddəsi ilə inzibati tənbeh vermə haqqında Bakı şəhər DYPİnin polis kapitanı X2 xx.xx.2020-ci il tarixli TP ******* saylı inzibati xəta haqqında iş üzrə qərarının ləğv olunmasını və inzibati xəta haqqında iş üzrə icraata xitam verilməsini xahiş edir. X3 xx xxxx 2021-ci ildə, sonradan məhkəməyə ərizə ilə müraciət edərək, şikayət ərizəsini baxılmadan geri qaytarılmasını xahiş etmişdir. İş materiallarını nəzərdən keçirərək belə qənaətə gəlirəm ki, X3 tərəfindən verilmiş inzibati tənbeh vermə haqqında qərarın ləğv olunması və inzibati xəta haqqında iş üzrə icraata xitam verilməsinə dair şikayət ərizəsi geri qaytarılmalıdır. Belə ki, İXM-in 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Beləliklə İXM-ə əsasən qərardan şikayətə baxılması həmin qərardan şikayət verən tərəfin iradəsində asılıdır. Bu səbəbdən də şikayətçi şikayətinin geri qaytarılmasını tələb etdiyindən şikayətə baxılmayaraq geri qaytarılmalıdır. Göstərilənlərə əsasən Azərbaycan Respublikası İnzibati Xətalar Məcəlləsinin 128- 137-ci maddələrinə əsasən Q Ə R A R A A L D İ M: X1 Azərbaycan Respublikası DİN-nin Bakı şəhər Baş Dövlət Yol Polisi İdarəsinin xx.xx.2020-ci il tarixli TP ******* saylı inzibati tənbeh vermə haqqında qərarın ləğv olunması və inzibati xəta haqqında iş üzrə icraata xitam verilməsinə dair şikayət ərizəsi geri qaytarılsın. Qərardaddan şikayət və protest verilə bilməz. Sədrlik edən Anar İbrahimov