Bakı Şəhəri Suraxanı Rayon Məhkəməsi Qərar — İş №3(010)-4773/2023

Azərbaycan Respublikası adından QƏRAR Bakı şəhəri İş № 3(010)-4773/2023 27.09.2023 BAKI ŞƏHƏRİ SURAXANI RAYON MƏHKƏMƏSİ Hakim Rzayeva Nərminə Cahangir qızının sədrliyi, Ələmşahova Aytəkin Aqil qızının katibliyi, İnzibati xəta törətmiş şəxs Şəxs, İnzibati xəta haqqında protokolu tərtib etmiş Suraxanı rayon Polis İdarəsinin 32-ci Polis bölməsinin sahə X1nun, Zərərçəkmiş şəxs X2, Şəxs, xx.xx.1992-ci ildə Zəngilan rayonu, Ördəkli kəndində anadan olan, Azərbaycan Respublikası vətəndaşı, evli, orta təhsilli, işləməyən, Zəngilan rayonu, Ördəkli Ərazi Dairəsi, Ördəkli kəndində qeydiyyatda olan, Bakı şəhəri, Suraxanı rayonu, Qaraçuxur qəsəbəsi, ş/y-si, 2704 ünvanında yaşayan, Azərbaycan Respublikası inzibati Xətalar Məcəlləsinin 157-ci maddəsi ilə Suraxanı rayon Polis şöbəsinin 30-cu Polis Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Bakı şəhəri, Suraxanı rayonu, Qaraçuxur qəsəbəsi, ş/y-si, 2704 actodəstə nömrəsiz evdə yaşayan X2 xx.xx.2023-cü il tarixdə Suraxanı RPİ-nin 32-ci PB-nə yazmış olduğu ərizə ilə Suraxanı RPİ-nin 32-ci PŞ-nə müraciət edərək bildirmişdir ki, xx.xx.2023-cü il tarixdə yaşadığı evdə əri Şəxs tərəfindən döyüldüyünü bildirərək, onun barəsində qanuna müvafiq tədbir görülməsi xahi edilmişdir. Bununla da, Şəxs Azərbaycan Respublikası İXM-İn 157-ci maddəsində nəzərdə tutulmuş inzibati xətanı törətmişdir. Onun barəsində Suraxanı RPİ-nin 32-ci Polis Şöbəsinin sahə X1 tərəfindən xx.xx.2022-ci il tarixli MN ******* nömrəli inzibati xəta haqqında protokol tərtib olunmuş və inzibati xəta haqqında işin aidiyyəti üzrə məhkəməyə göndərilməsi barədə xx.xx.2023-cü il tarixli qərardad qəbul edilmişdir. Barəsində inzibati icraat aparılan şəxs Şəxs məhkəmə iclasında İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsini qəbul etdiyini,lakin onunla barışdığını bildirmiş, inzibati məsuliyyətdən azad edilməsini xahiş etmişdir. Zərər çəkmiş şəxs X3 məhkəmə iclasında həm yazılı, həm şifahi izahatında protokol tərtib edilmiş şəxs Şəxs ilə barışdığı üçün İXM-nin 157-ci maddəsi ilə tərtib edilmiş protokola xitam verilməsini xahiş etmişdir. Azərbaycan Respublikası İXM-in 39.3-cü maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanır, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. Azərbaycan Respublikası İXM-in 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək mbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Qeyd olunanları nəzərə alaraq, məhkəmə hesab edir ki, zərər çəkmiş şəxsin izahatı əsasında barəsində inzibati icraat aparılan şəxs tərəfindən İnzibati Xətalar Məcəlləsində nəzərdə tutulmuş inzibati xətanı törətmədiyinə görə inzibati xəta törətmiş şəxs Şəxs barəsində Azərbaycan Respublikası İXM-nin 157-ci maddəsi ilə başlanmış inzibati xəta haqqında iş üzrə icraata xitam verilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48- 51, 114, 128-130-cu maddərini rəhbər tutaraq, QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Suraxanı rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Nərminə Rzayeva