Bakı Şəhəri Suraxanı Rayon Məhkəməsi Qərardad — İş №3(010)-485/2021

Azərbaycan Respublikası adından QƏRARDAD Bakı şəhəri İş № 3(010)-485/2021 31.03.2021 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Bakı şəhər DYPİ Müşayiət-Eskort bölüyü YPX-nin vəzifəli şəxsi tərəfindən tərtib olunmuş xx xxxx 2021-ci il tarixli İXP seriyalı ******* nömrəli protokolun ləğvinə dair X1 şikayətinə baxaraq, M Ü Ə Y Y Ə N E T D İ M: X2 Bakı şəhər DYPİ Müşayiət-Eskort bölüyü YPX-nin vəzifəli şəxsi tərəfindən tərtib edilmiş xx xxxx 2021-ci il tarixli İXP seriyalı ******* nömrəli inzibati xəta haqqında protokoldan şikayət verib. Şikayəti nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Azərbaycan Respublikası İXM-nin 128.1-ci maddəsinə əsasən, «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Həmin Məcəllənin 128.2.3-cü maddəsinə əsasən səlahiyyətli orqanın (vəzifəli şəxsin) qərarından yuxarı səlahiyyətli orqana (vəzifəli şəxsə) və ya məhkəməyə şikayət verilə bilər. Qanunvericiliyin yuxarıda istinad olunan müddəalarından görünür ki, şikayət inzibati xəta haqqında protokoldan (şikayətə yalnız inzibati xəta haqqında protokol əlavə edilib) deyil, inzibati xəta haqqında qərardan verilir. Şikayətə qərar əlavə edilmədiyindən belə bir qərarın mövcud olub-olmadığı müəyyən edilmir. Bundan başqa Azərbaycan Respublikası İXM-nin 130.1-ci maddəsinə əsasən «Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər». Yuxarıda qeyd olunduğu kimi, inzibati tənbeh vermə haqqında qərar xx xxxx 2021-ci ildə verilib. Şikayət isə məhkəməyə xx xxxx 2021-ci ildə təqdim edilib. Beləliklə, təqdim olunmuş sənədlərlə X1 Azərbaycan Respublikası İXM-nin 130.1-ci maddəsinin tələblərinə əməl etməsi halı müəyyən edilmir. Azərbaycan Respublikası İXM-nin 132.1.2-ci maddələrinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Həmin məsləyə baxaraq belə qənaətə gəlirəm ki, inzibati xəta haqqında protokoldan şikayət verilməsi qüvvədə olan qanunvericilikdə nəzərdə tutulmadığına və mübahisələndirilən qərar təqdim edilmədiyinə görə şikayət üzrə icraat mümkün deyil. Eyni zamanda inzibati xəta haqqında qərardan şikayət verilməsi müddətinin buraxılması icraatı rədd edən hal kimi qiymətləndirilməlidir. Ona görə də şikayət geri qaytarılmalıdır. Yuxarıda göstərilənlərə əsasən və Azərbaycan Respublikası İXM-nin 106, 118-ci maddələrini rəhbər tutaraq, QƏRARA ALDİM: Bakı şəhər DYPİ Müşayiət-Eskort bölüyü YPX-nin vəzifəli şəxsi tərəfindən tərtib olunmuş xx xxxx 2021-ci il tarixli İXP seriyalı ******* nömrəli protokolun ləğvinə dair X1 şikayəti geri qaytarılsın. Hakim Ceyhun Qədimov