Bakı Şəhəri Suraxanı Rayon Məhkəməsi Qərar — İş №3(010)-52/2022

Azərbaycan Respublikası adından QƏRAR Bakı şəhəri İş № 3(010)-52/2022 06.01.2022 BAKI ŞƏHƏRİ SURAXANI RAYON MƏHKƏMƏSİ Hakim İbrahimov Anar Firdovsi oğlunun sədrliyi, Hacıyev Gündüz Nizami oğlunun katibliyi ilə, Suraxanı rayon İcra Şöbəsinin icra məmuru Ruslan Əsgərovun, X1, Borclu Şəxs iştirakı ilə, xx.xx.1981-ci ildə Amasiya rayonunda anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan Şəxs barəsində Azərbaycan Respublikası İXM-nin 528.1-ci maddəsi ilə Suraxanı rayon İcra Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Xəzər rayon Məhkəməsinin 06.10.2021-ci il tarixli, 2(003)-418/2021 saylı icra vərəqəsinə əsasən X2 və Şəxs müştərək qaydada 19000,00 (on doqquz min) manat tutularaq X4 ödənilməsi qət edilmişdir. Borclu Şəxs dəfələrlə icra vərəqəsinin icrasını təmin etmək məqsədi ilə görülmüş icra tədbirlərinə baxmayaraq, borclu icra vərəqəsinin icrasından yayınmışdır. Məhkəmədə izahat vermiş Bakı şəhər Suraxanı rayon İcra Şöbəsinin icra məmuru Ruslan Əsgərov göstərmişdir ki, Bakı şəhəri Xəzər Rayon Məhkəməsinin 1(003)- 418/2021 saylı, 06.10.2021-ci il tarixli icra sənədinə əsasən iş üzrə borclular X2 və Şəxs müştərək qaydada 19.000 manat tutularaq iş üzrə tələbkar X4 ödənilməlidir.Sözügedən icra sənədi 16.11.2021-ci il tarixdə Xəzər Rayon Məhkəməsi tərəfindən Şəxs aid hissədə icra olunması üçün Suraxanı rayon icra şöbəsinə göndərilmiş və həmin tarixdə icraata başlanılaraq bu barədə borclu Şəxs həmin qərar tələbin könüllü icrası barədə bildirişlə birlikdə 20.12.2021-ci il tarixdə rəsmi qaydada təqdim edilmiş, lakin borclu tərəfindən icra sənədinin icrası bugünədək üzrsüz səbəbdən təmin edilməmişdir.Bundan başqa borclunun mülkiyyətində hər hansı bir əmlak və gəlirin olub-olmamasını müəyyən etmək üçün “Elektron icra sistemi” vasitəsi ilə sorğu edilmiş, lakin tələbin yönəldilə biləcəyi hər hansı bir əmlak və gəlir aşkar edilməmişdir. Əlavə olaraq bildirmişdir ki, borclu tərəfindən bu günədək heç bir ödəniş edilməmişdir. Məhkəmədə izahat vermiş borclu Şəxs törətdiyi inzibati xətanı etiraf edərək bildirmişdir ki, Bakı şəhəri Xəzər rayon Məhkəməsinin 06.10.2021-ci il tarixli, 2(003)- 418/2021 saylı icra vərəqəsinə əsasən X2 və ondan müştərək qaydada 19000,00 (on doqquz min) manat tutularaq X4 ödənilməsi qət edilmişdir. Borcunun ödənilməməsi onun maddi vəziyyətinin qənaətbəxş olmaması ilə bağlıdır. Belə ki, o, hazırda işsizdir. Məhkəmədə izahat vermiş tələbkar X6 bildirmişdir ki, Bakı şəhəri Xəzər rayon Məhkəməsinin 06.10.2021-ci il tarixli, 2(003)-418/2021 saylı icra vərəqəsinə əsasən X2 və Şəxs müştərək qaydada 19000,00 (on doqquz min) manat tutularaq ona ödənilməsi qət edilmişdir. Borclu bu günə qədər borcundan ona heç bir ödəniş etməmişdir. İş materiallarında olan Bakı şəhər Suraxanı rayon İcra şöbəsinin 06 yanvar 2022-ci il tarixli, MN ******* saylı inzibati xəta haqqında protokolundan görünür ki, Bakı şəhəri Xəzər rayon Məhkəməsinin 06.10.2021-ci il tarixli, 2(003)-418/2021 saylı icra vərəqəsinə əsasən Şəxs 19000,00 (on doqquz min) manat borcu yaranmışdır. Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi özünün etirafı və tərtib edilmiş iş materialları ilə sübuta yetir. «İnsan hüquqlarının və əsas azadlıqların müdafıəsi haqqında» Avropa konnvensiyasının 6-cı maddəsinin 1-ci hissəsinə əsasən «hər kəs, onun mülki hüquq və vəzifələri müəyyən edilərkən və ya ona qarşı hər hansı cinayət ittihamı irəli sürülərkən, onun əsasında yaradılmış müstəqil və qərəzsiz məhkəmə vasitəsi ilə, ağlabatan müddətdə işinin ədalətli və açıq araşdırılması hüququna malikdir. Hüquqi cəhətdən dəyərləndirilməsi vacib olan məsələlərdən biri də qanuni qüvvəyə minmiş məhkəmə qətnaməsinin icra olunmamasıdır. Konvensiyanın 6-cı maddəsinə əsasən məhkəmə qətnaməsinin icrası «məhkəmə baxışının tərkib hissəsi» kimi qiymətləndirilir. İnsan Hüquqları üzrə Avropa Məhkəməsi «Homsbi Yunanıstana qarşı» işdə (19 mart 1997-ci il) qeyd etmişdir ki, iştirakçı dövlətlərin məhkəmə sistemi məhkəmənin məcburi və yekun qərarının icra olunmamasın və beləliklə tərəflərin birinin maraqlarına zərər vurulmasına imkan verirsə, deməli Konvensiyanın 6-cı maddəsində nəzərdə tutulan "məhkəmə baxışına hüquq" xəyali xarakter alacaqdır. İnsan Hüquqları üzrə Avropa Məhkəməsi «Burdov Rusiyaya qarşı» işdə (7 may 2002-ci il) eyni xarakterli məsələlərə bir daha toxunaraq qeyd etmişdir ki, məhkəmə qərarının icrası üçün zəruri tədbirlər görməkdən uzun müddət yayınma 6-cı maddənin 1ci bəndində ifadəsini tapmış müddəanın faydalılıq qüvvəsindən məhrum etmiş olur. Məhkəmə həmin fikirlərini «"xxxx" MMC Rusiya Federasiyasına qarşı» işdə (14 iyun 2005-ci il) də təkrarlamış, cavabdehin dövlətin məhkəmə qətnaməsinin icra olunmamasında vəsait çatışmazlığına istinad etməsini əsaslı hesab etməmişdir. "Roseltrans» ASC Rusiya Federasiyasma qarşı" (21 iyul 2005-ci il) işdə məhkəmə belə nəticəyə gəlmişdir ki, ağlabatan müddətdə ədalətli, açıq məhkəmə baxışının keçirilməsini nəzərdə tutan Konvensiyanın 6-cı maddəsinin 1-ci bəndinin məhkəmə qətnaməsinin icrasına təminat verməməsini təsəvvür etmək çətindir Məhkəmə, Şəxs cəza təyin edərkən, onun ilk dəfə olaraq inzibati xəta törətdiyini, törətdiyi inzibati xətanı etiraf edərək, peşman olduğunu yüngülləşdirən hallar kimi və məsuliyyətini ağırlaşdırılan halların olmamasını nəzərə alaraq, barəsində inzibati cərimə tənbeh növü təyin olunmasını məqsədə müvafiq hesab edir. Məhkəmə onu da nəzərə alır ki, İnsan hüquqlarının və əsas azadlıqların müdafiəsi haqqında Konvensiyaya dair 4 saylı Protokolun (Konvensiyaya və ona dair Birinci Protokola artıq daxil edilənlərdən başqa, bəzi hüquq və azadlıqların təmin olunması haqqında) 1-ci maddəsinə əsasən heç kəs yalnız hər hansı bir müqavilə öhdəliyini ödəmək iqtidarında olmadığına görə azadlıqdan məhrum edilə bilməz. Yuxarıda göstərilənlərə əsasən və Azərbaycan. Respublikası İXM-nin 43-48, 106- 115 və 117-ci maddələrini maddələrini rəhbər tutaraq, məhkəmə QƏRARA A L D İ: Şəxs Azərbaycan Respublikası İXM-nin 528.1-ci maddəsi ilə təqsirli bilinib, 800 (səkkiz yüz) manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 gün müddətinə Bakı Apelyasiya Məhkəməsinə şikayət verilə bilər. Sədrlik edən: Anar İbrahimov