Bakı Şəhəri Suraxanı Rayon Məhkəməsi Qərar — İş №3(010)-5267/2024

Azərbaycan Respublikası adından QƏRAR Bakı şəhəri İş № 3(010)-5267/2024 17.12.2024 BAKI ŞƏHƏRİ SURAXANI RAYON MƏHKƏMƏSİ Hakim Mirzəyeva Ünsüyyət Hacımehdi qızının sədrliyi, X1 qızının katibliyi, Azərbaycan Respublikası Dövlət Reklam Agentliyinin Bakı Şəhər Reklam İdarəsinin nümayəndəsi Nümayəndə iştirakı ilə, Vəzifəli şəxs Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, MÜƏYYƏN ETDİ: Azərbaycan Respublikasının Dövlət Reklam Agentliyinin Bakı Şəhər Reklam İdarəsi tərəfindən vəzifəli şəxs Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında xx.xx.2024cü il tarixli MN seriyalı ******* nömrəli protokol tərtib edilmiş və baxılması üçün aidiyyəti üzrə Bakı şəhəri Suraxanı Rayon Məhkəməsinə göndərilmişdir. İnzibati xəta haqqında protokolun tərtib olunmasına səbəb kimi vəzifəli şəxs Şəxs tərəfindən ünvan 1 ünvanında xx.xx.2024-cü il tarixdə saat 12:04-də “Miss Fidan” adlı obyektin üzərində i**********0001 nömrəli icazə tələblərini pozmaqla açıq məkanda reklam yayınlaması və nəticədə Azərbaycan Respublikası İnzibati Xətalar Məcəlləsinin 428.7.1-ci maddəsinin tələblərinin pozulması göstərilmişdir. Məhkəmə iclasında səlahiyyətli orqan Azərbaycan Respublikasının Dövlət Reklam Agentliyinin Bakı Şəhər Reklam İdarəsinin nümayəndəsi Nümayəndə inzibati xəta haqqında protokolun məzmununa uyğun izahat verərək göstərdi ki, fərdi sahibkar Şəxs ünvan 1ndə yerləşən “Miss Fidan” adlı obyektin üzərində reklam haqqında qanunvericiliyin tələblərini pozaraq açıq məkanda icazə olmadan reklam yayımı həyata keçirmişdir. Bu barədə idarə əməkdaşları tərəfindən akt tərtib edildikdən sonra 16 oktyabr 2024-cü il tarixdə Şəxs göstəriş göndərilmişdir. Göstərişdə 5 gün ərzində yayım üçün icazə alınması, əks halda sökülməsi göstərilmişdir. Şəxs həmin göstərişi 18 oktyabr 2024-cü il tarixdə almış amma göstərişə əməl etməmiş, qanunsuz reklam yayımına davam etmişdir. Həmin hərəkətin davamı olaraq 04 noyabr 2024-cü il tarixdə şəxs barəsində protokol tərtib olunaraq baxılması üçün məhkəməyə göndərilmişdir. O, vəzifəli şəxs Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsinin tələblərinin pozulması müəyyən edildiyindən həmin maddənin sanksiyasında nəzərdə tutulan inzibati tənbeh tədbiri tətbiq olunmasını xahiş etdi. Məhkəmə iclasının vaxtı və yeri barədə məlumatlandırılmış barəsində inzibati xəta haqqında iş üzrə icraat aparılan vəzifəli şəxs Şəxs gəlməmiş, gəlməməsinin səbəbləri barədə məhkəməyə məlumat verməmişdir. Məhkəmə işə vəzifəli şəxs Şəxs iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş; Azərbaycan Respublikası İqtisadiyyat Nazirliyi yayında Dövlət Vergi Xidmətindən çıxarışdan görünür ki, Şəxs fiziki şəxs kimi dövlət qeydiyyatına alınmışdır, VÖEN-i **********-dir; açıq məkanda reklam yerləşdirilməsinə icazə verilməsi barədə xx.xx.2024-cü il tarixli ərizədən görünür ki, Şəxs “Miss Fidan” adlı obyektin üzərində reklam yerləşdirilməsi üçün Azərbaycan Respublikasının Dövlət Reklam Agentliyinin Bakı Şəhər Reklam İdarəsindən icazə istəmişdir; Azərbaycan Respublikasının Dövlət Reklam Agentliyinin Bakı Şəhər Reklam İdarəsi təəfindən Şəxs göndərilən xx.xx.2024-cü il tarixli hesab-fakturadan görünür ki, yayım haqqında ödəniş edilməsi üçün ödəniş ediləcək Bankın rekvizitləri göndərilmişdir; açıq məkanda reklam haqqında qanunvericiliyin tələblərinin pozulması hallarının müəyyən edilməsinə dair xx.xx.2024-cü il tarixli aktdan görünür ki, “Miss Fidan” adlı obyektin üzərində müvafiq haqq vaxtında ödənilmədən 1 ədəd 3.99 kvadart metr ölçüdə reklam (reklam daşıyıcısı) aşkar edilmişdir; Azərbaycan Respublikasının Dövlət Reklam Agentliyinin Bakı Şəhər Reklam İdarəsi tərəfindən Şəxs göndərilən müvafiq qayda pozuntularının aradan qaldırılması barədə icrası məcburi olan xx.xx.2024-cü il tarixli göstərişdən görünür ki, Azərbaycan Respublikası Dövlət Reklam Agentliyinin Bakı Şəhəri Reklam İdarəsi tərəfindən ünvan 1 ünvanında Şəxs məxsus “Miss Fidan” adlı obyektin üzərində İ**********0001 nömrəli icazənin tələbləri pozularaq, yəni müvafiq yayım haqqı məbləği vaxtında ödənilməyərək reklam yayımının həyata keçirildiyi müəyyən edilmiş və bu barədə xx.xx.2024-cü il tarixli Akt tərtib edilmişdir. “Reklam haqqında” Azərbaycan Respublikasının Qanununun 26-cı maddəsini və Azərbaycan Respublikası Prezidentinin 2017-ci il 19 dekabr tarixli 1743 nömrəli Fərmanı ilə təsdiq edilmiş “Açıq məkanda reklam yerləşdirilməsinə icazə verilməsi və bu sahədə nəzarətin həyata keçirilməsi Qaydası”nın 3-cü bəndini rəhbər tutaraq xx.xx.2024-cü il tarixli Aktda qeyd olunan qanun pozuntularının 5 gün ərzində aradan qaldırılması tələb olunmuşdur. İcrası məcburi olan göstəriş alınan vaxtdan 5 gün ərzində müvafiq yayım haqqı məbləğini ödəmək tələb olunur. Əks təqdirdə, icazənin tələbləri pozularaq müvafiq yayım haqqı məbləği vaxtında ödənilmədən reklam yayımına görə Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta törədildiyi üçün pozuntuların aradan qaldırılması ilə bağlı müəyyən edilmiş müddətin başa çatdığı tarixdən 1 iş günü ərzində inzibati xəta haqqında protokol tərtib ediləcəkdir, bu nəticədə inzibati məsuliyyətin yaranmasına səbəb olur və müvafiq xətanın törədilməsinə görə vəzifəli şəxslər 1500 manatdan 2500 manatadək məbləğində inzibati cərimə edilir; iş materiallarında olan xəbərnamədən görünür ki, Şəxs Azərbaycan Respublikasının Dövlət Reklam Agentliyinin Bakı Şəhər Reklam İdarəsi tərəfindən göndərilən göstərişi xx.xx.2024-cü il tarixdə təhvil almışdır; Azərbaycan Respublikasının Dövlət Reklam Agentliyinin Bakı şəhər Reklam İdarəsi tərəfindən tərtib edilmiş xx.xx.2024-cü il tarixli, MN seriyalı ******* nömrəli inzibati xəta haqqında protokoldan görünür ki, Şəxs tərəfindən ünvan 1 ünvanında xx.xx.2024-cü il tarixdə saat 12:04-də “Miss Fidan” adlı obyektin üzərində i**********0001 nömrəli icazə tələblərini pozmaqla açıq məkanda reklam yayınlamış, bu səbəbdən Şəxs barəsində Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında müvafiq protokol tərtib edilmişdir; Azərbaycan Respublikasının Dövlət Reklam Agentliyinin Bakı şəhər Reklam İdarəsi tərəfindən Şəxs xx.xx.2024-cü il tarixli, MN seriyalı ******* nömrəli inzibati xəta haqqında protokol göndərilmişdir; inzibati xəta haqqında işə əlavə edilmiş fotoşəkillərdən görünür ki, açıq məkanda “Miss Fidan” adlı obyektin üzərində reklam yerləşdirilmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 17-ci maddəsinə əsasən vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Həmin maddənin qeydinə əsasən Dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilatisərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər; 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır; 428.7.1-ci maddəsinə əsasən müvafiq icazə olmadan, həmçinin onun tələbləri pozulmaqla açıq məkanda reklam yerləşdirilməsinə görə - fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər beş min manatdan on min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol və inzibati materialda olan digər sənədlərlə sübuta yetirilmişdir ki, vəzifəli şəxs Şəxs ünvan 1 ünvanında “Miss Fidan” adlı obyektin üzərində i**********0001 nömrəli icazə tələblərini pozmaqla (müvafiq yayım haqqı məbləği ödənilmədən) açıq məkanda reklam yayınlamış, bu səbəbdən Şəxs Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xəta haqqında qanunvericiliyin tələblərini pozmuşdur. Məhkəmə araşdırması zamanı vəzifəli şəxs Şəxs barəsində məsuliyyəti yüngülləşdirən və ya ağırlaşdıran hallar müəyyən edilməmişdir. Beləliklə, məhkəmə törədilmiş inzibati xətanın xarakterini, məsuliyyəti yüngülləşdirən və məsuliyyəti ağırlaşdıran halların müəyyən edilməməsini, habelə iş üzrə sübutları qiymətləndirərək, hesab edir ki, vəzifəli şəxs Şəxs Azərbaycan Respublikası İnzibati Xətalar Məcəlləsinin 428.7.1-ci maddəsi ilə təqsirli bilinməli və barəsində həmin maddənin sanksiyasının hədləri daxilində müəyyən məbləğdə cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİ: xx xxxxxx 1978-ci ildə Saqarejo rayonunda anadan olmuş, Azərbaycan Respublikasının vətəndaşı, FİN xxxxxxx, fərdi sahibkar, ünvan 2 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 428.7.1-ci maddəsində nəzərdə tutulmuş inzibati xətanı törətməkdə təqsirli bilinsin və barəsində 1500 (bir min beş yüz) manat məbləğində cərimə növündə inzibati tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayəti verilə bilər.