Bakı Şəhəri Suraxanı Rayon Məhkəməsi Qərar — İş №3(010)-555/2024

Azərbaycan Respublikası adından QƏRAR Bakı şəhəri İş № 3(010)-555/2024 31.01.2024 BAKI ŞƏHƏRİ SURAXANI RAYON MƏHKƏMƏSİ Hakim Rzayeva Nərminə Cahangir qızının sədrliyi, Ələmşahova Aytəkin Aqil qızının katibliyi, Suraxanı rayon icra şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxxxx 1969-cu ildə Ermənistanın Çəmbərək rayonunda doğulmuş, Azərbaycan Respublikasının vətəndaşı, orta təhsilli, işləməyən, Bakı şəhəri, Binəqədi rayonu, Xocahəsən ərazi dairəsi, Sulutəpə qəsəbəsi, Ruslan Allahverdiyev küçəsi, döngə 11, ev 79 ünvanında qeydiyyatda olan və yaşayan, X1, Azərbaycan Respublikası İXM-nin 529.2-ci maddəsilə inzibati inzibati məsuliyyətə cəlb edilməsinə dair materiala məhkəmənin inzibati binasında açıq məhkəmə iclasında baxaraq, MÜƏYYƏN ETDİ: Suraxanı rayon İcra şöbəsinin icra məmuru X3, borclu Şəxs barəsində 31 yanvar 2024-cü il tarixli MN ******* saylı protokol tərtib edərək, Suraxanı rayon məhkəməsinin 3(010)-3245/2023 saylı, xx.xx.2023-cü il tarixli və 3(010)-4947/2023 saylı xx.xx.2023-cü il tarixli icra sənədlərini üzrlü səbəb olmadan icra etmədiyinə görə onun İnzibati Xətalar Məcəlləsinin 529.2-ci maddəsi ilə inzibati məsuliyyətə cəlb edilməsini xahiş etmişdir. Məhkəmə iclasında iştirak edən Suraxanı rayon İcra şöbəsinin icra məmuru X3 öz izahatında tərtib etdiyi protokolu müdafiə edərək bildirmişdir ki, Suraxanı rayon məhkəməsinin 3(010)-3245/2023 saylı xx.xx.2023-cü il tarixli icra vərəqəsinə əsasən Şəxs İXM-nin 528.1-ci maddəsi ilə təqsirli bilinərək 500 manat və Suraxanı rayon məhkəməsinin 3(010)-4947/2023 saylı xx.xx.2023-cü il tarixli icra vərəqəsinə əsasən 600 manat məbləğində cərimə edilib və hazırki tarixədək cəriməni qərəzli olaraq ödəməmişdir. Bütün bu halları nəzərə alaraq Şəxs barəsində inzibati tənbeh tətbiq edilməsini məhkəmədən xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs öz izahatında hazırda 500 manat məbləğində pul ödədiyini, bundan başqa da əsas borcundan hər ay 200 manat ödədiyini və bundan sonra da mütəmadi ödənişlər edəcəyini bildirərək, barəsində qəbul edilmiş protokola xitam verilməsini xahiş etdi. Məhkəmə, tərəfin izahatını və icra işini nəzərdən keçirərək, hesab edir ki, barəsində inzibati xəta haqqında iş üzrə icraat aparılan şəxs Şəxs əməlində hazırki vaxtda inzibati xəta tərkibi olmadığından inzibati xəta haqqında iş üzrə icraata xitam verilməlidir. İş materiallarında olan xx.xx.2024-cü il tarixli akta əsasən, Aslanov X2 rayon məhkəməsinin 3(010)-3245/2023 saylı, xx.xx.2023-cü il tarixli və 3(010)-4947/2023 saylı xx.xx.2023-cü il tarixli icra sənədləri üzrə 500 manat məbləğində pulu ödədiyinə dair qəbzi icra məmuruna təqdim etmişdir. İş materiallarında olan xx.xx.2024-cü il tarixli qəbzə əsasən, Şəxs 500 manat məbləğində pulu dövlət büdcəsinə ödəmişdir. Belə ki, məhkəmə araşdırması zamanı borclunun yaranmış borcunu ödəməkdən qəsdən yayınmasına və eləcə də icra məmurunun qanuni tələblərinə qəsdən tabe olmamasına dair heç bir hal müəyyən edilməmişdir. Azərbaycan Respublikası İnzibati Xətalar Məcəlləsinin 529.2-ci maddəsinin tələbindən aydın olur ki, yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında məhkəmə qərarının qanuni qüvvəyə mindiyi gündən 25 gün müddətində qanunla müəyyən edilmiş əsaslar olmadan icra edilməməsinə görə yüz altmış saatdan iki yüz qırx saatadək ictimai işlər, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq olunur. Həmin Məcəllənin 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.1.4-cü maddəsinə əsasən inzibati xəta haqqında işə baxılarkən inzibati xəta haqqında iş üzrə icraata xitam verilməsi haqqında məsələ üzrə qərar çıxarılır. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barədə şübhələr onun xeyrinə həll edilir. Qeyd olunanları nəzərə alaraq və Azərbaycan Respublikası İnzibati Xətalar Məcəlləsinin 115,128,129 və 130-cu maddələrini rəhbər tutaraq, məhkəmə QƏRARA ALDİ: Şəxs əməlində Azərbaycan Respublikası İXM-nin 529.2-ci maddəsində nəzərdə tutulmuş inzibati xəta tərkibi olmadığından başlanmış inzibati xəta haqqında icraata xitam verilsin. Qərardan onun surəti təqdim edildiyi və ya alındığı gündən 10 (on) gün müddətində Suraxanı rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Hakim: Nərminə Rzayeva