Bakı Şəhəri Suraxanı Rayon Məhkəməsi Qərar — İş №3(010)-5686/2024

Azərbaycan Respublikası adından QƏRAR Bakı şəhəri İş № 3(010)-5686/2024 18.12.2024 BAKI ŞƏHƏRİ SURAXANI RAYON MƏHKƏMƏSİ Hakim Rzayeva Nərminə Cahangir qızının sədrliyi, Ələmşahova Aytəkin Aqil qızının katibliyi, Barəsində inzibati xəta haqqında iş üzrə icraat aparılan şəxs Şəxs iştirakı, Şəxs barəsində Azərbaycan Respublikası İXM-nin 442-ci maddəsi ilə Bakı şəhəri Suraxanı Rayon Polis İdarəsinin 32-ci Polis Bölməsindən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Şəxs xx.xx.2024-cü il tarixində Qaraçuxur qəsəbəsi, Ə.Mehbalıyev küçəsində istehsalı və ya satılması qadağan olunmuş malların satılması qaydalarının pozulmuşdur. Məhkəmə iclasında Şəxs izahatında əməlindən səmimi peşman olduğunu, əvvəllər heç bir dəfə də bu işlə məşğul olmadığını, lakin ehtiyaca görə bu işlə məşğul olduğunu, bir daha belə bir əməl törətməyəcəyini bildirərək, ona yüngül cəza təyin edilməsini xahiş etmişdir. Məhkəmə Bakı şəhəri Suraxanı Rayon Polis İdarəsinin 32-ci Polis Bölməsinin nümayəndəsinin məhkəmə iclasının vaxtı və yeri barədə qanunla müəyyən olunmuş qaydada xəbərdar olunmasını nəzərə alaraq işə onun iştirakı olmadan baxılmasını mümkün hesab edir. İş materiallarında olan xx.xx.2022-ci il tarixli MN seriyalı ******* nömrəli inzibati xəta haqqında protokoldan müəyyən olunur ki, Şəxs xx.xx.2024-cü il tarixində Qaraçuxur qəsəbəsi, Ə.Mehbalıyev küçəsində istehsalı və ya satılması qadağan olunmuş malların satılması qaydalarının pozulmuşdur. Nəticədə Şəxs Azərbaycan Respublikası İXM-nin 442-ci maddəsində nəzərdə tutulmuş inzibati xətanı törətmişdir. İş materiallarında olan Suraxanı RPİ-nin 32-ci PB-nin rəisi polis mayoru Samir Çobanov tərəfindən tərtib edilmiş xx.xx.2024-cü il tarixli raporta əsasən, xx.xx.2024-cü il tarixində saat 12:00 radələrində inzibati ərazidə xidmət aparan zaman 32-ci PB-nin Məsul növbətçisi, polis mayoru Vüsal Novruzov məlumat verdi ki, Suraxanı RPİ-nin, TŞoperatorları, polis serjantı Əhmədov Şahin və polis serjantı Məmmədov İsamyıl, kamera vasitəsi ilə Qaraçuxur qəsəbəsi Ə.Mehbalıyev küçəsində bir. nəfər şəxsin pirotexniki vasitələrin satışı ilə məşqul olması ilə bağlı məlumat vermişdir. Bununla bağlı 32- PB-nin kiçik ə/m E.Quliyev ilə həmin ünvana yaxınlaşaraq CF-markalı motoskiletin arxa oturcaqının üzərində yerləşdirilmiş yük yerində qara selofanın içində pirotexniki vasitələr satığını aşkar edib həmin şəxsə özlərini təqdim edib onu 32-ci PB nə dəvət etmişlər. PBdə məlum oldu ki, həmin şəxs xx.xx.1982-ci il təvəllüdlü Şəxsdur. Yuxarıda göstərilənləri nəzərə alaraq raportuma dair araşdırma aparılmasına göstəriş verilməsi xahiş edilmişdir. İş materiallarında olan Şəxs tərəfindən Suraxanı RPİ-nin 32-ci PB-nə verdiyi izahatında barəsində inzibati qaydada tərtib edilmiş protokolda göstərilmiş xüsusatları təsdiq etdiyini, əməlindən səmimi peşman olduğunu və gələcəkdə də bir daha belə bir əməl törətməyəcəyini bildirdi. Məhkəmə inzibati xəta haqqında işin materiallarını yoxlayıb, inzibati xəta haqqında protokolun dəlillərini araşdırıb hesab edir ki, barəsində inzibati xəta haqqında icraat aparılan Şəxs tərəfindən təsvir olunmuş inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, özünün protokol tərtib edildiyi vaxt ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Azərbaycan Respublikası inzibati Xətalar Məcəlləsinin 442-ci maddəsi istehsalı və ya satılması qadağan olunmuş malların istehsalına və ya satılmasına, yaxud qadağan olunmuş işlərin (xidmətlərin) yerinə yetirilməsinə (göstərilməsinə) görə məsuliyyət nəzərdə tutur. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 31.2-ci maddəsinin tələbinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs barəsində məsuliyyətini ağırlaşdıran halı və yüngülləşdirən halı müəyyən etmədi. Məhkəmə inzibati tənbeh tədbiri tətbiq edərkən inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin şəxsiyyətini və işin digər hallarını nəzərə alaraq hesab edir ki, Şəxs İnzibati Xətalar Məcəlləsinin 442-ci maddəsində nəzərdə tutulmuş cərimə növündə inzibati tənbeh tətbiq olunmalıdır və inzibati xətanın bilavasitə obyekti olmuş mallar müsadirə edilməlidir Yuxarıda göstərilənlərə və Azərbaycan Respublikası inzibati Xətalar Məcəlləsinin 40,43,48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 442-ci maddəsində nəzərdə tutulmuş əməli törətməkdə təqsirli bilinərək, inzibati xətanın bilavasitə obyekti olmuş pirotexniki mallar müsadirə edilməklə 350 (üç yüz əlli) manat məbləğində inzibati qaydada cərimə edilsin. Qərarın surəti təqdim edildiyi və ya alındığı gündən 10 gün müddətinə Bakı Apellyasiya Məhkəməsinə şikayət verilə bilər. Sədrlik edən Nərminə Rzayeva