Bakı Şəhəri Suraxanı Rayon Məhkəməsi Qərar — İş №3(010)-5832/2023

Azərbaycan Respublikası adından QƏRAR Bakı şəhəri İş № 3(010)-5832/2023 09.12.2023 BAKI ŞƏHƏRİ SURAXANI RAYON MƏHKƏMƏSİ Məhkəmənin hakimi Məmmədov Tural Nurulla oğlunun sədrliyi, Almuradov Ülvi Ramiz oğlunun katibliyi, Bakı şəhər Suraxanı rayon Polisi İdarəsinin 33-cü polis şöbəsinin polis sahə inspektoru, polis baş leytenantı X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1994-cü ildə Naxçıvan MR, Sədərək rayonunda anadan olmuş, Azərbaycan Respublikasının vətəndaşı, subay, işləməyən, Naxçıvan MR, ünvan 1i ünvanında qeydiyyatda olmaqla, Bakı şəhəri, Xəzər rayonu, Türkan qəsəbəsində yaşayan Şəxs barəsində Azərbaycan Respublikası İXM-nin 227-ci maddəsi ilə inzibati xəta törətməsinə dair Bakı şəhəri, Suraxanı RPİ-nin 33-cü PŞ-dən daxil olmuş inzibati xəta haqqında materiala baxaraq, müəyyən etdi: Bakı şəhəri Suraxanı RPİ-nin 33-cü PŞ-dən daxil olmuş inzibati xəta haqqında protokolda göstərilmişdir ki, Şəxs xx.xx.2023-cü il tarixdə saat təxminən 17.00 radələrində Yeni Günəşli qəsəbəsi, V yaşayış sahəsində yerləşən Bomart mağazasının qarşısında olan Toyota Prius markalı avtomobilin qapısını açmaq yolu ilə 93 manat pul, yaddaş kartı və bir ədəd Leo Bank plastik kartını götürmüş və bununla da Şəxs Azərbaycan Respublikası İXM-nin 227-ci maddəsi ilə nəzərdə tutulmuş inzibati xətanı törətmişdir. Məhkəmə iclasında çıxış edən Bakı şəhər Suraxanı rayon Polisi İdarəsinin 33-cü polis şöbəsinin polis sahə inspektoru, polis baş leytenantı X2 məhkəmə iclasında inzibati protokolu müdafiə etdiyini bildirdi və eyni zamanda qeyd etdi ki, barəsində inzibati xəta haqqında iş üzrə icraat aparılan şəxs Şəxs törətdiyi əməldən peşmandır. Məhkəmə iclasında Şəxs törətdiyi inzibati xətanı etiraf edərək, bildirdi ki, övladı xəstə olduğu üçün həmin pul vəsaiti və əşyaları götürmək məcburiyətində qalmışdır. Götürdüyü pulu oğluna xərcləmiş və kartla ödəniş vasitəsilə özünə siqaret almışdır. Bildirir ki, bu əməli məcburiyyət qarşısında qaldığı üçün törətmişdir. Məhkəmə iş materiallarını araşdırıb müəyyən etmişdir ki, Şəxs törətdiyi əməlləri özünün etirafı ilə yanaşı, iş materialları ilə də tam sübuta yetirilir. İş materiallarında olan AZA 009005 saylı xx.xx.2023-cü il tarixli protokoldan göründüyü kimi, Şəxs xx.xx.2023-cü il saat 09.30-da inzibati qaydada tutulmuşdur. Beləliklə, hazırkı inzibati xəta haqqında işin materialları ilə və barəsində inzibati icraat aparılan Şəxs etirafı ilə onun xırda talama növündə inzibati xəta törətməsi sübuta yetirilir. Məhkəmə Şəxs törədilmiş inzibati xətadan səmimi peşmançılığını onun məsuliyyətini yüngülləşdirən hal hesab edir. İş üzrə Şəxs məsuliyyətini ağırlaşdıran hal müəyyən olunmamışdır. AR İXM-in 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə - yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Məhkəmə inzibati xəta törətmiş Şəxs törətmiş olduğu fakt üzrə inzibati xətanın xarakterini və Şəxs səmimi peşmançılığını nəzərə alıb, hesab edir ki, ona təqsirli bilindiyi maddənin sanksiyasında nəzərdə tutulmuş ictimai işlər növündə inzibati tənbeh tədbiri tətbiq edilməlidir. Məhkəmə işin hallarını və Şəxs şəxsiyyətini nəzərə alaraq, hesab edir ki, Şəxs ictimai işlər növündə inzibati tənbeh tətbiq edilməsi inzibati tənbehin məqsədlərinə kifayət edir və ona AR İXM-in 227-ci maddəsində müəyyən edilmiş sanksiya çərçivəsində, 200 (iki yüz) saat ictimai işlər növündə inzibati tənbeh tətbiq olunmalıdır. Azərbaycan Respublikası İXM-nin 28.3-1-ci maddəsinə əsasən məhkəmə tərəfindən ictimai işlər növündə inzibati tənbeh tətbiq olunmuş şəxslərin üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulur. Məhkəmə, həmçinin inzibati xəta törətmiş Şəxs törətmiş olduğu inzibati xətanın xarakterini, əməlindən səmimi peşman olmasını nəzərə alıb, hesab edir ki, ona təqsirli bilindiyi maddənin sanksiyasında nəzərdə tutulmuş ictimai işlər növündə inzibati tənbeh tədbiri tətbiq edilməlidir. Azərbaycan Respublikası İXM-nin 31.4-cü maddəsinin tələbinə görə, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin üçdə birindən az ola bilməz. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 30, 31.4, 43, 106,112, 114 və 115-ci maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 227-ci maddəsi ilə təqsirli bilinib 200 (iki yüz) saat ictimai işlər növündə inzibati tənbeh tədbiri tətbiq edilsin. Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrasına nəzarət Şəxs yaşayış yeri üzrə Azərbaycan Respublikası Ədliyyə Nazirliyinin Bakı şəhər Probasiya İdarəsinə tapşırılsın. Qərarın surəti təqdim edildiyi və ya alındığı gündən 10 (on) gün müddətində Suraxanı rayon məhkəməsi vasitəsi ilə Bakı Apellyasiya məhkəməsinə şikayət və ya protest verilə bilər. Hakim: Tural Məmmmədov