Bakı Şəhəri Suraxanı Rayon Məhkəməsi Qərardad — İş №3(010)-654/2020

Azərbaycan Respublikası adından QƏRARDAD Bakı şəhəri İş № 3(010)-654/2020 06.07.2020 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Suraxanı Rayon DYPŞ-nin vəzifəli şəxsinin inzibati tənbeh vermə haqqında 31 may 2020ci il tarixli TP seriyalı ******* nömrəli qərarının ləğvinə dair x1 adından verilmiş şikayətə baxaraq, MÜƏYYƏN ETDİM: x3 Suraxanı Rayon DYPŞ-nin vəzifəli şəxsinin inzibati tənbeh vermə haqqında 31 may 2020-ci il tarixli TP seriyalı ******* nömrəli qərarı ilə Azərbaycan Respublikası İXM-nin 327.4-cü maddəsi ilə təqsirli bilinərək 100 manat miqdarında cərimə edilmişdir. x1 adından həmin qərarın ləğvinə dair şikayət verilib. Şikayəti nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Bununla əlaqədar olaraq ilk növbədə qeyd olunur ki, şikayət imzalanmayıb. Belə olan halda, şikayətin məhz x3 tərəfindən verilməsi halı müəyyən olunmur. Bununla yanaşı, Azərbaycan Respublikası İXM-nin 128.1-ci maddəsinə əsasən «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Həmin Məcəllənin 130.1-ci maddəsinə əsasən «Bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər». Eyni Məcəllənin 126.1-ci maddəsinə əsasən «Barəsində inzibati xəta haqqında iş üzrə qərar qəbul edilmiş şəxs inzibati xəta törətməsi barədə bu Məcəllənin 125.2.2-ci maddəsində və ya 125.2.3-cü maddəsində (elektron kabinetdə mobil telefon nömrəsi olmadığı halda) müəyyən olunmuş qaydada məlumatlandırıldığı vaxtdan 20 gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Şikayət şəxsən verilə və ya poçt, yaxud internet vasitəsilə göndərilə bilər». Azərbaycan Respublikası İXM-nin 125.2.2 və 125.2.3-cü maddələrinə əsasən «eyni zamanda müvafiq icra hakimiyyəti orqanının informasiya sistemi nəqliyyat vasitəsi istifadəçisinin elektron kabinetində olan mobil telefon nömrəsinə inzibati xəta törətməsi, törətdiyi xətanın qısa məzmunu, xətanın törədildiyi yer və vaxt, bu Məcəllənin hansı maddəsinə əsasən inzibati məsuliyyətə cəlb olunması, cərimənin məbləği, inzibati xəta haqqında iş üzrə qərarın nömrəsi, həmin sənədlə və ona əlavə edilmiş materiallarla tanış ola biləcəyi elektron kabinetin internet ünvanı və daxilolma qaydası barədə ödənişsiz SMS məlumatı dərhal göndərir», «inzibati tənbeh vermə haqqında elektron qərar əlavə edilmiş materiallarla birlikdə müvafiq icra hakimiyyəti orqanının mərkəzi informasiya sistemi tərəfindən kağız daşıyıcıda çap olunaraq, bu Məcəllənin 57-ci maddəsində nəzərdə tutulmuş rəsmi qaydada verilməsi üçün 2 gün ərzində müvafiq icra hakimiyyəti orqanına göndərilir». Yuxarıda qeyd olunduğu kimi, TP seriyalı ******* nömrəli qərar 31 may 2020-ci ildə verilib. Şikayət isə məhkəməyə 03 iyul 2020-ci ildə təqdim edilib. Şikayətdə qərarın surətinin x3 tərəfindən 17 iyun 2020-ci ildə əldə olunduğu göstərildiyinə baxmayaraq, bu hal heç bir sübutla təsdiq olunmur. Beləliklə, təqdim olunmuş sənədlərlə x2 Azərbaycan Respublikası İXM-nin 130.1-ci maddəsinin tələblərinə əməl etməsi halı müəyyən edilmir. Azərbaycan Respublikası İXM-nin 132.1.2-ci maddələrinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Həmin məsləyə baxaraq belə qənaətə gəlirəm ki, yuxarıda göstərilənlər icraatı rədd edən hallar kimi qiymətləndirilməlidir. Yuxarıda göstərilənlərə əsasən, QƏRARA ALDİM: Suraxanı Rayon DYPŞ-nin vəzifəli şəxsinin inzibati tənbeh vermə haqqında 31 may 2020-ci il tarixli TP seriyalı ******* nömrəliqərarının ləğvinə dair x3 tərəfindən verilmiş şikayət geri qaytarılsın. Hakim Ceyhun Qədimov