Bakı Şəhəri Suraxanı Rayon Məhkəməsi Qərar — İş №3(010)-685/2020

Azərbaycan Respublikası adından QƏRAR Bakı şəhəri İş № 3(010)-685/2020 14.07.2020 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı rayon Məhkəməsinin hakimi Rzayeva Nərminə Cahangir qızı, məhkəmə iclas katibi Ələmşahova Aytəkin Aqil qızının katibliyi ilə, barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokol tərtib etmiş şəxs Bakı şəhəri Suraxanı rayon İcra və Probasiya Şöbəsinin icra məmuru x2iştirakı ilə, Şəxs, xx xxxxxx 1989-cu ildə Bakı şəhər anadan olmuş, Azərbaycan Respublikasının vətəndaşı, FİN xxxxxxx, orta təhsilli, işləməyən, boşanmış, subay, iki yetkinlik yaşına çatmayan 2 uşağı olan, Suraxanı rayon Balandin 42 ünvanında qeydiyyatda olan, barəsində Bakı şəhəri Suraxanı rayon İcra və Probasiya Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: 14 iyul 2020-ci il tarixdə Bakı şəhəri Suraxanı rayon İcra və Probasiya Şöbəsinin icra məmuru x4 tərəfindən Şəxs Bakı şəhər Suraxanı rayon Məhkəməsinin 15 avqust 2014-cü il tarixli, 2(010)-5770/2014 nömrəli qətnaməsinə dair icra sənədini üzrsüz səbəbdən icra etməməsinə görə Şəxs barəsində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xəta törədilməsi haqqında protokol tərtib edilmişdir. Məhkəmə iclasında Şəxs bildirdi ki, Bakı şəhər Suraxanı rayon Məhkəməsinin 15 avqust 2014-cü il tarixli, 2(010)-5770/2014 nömrəli məhkəmə əmrinə əsasən, borclular Şəxs və x3 müştərək qaydada 4.640 (dörd min altı yüz qırx) manat məbləğində əsas borc və 20 (iyirmi) manat məbləğində dövlət rüsumu olmaqla, cəmi 4.660 (dörd min altı yüz altmış) manat miqdarında borc məbləği kreditor x5 xeyrinə tutulmuşdur. O, məhkəmənin qərarına hörmətlə yanaşdını, himayəsində iki uşağının olduğunu və imkanın olmadığını bildrimiş, üzərinə müəyyən məbləğdə borcun ödənilməsi tələbi qoyulmuşdur. Tanışının olduğunu və o bir nəfərə maşın götürmək istədiyini, həmin şəxsi tanımadığını, onun şəxsiyyət vəsiqəsinin vaxtı bitdiyi halda, vəsiqəsinin sürəti ilə onun adına borc yaratdığını bildirmiş, eyni zamanda həmin borcluların heç birini tanımadığını bildirmişdir. Hazırda İşləmədiyini və imkanıda olmadığını öz izahatında bildirmiş, müəyyən qədər məbləğ düzəltməyi üçün ona vaxt verilməsini xahiş etmişdir. İnzibati xəta törədilməsi haqqında protokol tərtib etmiş icra məmuru x4 məhkəmədə bildirdi ki, icra sənədi Bakı şəhəri Suraxanı rayon İcra və Probasiya Şöbəsinin icraatına daxil olduqdan sonra müvafiq qaydada icraata başlanılmış, icraata başlamaq haqqında qərar və bildiriş borclunun yaşadığı ünvana göndərilmiş və könüllü icra üçün borcluya 10 gün müddətinə vaxt verilmişdir. Lakin borclu qanunla müəyyən edilmiş müddət ərzində icranı könüllü olaraq təmin etməmişdir. Həmçinin,qeyd etmişdir ki, bildiriş şəxsin ünvanına göndərilsə də, onun orada yaşamadığı məlum olmuşdur, buna görə də şəxs axtarışa verilmişdir. 15.02.2018-ci ilə Sabunçu İcra və Probasiya şöbəsində izahatı alınmış, eyni zamanda icra sənədini icra etməyəcəyi təqdirdə Azərbaycan Respublikası İXM-nin 528.1ci maddəsi ilə nəzərdə tutulmuş inzibati məsuliyyət barədə xəbərdar olunmuşdur. 08.07.2020-ci il tarixində Polis əməkdaşları tərəfindən saxlanılmış və icra şöbəsinə təhvil verilmişdir. İzahatı alınmış və izahatında bildirmişdir ki, borcu yoxdur adının həmin borca necə düşdüyündən qətnamə qəbul olunmasından xəbəri olmamışdır və borcu ödəməyə imkanı da yoxdur. Göründüyü kimi borclu bir icra məmuru kimi onun qanuni tələblərini yerinə yetirməyərək icra sənədi üzrə yaranmış vəzifəsini yerinə yetirməmişdir.Bu səbəbdən də məhkəmənin qanuni qüvvəyə minmiş qətnaməsi bu günə kimi icra olunmamışdır. Buna görə də icra sənədinin icrasının təmin edilməsinə nail olmaq məqsədilə Şəxs barəsində Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xəta törədilməsi haqqında protokol tərtib etmişdir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə icraat aparılan şəxsin və inzibati xəta haqqında protokol tərtib etmiş şəxsi dinləyərək, məhkəmə hesab edir ki, Şəxs əməlində Azərbaycan Respublikası İXMnin 528.1-ci maddəsi ilə nəzərdə tutulmuş inzibati xətanın tərkibi olmadığına görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında iş üzrə icraata xitam verilməlidir. Belə ki, iş materiallarında olan Bakı şəhər Suraxanı rayon Məhkəməsinin 15 avqust 2014-cü il tarixli, 2(010)-5770/2014 nömrəli məhkəmə əmrindən görünür ki, borclular Şəxs və x3 müştərək qaydada 4.640 (dörd min altı yüz qırx) manat məbləğində əsas borc və 20 (iyirmi) manat məbləğində dövlət rüsumu olmaqla –cəmi 4.660 (dörd min altı yüz altmış) manat miqdarında borc məbləği kreditor x5 xeyrinə tutulmuşdur. 08 iyul 2020-ci il tarixli, MN seriyalı, ******* nömrəli inzibati xəta haqqında protokoldan görünür ki, Bakı şəhər Suraxanı rayon Məhkəməsinin 15 avqust 2014-cü il tarixli, 2(010)- 5770/2014 nömrəli məhkəmə əmrinə əsasən, borclu Şəxs borcu 4660 manat təşkil edir. İş materiallarına əlavə edilmiş ödəniş qəbzindən görünür ki,Şəxs borcundan icra sənədi üzrə tələbkar x6 200 manat ödəmişdir. Azərbaycan Respublikası İXM-nin 528.1-ci maddəsinin dispozisiyasından görünür ki, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzürsüz səbəbdən icra edilməməsinə görə inzibati məsuliyyət nəzərdə tutulmuşdur. Məhkəmə borclu Şəxs Bakı şəhər Suraxanı rayon Məhkəməsinin 15 avqust 2014-cü il tarixli, 2(010)-5770/2014 nömrəli məhkəmə əmrinə dair icra sənədi üzrə yaranmış borcundan icra sənədi üzrə tələbkar x5 xeyrinə 200 manat ödədiyini nəzərə alaraq hesab edir ki, Şəxsborcunun azaldılması üçün real hərəkətlər etdiyi halda, maddi imkansızlıq ucbatından bir müddət icra sənədini icra edə bilməməsinəgörə M.Q.Heydərovun əməlinin sözügedən icra sənədinin icrasından qərəzli olaraq boyun qaçırması kimi tövsif edilməsi və Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta tərkibinin bütün əlamətlərini daşıyan əməli (hərəkət və ya hərəkətsizliyi) törətmiş şəxs qismində təqsirli hesab edilməsi yol verilməzdir. Bununla da x1 Bakı şəhər Suraxanı rayon Məhkəməsinin 15 avqsut 2014-cü il tarixli, 2(010)-5770/2014 nömrəli qətnaməsinə dair icra sənədini üzrsüz səbəbdən icra etməməsi sübuta yetirilmir. Beləliklə, işdə olan sübutlarla Şəxs əməlində inzibati xəta tərkibi olmadığı müəyyən edildiyindən onun barəsində başlanılmış inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İnzibati Xətalar Məcəlləsinin 114.1.4, 114.2 və 114.2.1-ci maddələrinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 53.0 və 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilməlidir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 105.1, 114, 115, 128-130-cu maddələrini rəhbər tutaraq, QƏRARA ALDİM: Əməlində inzibati xəta tərkibi olmadığına görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanılmış inzibati xəta haqqında işin icraatına xitam verilsin. Qərarın surəti təqdim edildiyi və ya alındığı gündən 10 (on) gün müddətində qərardan Bakı şəhəri Suraxanı rayon məhkəməsi vasitəsilə Bakı Apelyasiya Məhkəməsinə şikayət verilə bilər. Bakı şəhəri Suraxanı rayon məhkəməsinin Hakimi Nərminə Rzayeva