Bakı Şəhəri Suraxanı Rayon Məhkəməsi Qərardad — İş №3(010)-763/2021

Azərbaycan Respublikası adından QƏRARDAD Bakı şəhəri İş № 3(010)-763/2021 01.06.2021 BAKI ŞƏHƏRİ SURAXANI RAYON MƏHKƏMƏSİ Mən, Suraxanı Rayon Məhkəməsinin hakimi İbrahimov Anar Firdovsi oğlu Nümayəndə EPQ seriyalı ******* nömrəli qərarın ləğv edilərək inzibati xəta haqqında iş üzrə icraata xitam verilməsinə dair şikayətinə baxaraq, M Ü Ə Y Y Ə N E T D İ M: Nümayəndə X1 barəsində İXM-nin 211.2-ci maddəsinə əsasən tərtib olunmuş 20.05.2021-ci il tarixli EXP ******* nömrəli protokol üzrə qəbul edilmiş 100 manat inzibati cərimə tətbiq edilməsi haqqında 20.05.2021-ci il tarixli qərarın ləğv edilərək, inzibati xəta haqqında iş üzrə icraata xitam verilməsinə dair şikayət verib. Şikayəti nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Belə ki, Azərbaycan Respublikası İXM-nin 106.0.3 və 106.0.5-ci maddələrinə əsasən hakim inzibati xəta haqqında işi baxılmağa hazırlayarkən inzibati xəta haqqında protokolun və işin digər materiallarının bu Məcəllənin tələblərinə müvafiq olaraq tərtib edilib-edilmədiyini, habelə işə mahiyyəti üzrə baxılması üçün işdə kifayət qədər sübutların toplanıb-toplanmadığını araşdırır. Məhkəmə yuxarıda göstərilən məsələləri araşdıraraq aşağıdakıları qeyd edir. Azərbaycan Respublikası İXM-nin 63.1-ci maddəsinə əsasən «Barəsində inzibati xəta haqqında iş üzrə icraat aparılan fiziki şəxs və ya zərər çəkmiş şəxs yetkinlik yaşına çatmadıqda, yaxud fəaliyyət qabiliyyəti olmadıqda və ya məhdud fəaliyyət qabiliyyətli olduqda, həmin şəxslərin mənafeyini onların qanuni nümayəndələri təmsil edir». Şikayət ərizəsi məhkəməyə təqdim olunarkən qanunvericiliyin yuxarıda göstərilən tələbi pozulub. Belə ki, şikayət ərizəsinin məzmunundan görünür ki, Nümayəndə yetkinlik yaşına çatmayan X1 qanuni nümayəndəsi qismində X1 barəsində İXM-nin 211.2-ci maddəsinə əsasən tərtib olunmuş 20.05.2021-ci il tarixli EXP ******* nömrəli protokol üzrə qəbul edilmiş 100 manat inzibati cərimə tətbiq edilməsi haqqında 20.05.2021-ci il tarixli qərarın ləğv edilərək edilərək inzibati xəta haqqında iş üzrə icraata xitam verilməsini xahiş edir. Lakin Nümayəndə yetkinlik yaşına çatmayan X1 qanuni nümayəndəsi olmasını təsdiq edən mötəbər sənədləri iş materiallarına əlavə etməmişdir. Bununla da məhkəmə tərəfindən Nümayəndə yetkinlik yaşına çatmayan X1 qanuni nümayəndəsi olmasını müəyyən etmək mümkün olmamışdır. Azərbaycan Respublikası İXM-nin 128.1-ci maddəsinə əsasən, «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Həmin Məcəllənin 128.2.3-cü maddəsinə əsasən səlahiyyətli orqanın (vəzifəli şəxsin) qərarından yuxarı səlahiyyətli orqana (vəzifəli şəxsə) və ya məhkəməyə şikayət verilə bilər. Azərbaycan Respublikası İXM-nin 109.1.6-cı maddəsinə əsasən «protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması» barədə qərar qəbul edilir. Göründüyü kimi məhkəməyə təqdim olunmuş sənədlər natamamdır. Yuxarıda göstərilənlərə əsasən və Azərbaycan Respublikası İXM-nin 109, 118-ci maddələrini rəhbər tutaraq, Q Ə R A R A A L D İ M: Nümayəndə EPQ seriyalı ******* nömrəli qərarın ləğv edilərək inzibati xəta haqqında iş üzrə icraata xitam verilməsinə dair şikayəti geri qaytarılsın. Sədrlik edən Anar İbrahimov