Bakı Şəhəri Suraxanı Rayon Məhkəməsi Qərardad — İş №3(010)-777/2021

Azərbaycan Respublikası adından QƏRARDAD Bakı şəhəri İş № 3(010)-777/2021 14.06.2021 BAKI ŞƏHƏRİ SURAXANI RAYON MƏHKƏMƏSİ Mən, Suraxanı Rayon Məhkəməsinin hakimi Anar İbrahimov Firdovsi oğlu Şəxs barəsində Azərbaycan Respublikası İXM-nin 529.3-cü maddəsi ilə tərtib edilmiş İXP ******* saylı inzibati protokola baxılıb xitam verilməsinə dair Nərimanov rayon Polis İdarəsindən daxil olmuş inzibati xəta haqqında işi baxılmağa hazırlayarkən, M Ü Ə Y Y Ə N E T D İ M: Nərimanov rayon Polis İdarəsi Şəxs barəsində Azərbaycan Respublikası İXM-nin 529.3-cü maddəsi ilə tərtib edilmiş İXP ******* saylı inzibati protokola baxılıb xitam verilməsinə dair məktub 21.05.2021-ci il tarixli İXP seriyalı ******* nömrəli inzibati xəta haqqında protokol və ona əlavə edilmiş sənədlərlə birlikdə baxılması üçün Suraxanı Rayon Məhkəməsinə təqdim etmişdir. İş materiallarını nəzərdən keçirərək məhkəmə qeyd edir ki, məhkəməyə təqdim olunmuş sənədlər natamamdır. Belə ki, Azərbaycan Respublikası İXM-nin 152.5-cı maddəsinə əsasən barəsində yol hərəkəti qaydaları əleyhinə olan inzibati xəta, yaxud bu Məcəllənin 353.2-ci maddəsində nəzərdə tutulan inzibati xəta törətməyə görə inzibati cərimə növündə inzibati tənbeh tətbiq etmə haqqında qərarın icra edilməməsinə görə nəqliyyat vasitəsini idarə etmək hüququnun məhdudlaşdırılmasına dair qərar çıxarılmış şəxs inzibati cəriməni və müvafiq olaraq hesablanmış dəbbə pulunu ödədikdə, bu qərara onu qəbul etmiş məhkəmə tərəfindən həmin şəxsin vəsatəti əsasında xitam verilir. Lakin məhkəmə tərəfindən Şəxs barəsində belə bir qərar qəbul edilməmişdir. Bundan əlavə Nərimanov rayon Polis İdarəsi Şəxs barəsində Azərbaycan Respublikası İXM-nin 529.3-cü maddəsi ilə tərtib edilmiş İXP ******* saylı inzibati protokola baxılıb xitam verilməsi üçün 21.05.2021-ci il tarixli İXP seriyalı ******* nömrəli inzibati xəta haqqında protokolu ona əlavə edilmiş sənədlərlə birlikdə baxılması üçün Suraxanı Rayon Məhkəməsinə göndərilsə də, Asanpay portalından çıxarışdan görünür ki, Şəxs İXP ******* saylı protokol üzrə cəriməni ödəməmişdir. Məhkəmə qeyd edir ki, Şəxs İXP ******* saylı protokol üzrə cəriməni ödəmədiyindən iş üzrə icraata xitam verilməsi mümkün deyil. Azərbaycan Respublikası İXM-nin 109.1.6-cı maddəsinə əsasən «protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması» barədə qərardad qəbul olunur. Göstərilənlərə əsasən inzibati xəta haqqında protokol və ona edilmiş sənədlər geri qaytarılmalıdır. Yuxarıda göstərilənlərə əsasən və Azərbaycan Respublikası İXM-nin 109, 118-ci maddələrini rəhbər tutaraq, Q Ə R A R A A L D İ M: Şəxs barəsində Azərbaycan Respublikası İXM-nin 529.3-cü maddəsi ilə tərtib edilmiş İXP ******* saylı inzibati protokola baxılıb xitam verilməsinə dair məktub, 21.05.2021-ci il tarixli İXP seriyalı ******* nömrəli inzibati xəta haqqında protokol və ona əlavə edilmiş sənədlər Nərimanov rayon Polis İdarəsinə qaytarılsın. Sədrlik edən Anar İbrahimov