Bakı Şəhəri Suraxanı Rayon Məhkəməsi Qərar — İş №3(010)-796/2020

Azərbaycan Respublikası adından QƏRAR Bakı şəhəri İş № 3(010)-796/2020 06.08.2020 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Mazanov Kamran Ramazan oğlunun katibliyi, zərərçəkmiş şəxs X1 iştirakı ilə xx xxxx 1979-cu ildə Bakı şəhərində doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, ünvan 1 ünvanında qeydiyyatda olan və Bakı şəhəri, Sabunçu rayonu, Zabrat qəsəbəsi, S.Əsgərov küçəsi, nömrəsiz evdə yaşayan Şəxs Azərbaycan Respublikası İXM-nin 157-ci maddəsi ilə təqsirləndirilməsinə dair inzibati xəta haqqında işə baxaraq, MÜƏYYƏN ETDİM: Suraxanı Rayon Polis İdarəsinin 32-ci polis şöbəsi tərəfindən təqdim olunmuş xx xxxxxx 2020-cu il tarixli MN seriyalı ******* nömrəli inzibati xəta haqqında protokoldan və ona əlavə edilmiş sənədlərdən, o cümlədən Suraxanı Rayon Polis İdarəsinin 32-ci polis şöbəsinin təhqiqatçısının «cinayət işinin başlanmasının rədd edilməsi haqqında» xx xxxx 2020-ci il tarixli qərarından görünür ki, Şəxs xx xxxx 2020-ci ildə saat 16:00 radələrində ünvan 1 ünvanında qardaşı arvadı X2 aralarında yaranmış mübahisə zəminində döyərək dərəcəsi təyin edilməyən xəsarətlər yetirmişdir. Şəxs yuxarıda təsvir olunmuş inzibati xətanı törətməkdə özünü təqsirli bilməyərək qeyd etmişdir ki, qardaşı Vasif Quliyevlə münasibətləri kəskindir. Zərərçəkmiş şəxs X4 arvadıdır. Bildirir ki, xx xxxx 2020-ci ildə saat 16 radələrində qardaşı ilə arasında sonuncunun ondan şikayət etməsi səbəbindən mübahisə yaranmışdır. Kəmalə araya girib həmin mübahisəyə müdaxilə etmək istəmiş, bu səbəbdən onun qolundan tutaraq kənara itələmişdir. Qeyd edir ki, zərərçəkmiş şəxsi vurmayıb və ona xəsarət yetirməyib. Göstərilənlərə əsasən iş üzrə icraata xitam verilməsini məhkəmədən xahiş edir. İşin məhkəmə baxışı zamanı zərərçəkmiş şəxs qismində dindirilmiş X3 bildirmişdir ki, xx xxxx 2020-ci ildə saat 16 radələrində yaşadığı ünvan 1 ünvanında əri Vasif Quliyevlə birlikdə olduğu vaxt qaynatası Sabir Quliyev, həmçinin qayınları Şəxs və Tural Quliyev gələrək əri Vasif Quliyevlə sonuncunun ondan şikayət etməsi səbəbindən mübahisə etməyə başlamışlar. Bu zaman Elnur Vasifin ünvanına nalayiq ifadələr işlətmiş, o (zərərçəkmiş şəxs) isə buna irad bildirmişdir. Bundan sonra Elnur onun sağ qolundan tutaraq burmuş, daha sonra isə onun tərəfinə bıçaq ataraq çeçələ barmağına xəsarət yetirmişdir. Qeyd edir ki, Şəxslə barışmayıb və ona qanunla nəzərdə tutulan ən ağır tənbeh tətbiq olunmasını məhkəmədən xahiş edir. Barəsində inzibati xəta haqqında iş üzrə icraat aparılan şəxs özünü təqsirli bilmədiyinə baxmayaraq, onun müvafiq inzibati xətanı törətməsi faktı yuxarıda qeyd olunan ifadələrlə yanaşı, iş üzrə toplanmış digər sübutlarla da təsdiq olunur. xx xxxx 2020-ci il tarixli 578 nömrəli ekspert rəyinin nəticəvi hissəsində qeyd olunur ki, X1 “bədən səthində aşkar edilmiş xəsarətlər – sağ əlin V barmağının kəsilmiş dəri yarışı iti kənarlı əşya təsirindən, sağ bazunun qançırı bərk küt əşyanın (əşyaların) təsirindən törənmişlər, törənmə müddətləri qərarda göstərilən xx.xx.2020-ci il tarixdə əmələ gələ bilərdi və sağlamlığa zərər vurmayan xəsarətlər olduqları üçün dərəcəli təyin edilmir”. Beləliklə, iş üzrə toplanmış sübutların cəminə hüquqi qiymət verərək hesab edirəm ki, Şəxs Azərbaycan Respublikası İXM-nin 157-ci maddəsində nəzərdə tutulmuş inzibati xətanı törətmişdir. Ona görə də barəsində inzibati xəta haqqında iş üzrə icraat aparılan şəxs həmin maddə ilə təqsirli bilinərək məsuliyyətə cəlb olunmalıdır. Azərbaycan Respublikası İXM-nin 31.2-ci maddəsinə əsasən « Fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır». Hesab edirəm ki, barəsində inzibati xəta haqqında iş üzrə icraat aparılan şəxsin himayəsində iki nəfər yetkinlik yaşına çatmamış uşağının olması iş üzrə məsuliyyəti yüngülləşdirən hal kimi nəzərə alınmalıdır. İş üzrə məsuliyyəti ağırlaşdıran hal müəyyən edilməmişdir. Yuxarıda göstərilənlərə əsasən və Azərbaycan Respublikası İXM-nin 114, 115, 117, 128 – 130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İXM-nin 157-ci maddəsi ilə təqsirli bilinərək 400 (dörd yüz) manat miqdarında cərimə edilsin. Qərarın surəti təqdim edildiyi və ya alındığı gündən 10 gün müddətində Suraxanı Rayon Məhkəməsi vasitəsi ilə Bakı Apelyasiya Məhkəməsinə şikayət və ya protest verilə bilər. Hakim Ceyhun Qədimov