Bakı Şəhəri Suraxanı Rayon Məhkəməsi Qərar — İş №3(010)-80/2022

Azərbaycan Respublikası adından QƏRAR Bakı şəhəri İş № 3(010)-80/2022 07.01.2022 BAKI ŞƏHƏRİ SURAXANI RAYON MƏHKƏMƏSİ Hakim İbrahimov Anar Firdovsi oğlunun sədrliyi, Hacıyev Gündüz Nizami oğlunun katibliyi ilə, Suraxanı rayon İcra Şöbəsinin icra məmuru Elxan Abbasovun, Borclu Şəxs, X2 iştirakları ilə, xx.xx.1981-ci ildə Bakı şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan Şəxs barəsində Azərbaycan Respublikası İXM-nin 528.1-ci maddəsi ilə Suraxanı rayon İcra Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Xətai rayon Məhkəməsinin 27.03.2018-ci il tarixli, 2(011)-3328/2018 saylı icra vərəqəsinə əsasən Bakı şəhəri Xətai Rayon Məhkəməsinin 06.06.2016-cı il tarixli 2(011)-6037/2016 saylı qətnaməsi ilə 10.08.2013-cü il təvəllüdlü X1 üçün Şəxs tutulan alimentin miqdarı artırılması,hazırkı qətnamə qanuni qüvvəsinə mindiyi gündən hesablanmaqla 10.08.2013-cü il təvəllüdlü X1 üçün Şəxs hər ay 154 manat aliment X3 xeyrinə tutulması qət edilmişdir. Borclu Şəxs dəfələrlə icra vərəqəsinin icrasını təmin etmək məqsədi ilə görülmüş icra tədbirlərinə baxmayaraq, borclu icra vərəqəsinin icrasından yayınmışdır. Məhkəmədə izahat vermiş Bakı şəhər Suraxanı rayon İcra Şöbəsinin icra məmuru Elxan Abbasov göstərmişdir ki, Bakı şəhəri Xətai rayon Məhkəməsinin 27.03.2018-ci il tarixli, 2(011)-3328/2018 saylı icra vərəqəsinə əsasən Bakı şəhəri Xətai Rayon Məhkəməsinin 06.06.2016-cı il tarixli 2(011)-6037/2016 saylı qətnaməsi ilə 10.08.2013-cü il təvəllüdlü X1 üçün Şəxs tutulan alimentin miqdarı artırılması, hazırkı qətnamə qanuni qüvvəsinə mindiyi gündən hesablanmaqla 10.08.2013-cü il təvəllüdlü X1 üçün Şəxs hər ay 154 manat aliment X3 xeyrinə tutulması qət edilmişdir. Borclu Şəxs dəfələrlə icra vərəqəsinin icrasını təmin etmək məqsədi ilə görülmüş icra tədbirlərinə baxmayaraq, borclu icra vərəqəsinin icrasından yayınmışdır. Hal-hazırda borclunun 9526 manat məbləğində ödənilməmiş aliment borcu yaranmışdır. Məhkəmədə izahat vermiş borclu Şəxs bildirmişdir ki, Bakı şəhəri Xətai rayon Məhkəməsinin 27.03.2018-ci il tarixli, 2(011)-3328/2018 saylı icra vərəqəsinə əsasən 10.08.2013-cü il təvəllüdlü X1 üçün ondan hər ay 154 manat aliment X3 xeyrinə tutulması qət edilmişdir. O, icra vərəqəsinin icrasından yayınmır. Belə ki, o, pandemiyadan əvvəl aliment borcundan kifayət qədər ödənişlər etmişdir. Lakin panemiya ilə əlaqədar işsiz qalmış və aliment borcundan ödəniş edə bilməmişdir. Alimentin ödənilməməsi onun maddi vəziyyətinin qənaətbəxş olmaması ilə bağlıdır. Məhkəmədə izahat vermiş tələbkar X5 bildirmişdir ki, Bakı şəhəri Xətai rayon Məhkəməsinin 27.03.2018-ci il tarixli, 2(011)-3328/2018 saylı icra vərəqəsinə əsasən 10.08.2013-cü il təvəllüdlü X1 üçün Şəxs hər ay 154 manat aliment onun xeyrinə tutulması qət edilmişdir. Hal-hazırda borclunun 9526 manat məbləğində ödənilməmiş aliment borcu yaranmışdır. Borclu aliment pulunu tam ödəmədiyi üçün o, övladının elementar xərclərini ödəyə bilmir. İş materiallarında olan Bakı şəhər Suraxanı rayon İcra şöbəsinin 07 yanvar 2022-ci il tarixli, MN ******* saylı inzibati xəta haqqında protokolundan görünür ki, Bakı şəhəri Xətai rayon Məhkəməsinin 27.03.2018-ci il tarixli, 2(011)-3328/2018 saylı icra vərəqəsinə əsasən Şəxs 9526 manat aliment borcu yaranmışdır. Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi tərtib edilmiş iş materialları ilə sübuta yetir. «İnsan hüquqlarının və əsas azadlıqların müdafıəsi haqqında» Avropa konnvensiyasının 6-cı maddəsinin 1-ci hissəsinə əsasən «hər kəs, onun mülki hüquq və vəzifələri müəyyən edilərkən və ya ona qarşı hər hansı cinayət ittihamı irəli sürülərkən, onun əsasında yaradılmış müstəqil və qərəzsiz məhkəmə vasitəsi ilə, ağlabatan müddətdə işinin ədalətli və açıq araşdırılması hüququna malikdir. Hüquqi cəhətdən dəyərləndirilməsi vacib olan məsələlərdən biri də qanuni qüvvəyə minmiş məhkəmə qətnaməsinin icra olunmamasıdır. Konvensiyanın 6-cı maddəsinə əsasən məhkəmə qətnaməsinin icrası «məhkəmə baxışının tərkib hissəsi» kimi qiymətləndirilir. İnsan Hüquqları üzrə Avropa Məhkəməsi «Homsbi Yunanıstana qarşı» işdə (19 mart 1997-ci il) qeyd etmişdir ki, iştirakçı dövlətlərin məhkəmə sistemi məhkəmənin məcburi və yekun qərarının icra olunmamasın və beləliklə tərəflərin birinin maraqlarına zərər vurulmasına imkan verirsə, deməli Konvensiyanın 6-cı maddəsində nəzərdə tutulan "məhkəmə baxışına hüquq" xəyali xarakter alacaqdır. İnsan Hüquqları üzrə Avropa Məhkəməsi «Burdov Rusiyaya qarşı» işdə (7 may 2002-ci il) eyni xarakterli məsələlərə bir daha toxunaraq qeyd etmişdir ki, məhkəmə qərarının icrası üçün zəruri tədbirlər görməkdən uzun müddət yayınma 6-cı maddənin 1ci bəndində ifadəsini tapmış müddəanın faydalılıq qüvvəsindən məhrum etmiş olur. Məhkəmə həmin fikirlərini «"xxxx" MMC Rusiya Federasiyasına qarşı» işdə (14 iyun 2005-ci il) də təkrarlamış, cavabdehin dövlətin məhkəmə qətnaməsinin icra olunmamasında vəsait çatışmazlığına istinad etməsini əsaslı hesab etməmişdir. "Roseltrans» ASC Rusiya Federasiyasma qarşı" (21 iyul 2005-ci il) işdə məhkəmə belə nəticəyə gəlmişdir ki, ağlabatan müddətdə ədalətli, açıq məhkəmə baxışının keçirilməsini nəzərdə tutan Konvensiyanın 6-cı maddəsinin 1-ci bəndinin məhkəmə qətnaməsinin icrasına təminat verməməsini təsəvvür etmək çətindir Məhkəmə Şəxs cəza təyin edərkən məsuliyyətini yüngülləşdirən və ağırlaşdırılan halların olmamasını nəzərə alaraq, eyni zamanda, törədilmiş inzibati xətanın xarakterini, onun təqsirinin dərəcəsini nəzərə almaqla, barəsində inzibati həbs tənbeh növü təyin olunmasını məqsədə müvafiq hesab edir. Yuxarıda göstərilənlərə əsasən və Azərb. Res-sı İXM-nin 43-48, 106-115 və 117-ci maddələrini maddələrini rəhbər tutaraq, məhkəmə QƏRARA A L D İ: Şəxs Azərbaycan Respublikası İXM-nin 528.1-ci maddəsi ilə təqsirli bilinib, 10 (on) gün müddətinə inzibati həbs edilsin. Həbsin əvvəli 07 yanvar 2022-ci il saat 17:55-dən hesablansın. Qərarın surəti təqdim edildiyi və ya alındığı gündən 10 gün müddətinə Bakı Apelyasiya Məhkəməsinə şikayət verilə bilər. Sədrlik edən: Anar İbrahimov