Bakı Şəhəri Suraxanı Rayon Məhkəməsi Qərardad — İş №3(010)-876/2020

Azərbaycan Respublikası adından QƏRARDAD Bakı şəhəri İş № 3(010)-876/2020 25.08.2020 BAKI ŞƏHƏRİ SURAXANI RAYON MƏHKƏMƏSİ Mən, Bakı şəhəri Suraxanı rayon Məhkəməsinin hakimi Nuriyev Elnur Aləm oğlu, məhkəmə iclas katibi X4 oğlunun katibliyi ilə, Şəxs, xx xxxxx 1976-cı ildə Saatlı rayonunda anadan olmuş, Azərbaycan Respublikasının vətəndaşı, FİN xxxxxxx, Bakı şəhəri, Binəqədi rayonu, Cavadxan küçəsi, 8 nömrəli evdə qeydiyyatda olan, barəsində Bakı şəhər Baş Polis İdarəsi Dövlət X3 daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM: xx xxxxxx 2020-ci il tarixdə Bakı şəhər Baş Polis İdarəsi Dövlət X3 Şəxs tərəfindən Azərbaycan Respublikası İXM-nin 333.1-ci maddəsi ilə nəzərdə tutulmuş inzibati xətanın törədilməsi haqqında protokol və ona əlavə edilmiş materiallar Bakı şəhəri Suraxanı rayon Məhkəməsinə daxil olmuşdur. xx xxxxxx 2019-cu il tarixli inzibati xəta haqqında protokoldan görünür ki, Şəxs həmin tarixdə, saat 07:13-də, “Toyota Prius” markalı, ** UZ *** dövlət qeydiyyat nişanlı avtomobili Bakı şəhəri, Suraxanı rayonu, Zığ şossesində idarə edərkən Bakı şəhər Baş Polis İdarəsi Dövlət X5 yol patrul xidməti inspektoru tərəfindən saxlanılmış və müəyyən edilmişdir ki, Şəxs nəqliyyat vasitəsini alkoqol sərxoşluğu vəziyyətində idarə etmişdir. Lakin iş materiallarında olan sərxoşluq vəziyyətini müəyyən etmək üçün xüsusi texniki vasitədən istifadə etmək haqqında protokoldan və ona əlavə edilmiş göstəricisindən isə görünür ki, xx xxxxxx 2020-ci il tarixdə, saat 07:11-də, “Toyota Prius” markalı, ** UZ *** dövlət qeydiyyat nişanlı avtomobilin sürücüsü Şəxs spirtli içki qəbul etməsi özünü aşkar şəkildə biruzə verdiyindən Azərbaycan Respublikası İXM-nin 96-cı maddəsinə əsasən onun sərxoşluq vəziyyətinin müəyyən edilməsi üçün “ACE-Z” markalı, İN-642226 nömrəli xüsusi texniki vasitədən istifadə edilmişdir. Müayinə nəticəsində Şəxs spirtli içki qəbul etdiyi, qanında alkoqolun konsentrasiyasının 0.661 promilli olduğu müəyyən olunmuşdur. Göründüyü kimi Şəxs barəsində tərtib edilmiş inzibati xəta haqqında protokolda inzibati xətanın xx xxxxxx 2019-cu il tarixdə törədildiyi qeyd edilsə də, həmin protokola əlavə edilmiş digər sənədlərdən inzibati xətanın xx xxxxxx 2020-ci il tarixdə törədildiyi müəyyən edildir. Bununla da Şəxs barəsində tərtib edilmiş inzibati xəta haqqında protokolla, həmin protokola əlavə edilmiş sənədlər arasında inzibati xətanın törədildiyi ilə dair əhəmiyyətli dərəcədə fərqlilik var. Azərbaycan Respublikası İXM-nin 106.0, 106.0.1-106.0.3-cü maddələrinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən işin baxılması onun səlahiyyətinə aiddirmi, işin hakim, kollegial orqanın üzvü, vəzifəli şəxs tərəfindən baxılmasını istisna edən hallar mövcuddurmu, inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilmişdirmi kimi məsələləri həll edir. Azərbaycan Respublikası İnzibati Xətalar Məcəlləsinin 109.1.6-cı maddəsi ilə müəyyən edilmişdir ki, inzibati xəta haqqında işin baxılmağa hazırlanması zamanı işə baxan hakim, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda hakim inzibati xəta haqqında protokolu onu tərtib etmiş orqana, vəzifəli şəxsə geri qaytarılması barədə qərardad qəbul edir. Bununla əlaqədar məhkəmə hesab edir ki, inzibati xəta haqqında protokol və ona əlavə edilmiş materiallar düzgün tərtib olunmadığına görə inzibati xəta haqqında protokol onu tərtib etmiş vəzifəli şəxsə qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 100, 106, 109 və 128-ci maddələrini rəhbər tutaraq, QƏRARA ALDİM: Şəxs tərəfindən inzibati xəta törədilməsi haqqında xx xxxxxx 2019-cu il tarixli, İXP seriyalı, ******* nömrəli protokol, onu tərtib etmiş Bakı şəhər Baş Polis İdarəsi Dövlət X5 yol patrul xidməti inspektoru X1 qaytarılsın. Qərardaddan apelyasiya şikayəti verilə bilməz. Hakim Elnur Nuriyev