Bakı Şəhəri Suraxanı Rayon Məhkəməsi Qərardad — İş №3(010)-932/2020

Azərbaycan Respublikası adından QƏRARDAD Bakı şəhəri İş № 3(010)-932/2020 11.09.2020 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu Suraxanı rayon DYPŞ-nin YPX-nin vəzifəli şəxsinin inzibati tənbeh vermə haqqında xx xxxxxxxx 2020-ci il tarixli TP seriyalı ******* nömrəli qərarından X2 tərəfindən verilmiş şikayəti baxmağa hazırlayarkən, MÜƏYYƏN ETDİM: Suraxanı rayon DYPŞ-nin YPX-nin vəzifəli şəxsinin inzibati tənbeh vermə haqqında xx xxxxxxxx 2020-ci il tarixli TP seriyalı ******* nömrəli qərarı ilə fiziki şəxs X2 Azərbaycan Respublikası İXM-nin 335.3-cü maddəsi ilə təqsirli bilinib 180 manat miqdarında cərimə edilmişdir. X2 həmin qərardan şikayət verib. Azərbaycan Respublikası İXM-nin 129.1.3-cü maddəsinə əsasən «səlahiyyətli orqanın (vəzifəli şəxsin) qərarından məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə» verilir. «Yaşayış yeri və olduğu yer üzrə qeydiyyat haqqında» Azərbaycan Respublikası Qanununun 3-cü maddəsinin 1-ci hissəsinin 1-ci bəndinə əsasən Azərbaycan Respublikası vətəndaşının yaşayış yeri yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. Şikayətdən, X1 şəxsiyyət vəsiqəsinin şikayətə əlavə olunmuş surətindən və «AZEMİS» Elektron Məhkəmə İnformasiya Sistemi məlumatından görünür ki, şikayətçinin qeydiyyatı Masallı rayonu, Masallı qəsəbəsinədir. Göstərilənlərə əsasən şikayət Suraxanı Rayon Məhkəməsinə deyil, X1 qeydiyyatda olduğu (yaşadığı) ərazi üzrə rayon (şəhər) məhkəməsinə verilməli idi. Azərbaycan Respublikası İXM-nin 132.2-ci maddəsinə əsasən «Şikayətə və ya protestə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir». Yuxarıda göstərilənlərə əsasən və Azərbaycan Respublikası İXM-nin 132-ci maddəsini rəhbər tutaraq, QƏRARA ALDİM: Suraxanı rayon DYPŞ-nin YPX-nin vəzifəli şəxsinin inzibati tənbeh vermə haqqında xx xxxxxxxx 2020-ci il tarixli TP seriyalı ******* nömrəli qərarından fiziki şəxs X2 tərəfindən verilmiş şikayət aidiyyəti üzrə baxılması üçün Masallı Rayon Məhkəməsinə göndərilsin. Hakim Ceyhun Qədimov