Bakı Şəhəri Suraxanı Rayon Məhkəməsi Qərardad — İş №3(010)-970/2020

Azərbaycan Respublikası adından QƏRARDAD Bakı şəhəri İş № 3(010)-970/2020 17.09.2020 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi Qədimov Ceyhun Tofiq oğlu X1 şikayətinə baxaraq, MÜƏYYƏN ETDİM: X3şikayətlə məhkəməyə müraciət edərək inzibati xəta haqqında xx xxxxxxxx 2020ci il tarixli MN seriyalı ******* nömrəli inzibati xəta haqqında protokolun və həmin protokol əsasında barəsində qəbul edilmiş inzibati tənbeh tətbiq etmə haqqında qərarın ləğv edilməsini və barəsində başlanmış inzibati xəta haqqında iş üzrə icraata xitam verilməsini xahiş etmişdir. Şikayəti nəzərdən keçirərək hesab edirəm ki, o, aşağıda göstərilənlərə əsasən geri qaytarılmalıdır. Azərbaycan Respublikası İXM-nin 128.1-ci maddəsinə əsasən «Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər». Qeyd olunur ki, məhkəməyə inzibati xəta haqqında qərar təqdim edilməyib. Belə olan halda həmin qərarın mövcud olub-olmadığı müəyyən edilmir. Bununla yanaşı, qərarın tarixi (əgər mövcuddursa) və onun X2 rəsmi qaydada təqdim edildiyi tarix təqdim olunmuş sənədlərlə müəyyən edilmədiyinə görə şikayətçinin şikayət verərkən qanunvericiliyin müvafiq müddət tələblərinə riayət edib-etmədiyini də müəyyən etmək olmur. Azərbaycan Respublikası İXM-nin 132.1.2-ci maddələrinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim inzibati xəta haqqında iş üzrə icraatı rədd edən halların mövcud olub-olmadığını yoxlamalıdır. Hesab edirəm ki, yuxarıda göstərilənlər iş üzrə icraatı rədd edən hallar kimi qiymətləndirilməlidir. Yuxarıda göstərilənlərə əsasən, QƏRARA ALDİM: X1 şikayəti geri qaytarılsın. Hakim Ceyhun Qədimov