Bakı Şəhəri Suraxanı Rayon Məhkəməsi Qərardad — İş №3(010)-982/2021

Azərbaycan Respublikası adından QƏRARDAD Bakı şəhəri İş № 3(010)-982/2021 28.07.2021 BAKI ŞƏHƏRİ SURAXANI RAYON MƏHKƏMƏSİ Mən – Suraxanı Rayon Məhkəməsinin hakimi İbrahimov Anar Firdovsi oğlu Lənkəran rayonu Polis mayoru X2 16.07.2021-ci il tarixli, TP-4491400 saylı inzibati tənbeh vermə haqqında qərarın ləğv edilməsinə dair X5 şikayətini baxılmağa hazırlayarkən, M Ü Ə Y Y Ə N E T D İ M: X7 barəsində Azərbaycan Respublikası İnzibati Xətalar Məcəlləsinin 327.2-ci maddəsi ilə 06.07.2021-ci il tarixli İXP ******* nömrəli inzibati xəta haqqında protokol tərtib edilərək 60 manat məbləğində inzibati qaydada cərimə edilmişdir. Həmin protokol əsasında 16.07.2021-ci il tarixli inzibati tənbeh vermə haqqında qərar qəbul edilmişdir. X7 şikayətlə məhkəməyə müraciət edərək, Lənkəran rayonu Polis mayoru X2 16.07.2021-ci il tarixli, TP-4491400 saylı inzibati tənbeh vermə haqqında qərarın ləğv edilməsi barədə qərar qəbul edilməsini xahiş etmişdir. Şikayəti və ona əlavə edilmiş sənəd surətlərini nəzərdən keçirərək belə qənaətə gəlirəm ki, şikayət aşağıdakı səbəblərə görə ərizə geri qaytarılmalıdır. Belə ki, iş materiallarından görünür ki, müvafiq hadisə Ələt Astara yolunun 200 km ərazidə baş verib. Lənkəran rayonu Polis mayoru X1 İbad Əli oğlu barəsində 16.07.2021ci il tarixli, TP-4491400 saylı inzibati tənbeh vermə haqqında qərar qəbul etsə də, lakin həmin qərarda Ələt Astara yolunun 200 km ərazisinin tam olaraq hansı rayonun ərazinə düşməsi müəyyən olunmur. Azərbaycan Respublikası İnzibati Xətalar Məcəlləsinin 110.1-ci maddəsinə əsasən «İnzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər». Həmin Məcəllənin 129.1.3-cü maddəsinə əsasən «səlahiyyətli orqanın (vəzifəli şəxsin) qərarından məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə» verilir. «Yaşayış yeri və olduğu yer üzrə qeydiyyat haqqında» Azərbaycan Respublikası Qanununun 3-cü maddəsinə əsasən yaşayış yerini müəyyən edən sənəd Azərbaycan Respublikası vətəndaşı barədə – yalnız Azərbaycan Respublikası vətəndaşının şəxsiyyət vəsiqəsidir. Azərbaycan Respublikası Konstitusiya Məhkəməsinin Plenumunun «Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair» 4 noyabr 2020-ci il tarixli Qərarının nəticəvi hissəsinin 2-ci və 3-cü bəndlərinin məzmunu aşağıdakı kimidir: «Azərbaycan Respublikası İnzibati Xətalar Məcəlləsinin 129.1.3-cü maddəsində müəyyən edilmiş məhkəmə aidiyyəti qaydasının təkmilləşdirilməsi Azərbaycan Respublikasının Milli Məclisinə tövsiyə edilsin. Qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. İnzibati xəta haqqında iş üzrə qərardan verilən şikayətə baxmağa hazırlıq zamanı ərazi üzrə məhkəmə aidiyyəti, barəsində qərar çıxarılmış şəxsin “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 3-cü maddəsində əks olunan yaşayış yerinin müəyyən edilməsi barədə sənədlərdə və (və ya) onların elektron daşıyıcısında göstərilən yaşayış yeri üzrə müəyyən edilir». Azərbaycan Respublikası Konstitusiya Məhkəməsinin Plenumunun yuxarıda qeyd olunan Qərarından göründüyü kimi səlahiyyətli orqanın (vəzifəli şəxsin) qərarından məhkəməyə verilən şikayət Azərbaycan Respublikası İnzibati Xətalar Məcəlləsinin 129.1.3-cü maddəsi ilə müəyyən edilmiş qayda üzrə deyil, həmin Məcəllənin 110.1-ci maddəsi ilə müəyyən edilmiş qayda üzrə verilməlidir. Yəni səlahiyyətli orqanın (vəzifəli şəxsin) qərarından məhkəməyə şikayət inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilir. İşin faktik hallarından görünür ki, inzibati xəta Ələt Astara yolunun 200 km ərazidə baş verib. Lənkəran rayonu Polis mayoru X1 İbad Əli oğlu barəsində 16.07.2021-ci il tarixli, TP-4491400 saylı inzibati tənbeh vermə haqqında qərar qəbul etmişdir. X5 rəsmi qeydiyyatı ünvan 1 ünvanınadır, lakin o, şikayətinə qeydiyyatda olduğu və yaşadığı yer üzrə baxılması ilə bağlı vəsatət verməyib. Belə olan halda, o cümlədən Azərbaycan Respublikası Konstitusiya Məhkəməsinin Plenumunun “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh edilməsinə dair” 04 noyabr 2020-ci il tarixli Qərarında əks edilmiş hüquqi mövqe nəzərə alınmaqla X5 şikayəti geri qaytarılmalıdır. Yuxarıda göstərilənlərə əsasən və Azərbaycan Respublikası İXM-nin 132-ci maddəsini rəhbər tutaraq, Q Ə R A R A A L D İ M: Lənkəran rayonu Polis mayoru X2 16.07.2021-ci il tarixli, TP-4491400 saylı inzibati tənbeh vermə haqqında qərarın ləğv edilməsinə dair X5 şikayəti geri qaytarılsın Sədrlik edən Anar İbrahimov