Bakı Şəhəri Xətai Rayon Məhkəməsi Qərar — İş №3(011)-1139/2024

Azərbaycan Respublikası adından QƏRAR Bakı şəhəri İş № 3(011)-1139/2024 09.04.2024 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Məmmədov Bəxtiyar Şahfirudin oğlunun sədrliyi, Bayramova Nərmin Nizami qızının katibliyi,Şəxs Qapalı Səhmdar Cəmiyyətinin etibarnamə üzrə nümayəndəsi X1 iştirakı ilə «X4” Qapalı Səhmdar Cəmiyyəti barəsində Azərbaycan Respublikası İnzibati Xətalar Məcəlləsinin 347-ci maddəsi ilə inzibati xəta törətməsinə dair Bakı şəhəri Xətai Rayon Polis İdarəsindən daxil olmuş inzibati materiala baxaraq, MÜƏYYƏN ETDİ: «X4” Qapalı Səhmdar Cəmiyyəti barəsində Bakı şəhəri Xətai Rayon Polis İdarəsi Dövlət Yol Polis Şöbəsi tərəfindən 10 yanvar 2024-cü il tarixli İXP ******* nömrəli inzibati xəta haqqında protokol tərtib olunaraq baxılması üçün Xətai Rayon Məhkəməsinə göndərilmişdir. İnzibati xəta haqqında materialda göstərilmişdir ki, hüquqi şəxs «X4” Qapalı Səhmdar Cəmiyyəti Bakı şəhəri Xətai Rayon Polis İdarəsi Dövlət Yol Polisi Şöbəsinin sorğusuna əsasən mülkiyyətində olan «QAZ A21R32-30» yük markalı, **-JY-*** dövlət qeydiyyat nişanlı nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatı sorğu daxil olduğu vaxtdan 5 gün müddətində verməmişdir. Məhkəmə iclasının yeri və vaxtı barədə qanunamüvafiq qaydada məlumat verilməsinə baxmayaraq, Xətai Rayon Polis İdarəsi Dövlət X3 səlahiyyətli nümayəndəsi məhkəməyə gəlməmiş, gəlməməsinin səbəbləri barədə məhkəməyə məlumat verməmişdirlər. Məhkəmə, işə Xətai Rayon Polis İdarəsi Dövlət X3 səlahiyyətli nümayəndəsinin iştirakı olmadan baxılmasını mümkün hesab etmişdir. Məhkəmə iclasında «X4” Qapalı Səhmdar Cəmiyyətinin etibarnamə üzrə nümayəndəsi izahatında bildirmişdir ki, qeyd edilən sorğu xx.xx.2023-cü il tarixdə hüquqi şəxsə daxil olmuş, daxil olduğu vaxtdan 5 gün müddətində, yəni xx.xx.2023-cü il tarixli məktubla cavablandırılmış və xx.xx.2023-cü il tarixdə poçta təqdim edilmişdir. Odur ki, inzibati xəta olmadığını nəzərə alaraq iş üzrə icraata xitam verilməsini xahiş etmişdir. İş materiallarında olan poçt göndərişinin verilməsi haqqında xəbərnamənin surətindən görünür ki, Xətai Rayon Dövlət X3 sorğu məktubunun xx.xx.2023-cü il tarixdə “Ə.Məmmədov” adlı şəxs tərəfindən qəbul edilməsi qeyd edilmişdir. İş materiallarında olan Xətai Rayon Polis İdarəsi Dövlət Yol Polisi Şöbəsinin sorğusundan görünür ki, «X4” Qapalı Səhmdar Cəmiyyətinə mülkiyyətində olan «QAZ A21R32-30» yük markalı, **-JY-*** dövlət qeydiyyat nişanlı nəqliyyat vasitəsini xx.xx.2023cü il tarixdə saat 10:20-də idarə etmiş fiziki şəxs haqqında sorğunun rəsmi qaydada alındığı vaxtdan 5 gün müddətində məlumat verilməsi bildirilmişdir. İş materiallarında olan «X4” Qapalı Səhmdar Cəmiyyəti tərəfindən Xətai Rayon Polis İdarəsi Dövlət Yol Polisi Şöbəsinə göndərilmiş xx.xx.2023-cü il tarixli məktubdan görünür ki, QSC tərəfindən «QAZ A21R32-30» yük markalı, **-JY-*** dövlət qeydiyyat nişanlı nəqliyyat vasitəsini idarə etmiş fiziki şəxs haqqında məlumat verilmişdir. İş materiallarında olan qaimənin surətindən görünür ki, «X4” Qapalı Səhmdar Cəmiyyətinin sorğuya verdiyi cavab məktubu xx.xx.2023-cü il tarixdə Xətai Rayon Polis İdarəsi Dövlət Yol Polisi Şöbəsinə göndərilmişdir. Məhkəmə inzibati işin materiallarını tam, hərtərəfli və obyektiv araşdırıb, aşağıdakı əsaslara görə hesab edir ki, inzibati xəta haqqında iş üzrə icraata xitam verilməlidir. Belə ki, məhkəmə araşdırması zamanı müəyyən edilmişdir ki, səlahiyyətli orqanın sorğu məktubu «X4” Qapalı Səhmdar Cəmiyyətinə daxil olduğu vaxtdan 5 gün müddətində cavablandırılmışdır. Bununla da, hüquqi şəxsin əməlində inzibati xəta olması sübuta yetirilməmişdir. Azərbaycan Respublikası İXM-nin 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İXM-nin 53.1.2-ci maddəsinə əsasən isə inzibati xəta tərkibi olmadıqda inzibati xətalar haqqında işlər üzrə icraata başlanıla bilməz, başlanmış icraata isə xitam verilməlidir. Azərbaycan Respublikası İXM-nin 105.1-ci maddəsinə görə həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Belə olan halda məhkəmə hesab edir ki, Bakı şəhəri Xətai Rayon Polis İdarəsi Dövlət Yol Polisi Şöbəsinin sorğusu «X4” Qapalı Səhmdar Cəmiyyəti tərəfindən qanunla müəyyən edilmiş müddətdə cavablandırılmışdır. Buna görə də hüquqi şəxsin əməlində inzibati xəta tərkibi müəyyən edilmədiyindən inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-in 53.1.2, 105.1-ci maddələrini rəhbər tutaraq QƏRARAALDİM: Hüquqi şəxs «X4” Qapalı Səhmdar Cəmiyyəti barəsində Azərbaycan Respublikası İXM-nin 347-ci maddəsi ilə başlanılmış inzibati xəta haqqında iş üzrə icraata xitam verilsin. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Sədrlik edən Bəxtiyar Məmmədov