Bakı Şəhəri Xətai Rayon Məhkəməsi Qərar — İş №3(011)-1325/2024

Azərbaycan Respublikası adından QƏRAR Bakı şəhəri İş № 3(011)-1325/2024 29.04.2024 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Məmmədov Bəxtiyar Şahfirudin oğlunun sədrliyi, Bayramova Nərmin Nizami qızının katibliyi, Şəxs MMC-nin etibarnamə üzrə nümayəndəsi X1 iştirakı ilə Hüquqi şəxs Şəxs MMC barəsində Azərbaycan Respublikası İXM-nin 430.4-cü maddəsi ilə inzibati xəta törətməsinə dair Azərbaycan Respublikası Mərkəzi Bankından daxil olmuş inzibati materiala baxaraq, MÜƏYYƏNETDİM: İnzibati xəta haqqında materialdan görünür ki, Şəxs MMC 46200.00 ABŞ dolları məbləğində xarici valyutada olan vəsaiti 15 fevral 2022-ci il tarixində Azərbaycan Respublikasından kənara qabaqcadan ödəniş etməklə köçürmüş, ödənişin aparıldığı vaxtdan 02 ildən artıq müddət keçməsinə baxmayaraq, 46200.00 ABŞ dolları məbləğində vəsait hesabına alınan malların ölkəyə idxal olunmasını və ya xidmətlərin göstərilməsini təsdiq edən sənədi banka təqdim etməmiş, qabaqcadan ödənilmiş valyuta vəsaiti isə xaricdən geri qaytarılmamışdır. Bununla bağlı 26 fevral 2024-cü il tarixli EP seriyalı ******* saylı protokol tərtib olunaraq baxılması üçün Bakı Şəhəri Xətai Rayon Məhkəməsinə göndərilmişdir. Məhkəmə iclasında Şəxs MMC-nin nümayəndəsi X2 izahatında göstərmişdir ki, hüquqi şəxs Şəxs MMC-nin 46200.00 ABŞ dolları məbləğində vəsaiti 15 fevral 2022-ci il tarixdə xaricə köçürməsi və 2 il müddət keçsə də, 46200.00 ABŞ dolları məbləğində vəsait hesabına alınan malları (xidməti) ölkəyə idxal etməməsinin, valyuta vəsaitinin geri qaytarılmamasının səbəbi Ukraynada başlanmış müharibədir. Bununla əlaqədar aidiyyatı qurumlara o cümlədən Ukraynanın ölkəmizdəki Səfirliyinə müraciət etməsinə baxmayaraq hazırkı dövrə qədər Ukrayna tərəfi məhsulları göndərə bilmir. Bunu təsdiq edən sənədləri məhkəməyə təqdim edə bilər. Hesab edir ki, qeyd olunan protokol əsassız və qanunsuz olduğundan etibarsız hesab edilməli və inzibati xəta haqqında iş üzrə icraata xitam verilməlidir. Bakı şəhəri Xətai rayon Məhkəməsinin xx.xx.2024-cü il tarixli qərarı ilə həmin iş üzrə icraata xitam verilmişdir. Odur ki, Şəxs MMC barəsində tərtib edilmiş 26 fevral 2024-cü il tarixli EP seriyalı ******* saylı “İnzibati xəta haqqında” protokolun etibarsız hesab edilməsi və inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. Məhkəmə iclasında vaxtı və yeri barədə məlumat verilməsinə baxmayaraq Mərkəzi Bankın nümayəndəsi məhkəmə iclasına üzrlü səbəb olmadan gəlməmişdir. Məhkəmə iclasının onun iştirakı olmadan keçirilməsi mümkün hesab edilmişdir. İş materiallarında olan ödəniş tapşırığının surətindən görünür ki, Şəxs MMC tərəfindən 15 fevral 2022-ci il tarixində "xxxx" ASC vasitəsilə 46200.00 ABŞ dolları məbləğində pul vəsaiti Azərbaycan Respublikasından kənara köçürülmüşdür. İş materiallarına əlavə edilmiş hesabatdan görünür ki, xx.xx.2022-ci il tarixdə Şəxs MMC tərəfindən 46200.00 ABŞ dolları məbləğində pul vəsaiti hesabına alınmış mallar ölkəyə idxal olunmuş və "xxxx" ASC tərəfindən təsdiq edilmişdir. İş materiallarında olan Bakı şəhəri Xətai Rayon Məhkəməsinin 3(011)-978/2024 saylı, xx.xx.2024-cü il tarixli qərarı ilə iş üzrə icraata xitam verilmişdir. İş materiallarında olan ““АПРЕЛЪ ПЛЮС” özəl şirkəti tərəfindən Şəxs MMC-yə ünvanlanmış məktubda bildirilmişdir ki, hərbi vəziyyət rejimi ilə əlaqədar işçilərin 75%-nin səfərbər edilməsi, raket hücumları, elektrik enerisinin kəsilməsi, işçi heyətin çatışmazlığı səbəbindən müəssisə fəaliyyətini dayandırmışdır. Vəziyyətin sabitləşəcəyi vaxtda öz maliyyə öhdəliklərini yerinə yetirəcəklərini bildirmişlər. İş materiallarında olan Ukraynanın Azərbaycan Respublikasındakı Fövqəladə və Səlahiyyətli səfirinə ünvanlanmış məktubdan görünür ki, Şəxs MMC səfirliyə ““АПРЕЛЪ ПЛЮС”” özəl müəssisəsi tərəfindən 42 ton toyuq filesinin göndərilməli olduğunu, hesabfakturalar verildikdən sonra 92400 ABŞ dolları məbləğində vəsaitin şirkətin hesabına köçürüldüyünü, təxminən 6 ay ərzində yükün göndəriləcəyini bildirdikləri halda nə yükün göndərildiyini, nə də ödənişin geri ödənildiyini bildirərək məsələnin həllini tapması üçün köməklik göstərilməsini istəmişdir. İnzibati işin materiallarını tam, hərtərəfli və obyektiv araşdırıb, aşağıdakı əsaslara görə hesab edirəm ki, inzibati xəta haqqında iş üzrə icraata xitam verilməlidir. Belə ki, Azərbaycan Respublikası Mərkəzi X3 28 noyabr 2016-cı il tarixli 45/1 nömrəli “Azərbaycan Respublikasının rezident və qeyri-rezidentlərinin xarici valyuta əməliyyatlarının aparılması Qaydaları”nın təsdiq edilməsi barədə Qərarının 4.3.1.3-cü maddəsinə əsasən, qabaqcadan ödəniş aparıldıqda banka ödənişin təyinatını, şərtlərini və məbləğini əks etdirən sənəd təqdim edilir. Qabaqcadan ödəniş müqabilində malların ölkəyə idxalını (xidmətlərin göstərilməsini) təsdiq edən gömrük bəyannaməsi (xidmətlərin göstərilməsini təsdiq edən sənəd) banka təqdim olunmalıdır və ya xeyrinə qabaqcadan ödənişin edildiyi şəxs və ya üçüncü şəxs tərəfindən qabaqcadan ödənilmiş məbləğ geri qaytarılmalıdır. Müvafiq sənədlər ödənişin aparıldığı gündən ən geci 2 (iki) il müddətində banka təqdim edilmədikdə və ya qabaqcadan ödənilmiş məbləğ geri qaytarılmadıqda və bu zaman idxal edilməyən malların (göstərilməyən xidmətlərin) və ya geri qaytarılmayan məbləğin qalıq dəyəri 10 000 (on min) ABŞ dolları ekvivalenti məbləğindən çox olduqda, bank tərəfindən qabaqcadan ödəniş əməliyyatına dair bütün sənədlər 5 (beş) iş günü ərzində Azərbaycan Respublikasının Mərkəzi Bankına təqdim edilir. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İXM-nin 53.1.2-ci maddəsinə əsasən isə inzibati xəta tərkibi olmadıqda inzibati xətalar haqqında işlər üzrə icraata başlanıla bilməz, başlanmış icraata isə xitam verilməlidir. Azərbaycan Respublikası İXM-nin 105.1-ci maddəsinə görə həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Məhkəmə iclasında müəyyən edilmişdir ki, Şəxs MMC tərəfindən xx.xx.2022-ci il tarixində 46200.00 ABŞ dolları məbləğində pul vəsaiti xaricə köçürülmüş, Ukraynada gedən müharibə ilə əlaqədar malları ölkəyə idxal edə bilməmişdir. Bu barədə “АПРЕЛЪ ПЛЮС” özəl şirkətinə və Ukraynanın Azərbaycan Respublikasındakı Fövqəladə və Səlahiyyətli səfirinə müraciət etməsi iş materialları ilə sübuta yetirilmişdir. Belə olan halda məhkəmə hesab edir ki, hüquqi şəxs Şəxs MMC öz fəaliyyətindən asılı olmayan səbəbdən malları ölkəyə idxal edə bilməmişdir. Bu səbəbdən onun əməlində inzibati xəta tərkibi müəyyən edilməmişdir və inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-in 53, 105 və 114cü maddələrini rəhbər tutaraq QƏRARAALDİM: İnzibati xəta tərkibi olmadığından hüquqi şəxs Şəxs MMC barəsində Azərbaycan Respublikası İXM-in 430.4-cü maddəsi ilə başlanılmış inzibati xəta haqqında iş üzrə icraata xitam verilsin. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Sədrlik edən: Bəxtiyar Məmmədov