Bakı Şəhəri Xətai Rayon Məhkəməsi Qərar — İş №3(011)-1554/2021

Azərbaycan Respublikası adından QƏRAR Bakı şəhəri İş № 3(011)-1554/2021 05.04.2021 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Məmmədov Bəxtiyar Şahfirudin oğlunun sədrliyi, Məhkəmə iclasının katibi X4, inzibati xəta törətmiş Şəxs və zərərçəkmiş şəxs X1 iştirakı ilə xx.xx.1986-cı ildə Bakı şəhərində doğulmuş, Azərbaycan Respublikasının vətəndaşı, ünvan 1 ünvanında yaşayan Şəxs oğlunun Azərbaycan Respublikası İnzibati Xətalar Məcəlləsinin 227-ci maddəsi ilə nəzərdə tutulmuş inzibati xəta törətməsi haqqında materiallara açıq məhkəmə iclasında baxaraq, MÜƏYYƏN ETDİM: İnzibati xəta haqqında materialdan görünür ki, taksi sürücüsü işləyən Şəxs xx.xx.2021-ci il tarixdə 23:50 radələrində Xətai rayonu R.Quliyev küçəsində sərnişin X2 məxsus 270 (iki yüz yetmiş) manat pulu və danışmaq üçün aldığı 35 (otuz beş) manat dəyərində mobil telefonu talayaraq, ona ümumilikdə 305 (üç yüz beş) manat məbləğində maddi ziyan vurmuşdur. Cinayət işinin başlanmasının rədd edilməsi barədə qərara əsasən Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə xx xxxxx 2021-ci il tarixli MN ******* nömrəli protokol tərtib olunaraq baxılması üçün Bakı şəhər Xətai Rayon Məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirmişdir ki, idarə etdi “Kia Rio” markalı **-DY-*** dövlət qeydiyyat nömrə nişanlı minik avtomobili ilə Bakı şəhər ərazisində “2111” taksi xidmətinə sürücü fəaliyyəti ilə məşğul olur. xx.xx.2021-ci il tarixdə saat 23:50 radələrində istifadəsində olan mobil telefona sifariş daxil olduqdan sonra Xətai rayonu Neapol dairəsi yaxınlığında yerləşən binaya yaxınlaşmış, şəxsiyyəti ona sonradan məlum olan Orxan adlı müştəri idarə etdiyi minik avtomobilin qabaq oturacağına əyləşmiş və Zirə qəsəbəsinə gedəcəyini bildirmişdir. Orxan su almaq məqsədi ilə ondan avtomobili saxlamağı xahiş etdikdə, avtomobili yolun sağ yan hissəsində saxlamış, Orxandan danışmaq məqsədilə mobil telefonunu almışdır. Orxan avtomobildən düşərək yolun sol yan hissəsində yerləşən dükana getdikdə, Orxanı gözləmədən həmin yerdən kənarlaşmış, təxminən 4 saatdan sonra avtomobilin salonunda təmizlik işləri apardığı zaman avtomobilin salonunda polietilen torbada 270 (iki yüz yetmiş) manat pulun Orxana məxsus olmasını müəyyən etmişdir. Daha sonra o, özünü təqsirli bilərək əməlindən peşman olduğunu, zərəri ödədiyini, zərərçəkmiş şəxslə barışdığını, bir daha belə hallara yol verməyəcəyini qeyd edərək inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasında zərərçəkmiş şəxs X5 bildirmişdir ki, ona dəymiş ziyan ödənilmişdir, ona görə də Şəxs qarşı heç bir şikayət və tələbi yoxdur, inzibati xəta haqqında iş üzrə icraata xitam verilməsini məhkəmədən xahiş etmişdir. İş materiallarında olan Xətai RPİ-nin 36-cı Polis Bölməsinin təhqiqatçısı polis polkovnik-leytenantı X3 xx xxxxx 2021-ci il tarixli qərarından görünür ki, toplanmış material üzrə cinayət tərkibi olmadığından Şəxs barəsində cinayət işi başlanması rədd edilmiş, inzibati məsuliyyətə cəlb edilməsi məsələsinin həlli üçün qərarın surəti Xətai RPİ-nin 36-cı Polis Bölməsinin aidiyyəti üzrə əməkdaşına təhvil verilmişdir. İş materiallarında olan X1 ərizəsindən görünür ki, ona dəymiş ziyan ödənilmişdir, ona görə də Şəxs qarşı heç bir şikayət və tələbi yoxdur. İş materiallarını araşdıraraq məhkəmə hesab edir ki, Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan inzibati xətanı törətmiş, həmin xətanın törədilməsində təqsirlidir. Azərbaycan Respublikası İnzibati Xətalar Məcəlləsinin 227-ci maddəsinin qeyd hissəsində göstərilmişdir ki, bu Məcəllənin 227-ci maddəsi həmin maddədə göstərilən əməllər Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olmadıqda tətbiq edilir. Həmin Məcəllənin 39.2-ci maddəsinə əsasən bu Məcəllənin 227-ci maddəsində nəzərdə tutulmuş inzibati xəta haqqında iş üzrə icraat zamanı inzibati xəta törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati iş üzrə icraata xitam verilir. Həmin Məcəllənin 53.0.10-cu maddəsinə əsasən bu Məcəllənin 227-ci maddəsində nəzərdə tutulan inzibati xətanı törətmiş şəxs vurulmuş ziyanı tamamilə ödədikdə və zərərçəkmiş şəxslə barışdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Tərəfin izahatını, iş materiallarını araşdırıb hesab edirəm ki, Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan inzibati xətanı törətmiş, həmin xətanın törədilməsində təqsirlidir, lakin inzibati xətanı törətmiş şəxs zərərçəkmiş şəxsə vurduğu ziyanı tamamilə ödədiyindən və zərərçəkmiş şəxslə barışdığından Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməsinə dair iş üzrə icraata xitam verilməlidir. Şərh olunanlara əsasən və Azərbaycan Respublikasıİnzibati Xətalar Məcəlləsinin Məcəlləsinin 39.2, 43, 48, 114, 115-ci maddələrini rəhbər tutaraq, Q Ə R A R A A L D İ M: Şəxs Azərbaycan Respublikası İnzibati Xətalar Məcəlləsinin 227-ci maddəsi ilə təqsirli bilinsin və iş üzrə icraata xitam verilsin. Qərarın surəti təqdim edildiyi və ya alındığı gündən 10 (on) gün müddətində Bakı Apellyasiya Məhkəməsinə şikayət və protest verilə bilər. Sədrlik edən: Bəxtiyar Məmmədov