Bakı Şəhəri Xətai Rayon Məhkəməsi Qərardad — İş №3(011)-1556/2024

Azərbaycan Respublikası adından QƏRARDAD Bakı şəhəri İş № 3(011)-1556/2024 03.05.2024 BAKI ŞƏHƏRİ XƏTAİ RAYON MƏHKƏMƏSİ X2 Məmmədovun sədrliyi ilə X1 barəsində Baş Dövlət Yol Polis İdarəsinin xx.xx.2024-cü il tarixli EQ 20192027, xx.xx.2024-cü il tarixli EQ 20436676, xx.xx.2024-cü il tarixli EQ 20434053 nömrəli inzibati tənbeh vermə haqqında qərarlarından X3 verdiyi şikayətə baxmağa hazırlıq zamanı, MÜƏYYƏN ETDİM: X6 şikayət ərizəsi ilə məhkəməyə müraciət edərək X1 barəsində Baş Dövlət Yol Polis İdarəsinin xx.xx.2024-cü il tarixli EQ 20192027, xx.xx.2024-cü il tarixli EQ 20436676, xx.xx.2024-cü il tarixli EQ 20434053 nömrəli inzibati tənbeh vermə haqqında qərarlarının ləğv olunması və iş üzrə icraata xitam verilməsi barədə qərar qəbul edilməsini xahiş etmişdir. Məhkəmə hesab edir ki, X3 Baş Dövlət Yol Polis İdarəsinin inzibati tənbeh vermə haqqında qərardan verdiyi şikayət və əlavə olunmuş sənədlər geri qaytarılmalıdır. Belə ki, iş materialları təhlil edilərkən müəyyən edilmişdir ki, inzibati tənbeh vermə haqqında qərardan şikayət inzibati qaydada cərimə tənbehi tətbiq edilmiş, yəni barəsində inzibati xəta haqqında iş üzrə icraat aparılan şəxs X4 və ya müdafiəçi tərəfindən deyil, X6 tərəfindən imzalanmaqla verilmişdir. Həmçinin ayrı-ayrı inzibati tənbeh vermə haqqında qərarların ləğvinə dair bir ərizə ilə müraciət etdiyindən və bir neçə inzibati tənbeh vermə haqqında qərarın ləğvinə bir ərizə ilə baxılması mümkün olmadığından verdiyi şikayət ərizəsi və əlavə olunmuş sənədlər geri qaytarılmalıdır. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 132.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim, səlahiyyətli orqan (vəzifəli şəxs) tərəfindən aşağıdakı məsələlər həll edilir: 132.1.1. inzibati xəta haqqında iş həmin hakimə, səlahiyyətli orqana (vəzifəli şəxsə) aiddirmi; 132.1.2. inzibati xəta haqqında iş üzrə icraatı rədd edən hallar mövcuddurmu; 132.1.3. vəsatətlərə baxılır, zəruri olduqda ekspertiza təyin edilir, əlavə materiallar tələb olunur, şikayətə və ya protestə baxılma üçün lazım olan şəxslər çağırılır. Beləliklə, yuxarıda göstərilənlərə əsasən məhkəmə belə hesab edir ki, X3 Baş Dövlət Yol Polis İdarəsinin xx.xx.2024-cü il tarixli EQ 20192027, xx.xx.2024-cü il tarixli EQ 20436676, xx.xx.2024-cü il tarixli EQ 20434053 nömrəli inzibati tənbeh vermə haqqında qərarlarından şikayət vermək hüququ olmadığından şikayət və ona əlavə edilmiş sənədlər geri qaytarılmalıdır. Qeyd olunanları və Azərbaycan Respublikasının İnzibati Xətalar Məcəlləsinin 128, 132-ci maddələrini rəhbər tutaraq, Q Ə R A R A A L D İ M: X3 Baş Dövlət Yol Polis İdarəsinin xx.xx.2024-cü il tarixli EQ 20192027, xx.xx.2024cü il tarixli EQ 20436676, xx.xx.2024-cü il tarixli EQ 20434053 nömrəli inzibati tənbeh vermə haqqında qərarlarının ləğv edilməsinə dair şikayəti və ona əlavə edilmiş sənədlər baxılmadan geri qaytarılsın. Sədrlik edən: Bəxtiyar Məmmədov