Bakı Şəhəri Xətai Rayon Məhkəməsi Qərar — İş №3(011)-1581/2022

Azərbaycan Respublikası adından QƏRAR Bakı şəhəri İş № 3(011)-1581/2022 12.04.2022 BAKI ŞƏHƏRİ XƏTAİ RAYON MƏHKƏMƏSİ Hakim Axundov Fuad Aydın oğlunun sədrliyi, məhkəmə iclas katibi Təhməzov Nihad İlham oğlunun katibliyi, inzibati xəta haqqında protokolu tərtib edən Bakı şəhəri Xətai Rayon İcra Şöbəsinin icra məmuru X2 zərərçəkmiş hüquqi şəxs "xxxx" MMC-nin etibarnamə üzrə nümayəndəsi X6, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1964-cü il tarixdə Bakı şəhərində doğulmuş, Azərbaycan Respublikasının vətəndaşı, evli, orta təhsilli, ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh tədbirinin tətbiq edilməsinə dair Bakı şəhəri Xətai rayon İcra şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Xətai Rayon İcra Şöbəsindən daxil olmuş 12 aprel 2022-ci il tarixli inzibati xəta haqqında protokolda göstərilmişdir ki, Şəxs Bakı şəhəri Xətai Rayon Məhkəməsinin 02.12.2013-cü il tarixli, 2(011)-4751/2013 saylı, Bakı şəhəri Xətai Rayon Məhkəməsinin 01.03.2016-cı il tarixli, 2(011)-3390/2016 saylı, Bakı şəhəri Xətai Rayon Məhkəməsinin 25.04.2016-cı il tarixli, 2(011)-5542/2016 saylı icra sənədinə əsasən olan borclarını uzun müddət ərzində ödəmədiyinə və icra məmurunun qanuni tələblərini yerinə yetirmədiyinə görə Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında Bakı şəhəri Xətai rayon İcra şöbəsinin icra məmuru Kəmalə Həsənova inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, “İcra haqqında” Azərbaycan Respublikası Qanununun tələblərinə uyğun olaraq icra sənədi üzrə icraata başlamaq haqqında qərar qəbul edilərək borcluya tələbin icrası üçün bildiriş göndərilmişdir. Bundan sonra, dəfələrlə borclu Şəxs şifahi və yazılı xəbərdarlıq edilərək qətnamələrin icrası tələb olunmuşdur. Borclu, Şəxs Azərbaycan Respublikası adından qəbul edilmiş və icrası bütün şəxslər üçün məcburi olan məhkəmə qərarının icrasını təmin etməmiş, icra sənədlərinin icrasından qərəzli olaraq yayınmış, icra məmurunun qanuni tələblərini yerinə yetirməmişdir. Göstərilənlərə əsasən borclu şəxs Sadıqova X5 Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə özünü təqsirli bilərək göstərmişdir ki, barəsində axtarış elan olunmadan qabaq "xxxx" MMC-nin xeyrinə 80 manat və hal-hazırda da 300 manat ödəniş etmişdir, bundan başqa X1 ildən hər ay 30 manat ödəniş etmiş, lakin "xxxx" MMCnin xeyrinə heç bir ödəniş edilməmişdir. Hal-hazırda borcunu ödəməyə maddi imkanı yoxdur, lakin tez bir zamanda icra sənədləri üzrə olan borcunu ödəyəcəkdir. Beləliklə o, əməlindən peşman olduğunu bildirərək barəsində yüngül inzibati tənbeh tədbirinin tətbiq edilməsini xahiş etmişdir. Məhkəmə iclasında zərərçəkmiş hüquqi şəxs "xxxx" MMC-nin etibarnamə üzrə nümayəndəsi X8 izahat verərək bildirmişdir ki, cavabdeh Şəxs Bakı şəhəri Xətai Rayon Məhkəməsinin 01.03.2016-cı il tarixli, 2(011)-3390/2016 saylı və 25.04.2016-cı il tarixli, 2(011)-5542/2016 saylı icra sənədlərinə əsasən yaranmış borclarını ödəməkdən qərəzli olaraq boyun qaçıraraq, məhkəmə qətnaməsini icrasından yayınmışdır. Odur ki o, Bakı şəhəri Xətai Rayon İcra Şöbəsinin icra məmuru tərəfindən tərtib olunmuş protokolla razılaşdığını və borclu barəsində inzibati tənbeh tədbirinin tətbiq edilməsini xahiş etmişdir. İş materiallarında olan və məhkəmə baxışında tədqiq edilmiş: Bakı şəhəri Xətai Rayon Məhkəməsinin 01.03.2016-cı il tarixli, 2(011)-3390/2016 saylı icra sənədindən görünür ki, cavabdeh Şəxs 962 manat əsas və 192 manat cərimə olmaqla, cəmi 1154 manat borc və 20 manat dövlət rüsumunun "xxxx" MMC-nin xeyrinə ödənilməsi qət edilmişdir; icraata başlamaq haqqında 04.04.2016-cı il tarixli qərarın surətindən görünür ki, Bakı şəhəri Xətai Rayon Məhkəməsinin 01.03.2016-cı il tarixli, 2(011)-3390/2016 saylı icra sənədinə əsasən iş üzrə icraat başlanılmış və tələbin könüllü icrası haqqında bildiriş borclunun ünvanına göndərilmişdir; 16.08.2021-ci il tarixli qərardan görünür ki, borclu Şəxs məcburi qaydada Bakı şəhəri Xətai rayon İcra Şöbəsinə gətirilməsi qərara alınmışdır; Bakı şəhəri Xətai Rayon Məhkəməsinin 25.04.2016-cı il tarixli, 2(011)-5542/2016 saylı məhkəmə əmrindən görünür ki, cavabdeh Şəxs 1097 manat əsas və 165 manat cərimə olmaqla, cəmi 1262 manat borc və 20 manat dövlət rüsumunun kreditor X3 xeyrinə ödənilməsi qət edilmişdir; icraata başlamaq haqqında 06.06.2016-cı il tarixli qərarın surətindən görünür ki, Bakı şəhəri Xətai Rayon Məhkəməsinin 25.04.2016-cı il tarixli, 2(011)-5542/2016 saylı icra sənədinə əsasən iş üzrə icraat başlanılmış və tələbin könüllü icrası haqqında bildiriş borclunun ünvanına göndərilmişdir; 29.07.2021-ci il tarixli xəbərdarlıq məktubunun surətindən görünür ki, Bakı şəhəri Xətai Rayon Məhkəməsinin 25.04.2016-cı il tarixli, 2(011)-5542/2016 saylı icra sənədi üzrə olan borcunu 10 gün müddətində könüllü olaraq ödəməsi borclu Şəxs tələb olunmuş əks təqdirdə qanunamüvafiq qaydada təqdimatla məhkəməyə müraciət olunacağı barədə xəbərdar olunmuşdur; Bakı şəhəri Xətai Rayon Məhkəməsinin 02.12.2013-cü il tarixli, 2(011)-4751/2013 saylı icra sənədindən görünür ki, cavabdeh Şəxs 1423 manat məbləğində pul vəsaitinin "xxxx" MMC-nin xeyrinə ödənilməsi qət edilmişdir; icraata başlamaq haqqında 13.02.2014-cü il tarixli qərarın surətindən görünür ki, Bakı şəhəri Xətai Rayon Məhkəməsinin 02.12.2013-cü il tarixli, 2(011)-4751/2013 saylı icra sənədinə əsasən iş üzrə icraat başlanılmış və tələbin könüllü icrası haqqında bildiriş borclunun ünvanına göndərilmişdir; borclunun axtarışı haqqında 25.01.2021-ci il tarixli qərarın surətindən görünür ki, xx.xx.1964-cü il təvəllüdlü borclu Şəxs barəsində axtarış elan olunmuşdur; Bakı şəhəri Xətai RPİ-nin 34-cü PŞ-nin 11.04.2022-ci il tarixli məktubundan görünür ki, barəsində axtarış elan olunmuş borclu Şəxs 11.04.2022-ci il tarixdə Xətai Rayon İcra Şöbəsinə təhvil verilmişdir; bir neçə icra sənədinin ümumi icraatda birləşdirilməsi haqqında 21.12.2021-ci il tarixli qərardan görünür ki, Bakı şəhəri Xətai Rayon Məhkəməsinin 02.12.2013-cü il tarixli, 2(011)-4751/2013 saylı, Bakı şəhəri Xətai Rayon Məhkəməsinin 01.03.2016-cı il tarixli, 2(011)-3390/2016 saylı, Bakı şəhəri Xətai Rayon Məhkəməsinin 25.04.2016-cı il tarixli, 2(011)-5542/2016 saylı icra sənədləri birləşdirilmişdir. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. «İcra məmurları haqqında» Azərbaycan Respublikası Qanununun 10-cu maddəsinə əsasən icra məmurlarının öz səlahiyyətləri hüdudunda irəli sürdükləri tələblər Azərbaycan Respublikası ərazisində bütün fiziki və hüquqi şəxslər üçün məcburidir. İcra məmurlarının qanuni tələblərini yerinə yetirməyən, ona həvalə edilmiş vəzifələrin icrasına mane olan şəxslər qanunvericiliklə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur. Azərbaycan Respublikası İnzibati Xətalar Məcəlləsinin 32.2-ci maddəsinə əsasən İnzibati tənbeh tətbiq edilərkən bu Məcəllənin 32.1.1 - 32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər. Azərbaycan Respublikası İXM-nin 32.1.1-ci maddəsinə əsasən inzibati xəta törətmiş şəxsin səmimi peşmançılığı inzibati xətaya görə məsuliyyəti yüngülləşdirən hal hesab edilir. Azərbaycan Respublikası İXM-nin 30.2-ci maddəsinə əsasən hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, birinci və ya ikinci dərəcə əlilliyi olan şəxslər, sağlamlıq imkanları məhdud 18 yaşınadək uşaqlar, altmış yaşına çatmış qadınlar və altmış beş yaşına çatmış kişilər, habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular barəsində inzibati həbs tətbiq edilə bilməz. Məhkəmə iclasında tədqiq edilmiş inzibati xəta haqqında protokol, icra məmurunun və inzibati materialda olan digər sənədlərlə sübuta yetirilmişdir ki, borclu Şəxs məhkəmə qətnaməsi ilə üzərinə qoyulmuş öhdəliyini üzrsüz səbəbdən yerinə yetirməyərək icra məmuru tərəfindən müəyyən olunmuş müddətdə Bakı şəhəri Xətai Rayon Məhkəməsinin 02.12.2013-cü il tarixli, 2(011)-4751/2013 saylı, Bakı şəhəri Xətai Rayon Məhkəməsinin 01.03.2016-cı il tarixli, 2(011)-3390/2016 saylı, Bakı şəhəri Xətai Rayon Məhkəməsinin 25.04.2016-cı il tarixli, 2(011)-5542/2016 saylı icra sənədlərinin icrasını təmin etməmişdir. Bununla da, borclu Şəxs məhkəmə qərarında göstərildiyi qaydada icranı təmin etməmiş, icra sənədlərinin icrasına laqeydlik göstərmiş və səhlənkar yanaşmışdır. Bu isə öz növbəsində keçən müddət ərzində icrası məcburi olan Azərbaycan Respublikası adından qəbul edilmiş məhkəmə aktına vətəndaşın səthi və etinasız yanaşmasına dəlalət edir. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmənin bu qənaəti həmçinin onunla da əsaslandırır ki, cavabdeh Şəxs cəmi 1154 manat borc və 20 manat dövlət rüsumunun "xxxx" MMC, cəmi 1262 manat borc və 20 manat dövlət rüsumunun kreditor X7 və 1423 manat məbləğində pul vəsaitinin "xxxx" MMC-nin xeyrinə ödənilməsinin qət edilməsinə baxmayaraq, Şəxs yaranmış borclarını ödəməkdən boyun qaçırmışdır. Bunlar, onun məhkəmə qərarının icrasına biganə yanaşdığını və qərarı qərəzli olaraq üzrsüz səbəbdən icra etmədiyini təsdiq edir. Şəxs dövlət adından çıxarılmış məhkəmə qətnaməsinə etinasız yanaşmasının ictimai təhlükəliliyi ondan ibarətdir ki, bu hərəkətlərə yol verməklə o, məhkəmə orqanlarını nüfuzdan salır və bununla da, vətəndaşların məhkəmə sisteminə inamını azaldır. Məhkəmə, törədilmiş inzibati xətanın xarakterini, məsuliyyəti yüngülləşdirən hal kimi əməlindən peşmançılıq çəkməsini və ağırlaşdıran halların müəyyən edilməməsini, habelə iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və ona adıçəkilən maddənin sanksiyasının hədləri daxilində inzibati cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinsin və barəsində 500 (beş yüz) manat məbləğində cərimə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Xətai Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Sədrlik edən: Fuad Axundov